મોરબી જિલ્લા ભાજપના નવા સંગઠનની જાહેરાત: જયંતીભાઈ રાજકોટિયા પ્રમુખપદે યથાવત

અટકળોનો અંત: પૂર્વ સાંસદ મોહનભાઈ કુંડારિયા અને ધારાસભ્ય દુર્લભજીભાઈના જૂથનું વર્ચસ્વ

ખાસ-ખબર ન્યૂઝ મોરબી, તા.17
જિલ્લા ભાજપ સંગઠનમાં છેલ્લા ઘણા સમયથી ચાલી રહેલી ફેરફારની કવાયત અને પ્રમુખ બદલવાની અટકળોનો આખરે અંત આવ્યો છે. પ્રદેશ ભાજપ દ્વારા મોરબી જિલ્લા ભાજપ પ્રમુખ તરીકે જયંતીભાઈ રાજકોટિયાને યથાવત રાખવાનો નિર્ણય લેવામાં આવ્યો છે, જેની સાથે જ જિલ્લાની નવી ટીમની સત્તાવાર જાહેરાત કરી દેવામાં આવી છે. નવા સંગઠનમાં પૂર્વ સાંસદ મોહનભાઈ કુંડારિયા અને ધારાસભ્ય દુર્લભજીભાઈ દેથરિયાના જૂથનું સ્પષ્ટ વર્ચસ્વ જોવા મળી રહ્યું છે.
યુવા મોરચાના પ્રમુખ તરીકે જતીનભાઈ ફુલતરીયા અને મહિલા મોરચાના પ્રમુખ તરીકે જયશ્રીબેન સીણોજીયાની વરણી કરવામાં આવી છે. કિસાન મોરચાની જવાબદારી ગણપતસિંહ ઝાલાને, ઓબીસી મોરચો કરમશીભાઈ પરમારને, અનુસૂચિત જાતિ મોરચો વિઠ્ઠલભાઈ ચાવડાને અને લઘુમતી મોરચો અબ્દુલમજીદ કડીવારને સોંપવામાં આવ્યો છે. આ ઉપરાંત સોશિયલ મીડિયામાં વિજયભાઈ ગજીયા, આઈ.ટી. સેલમાં પ્રતિકભાઈ પારેધી અને મીડિયા વિભાગમાં ભાવેશભાઈ કાનાણીને જવાબદારી સોંપાઈ છે. નવી ટીમની જાહેરાત સાથે જ કાર્યકરોમાં ઉત્સાહ જોવા મળી રહ્યો છે, જોકે આંતરિક જૂથવાદ અને સત્તાના સમીકરણો વિશે પણ રાજકીય ચર્ચાઓ તેજ બની છે.

જિલ્લા ભાજપની નવી ટીમ (મુખ્ય પદાધિકારીઓ)

નવા સંગઠનમાં જ્ઞાતિ અને પ્રાદેશિક સંતુલન જાળવવાનો પ્રયાસ કરવામાં આવ્યો છે:
મહામંત્રી: નિર્મલભાઈ જારીયા (મોરબી), તપનભાઈ દવે (હળવદ) અને ચતુરભાઈ મકવાણા (વાંકાનેર).
ઉપપ્રમુખ: અરવિંદભાઈ વાંસદડીયા, યોગેન્દ્રસિંહ ઝાલા, નિર્મળાબેન હડિયલ, અશોકભાઈ પ્રજાપતિ, ચેતનગીરી ગોસ્વામી, કાજલબેન ચંડીભમર, રસિકભાઈ વોરા અને મહેશભાઈ લીખિયા.
મંત્રી: જીતેન્દ્રભાઈ પટેલ, પીનાબેન પરીખ, દેવીકાબેન ભંખોડીયા, પ્રહલાદભાઈ દલવાડી, ગૌરીબેન કુકવા, કાનજીભાઈ ભુંભરીયા, રંજનબેન હુંબલ અને હર્ષિદાબેન અગ્રાવત.
કોષાધ્યક્ષ: નેમિષભાઈ પંડિત અને કાર્યાલય મંત્રી તરીકે ભરતભાઈ કંઝારીયાની નિમણૂક કરવામાં આવી છે.