બનાવટી દસ્તાવેજો બનાવી 138 એકર સરકારી જમીન પચાવી પાડવાનું આચર્યું હતું કોભાંડ: હળવદ પોલીસે જઈંઝના પુરાવાને આધારે મુખ્ય આરોપીને દબોચ્યો
ખાસ-ખબર ન્યૂઝ મોરબી, તા.29
- Advertisement -
હળવદ તાલુકામાં સરકારી જમીન પચાવી પાડવાના મસમોટા કૌભાંડનો પર્દાફાશ થયો છે. 138 એકર જમીન, જેની અંદાજિત કિંમત ₹30 કરોડ 80 લાખ જેટલી થાય છે, તેને બનાવટી રેવન્યુ રેકર્ડ ઉભા કરી પોતાના નામે કરાવી લેવાના ગુનામાં હળવદ પોલીસે મુખ્ય સૂત્રધાર રમેશ બબાભાઈ સાકરિયાની ધરપકડ કરી છે. આ મામલે હળવદ મામલતદાર દ્વારા 9 શખ્સો વિરુદ્ધ ફરિયાદ નોંધાવવામાં આવી હતી.
6 વર્ષ સુધી ચાલ્યું કૌભાંડનું નેટવર્ક જઈંઝ (સ્પેશિયલ ઇન્વેસ્ટિગેશન ટીમ) ની તપાસમાં સામે આવ્યું છે કે મુખ્ય આરોપી રમેશ સાકરિયાએ વર્ષ 2016માં મામલતદાર કચેરીમાં ખોટી સહીવાળા દસ્તાવેજો રજૂ કર્યા હતા. ત્યારબાદ 2016 થી 2020 દરમિયાન અન્ય સહ-આરોપીઓએ મળીને કોયબા, ઘનશ્યામપુર અને સુંદરીભવાની ગામની સરકારી જમીનોના રેકર્ડમાં ગેરકાયદે ફેરફાર કરાવી દીધા હતા. હળવદ પીઆઈ આર.ટી. વ્યાસની ટીમે બાતમીને આધારે મુખ્ય આરોપીને ઝડપી પાડી કાયદેસરની કાર્યવાહી હાથ ધરી છે.
અગાઉ 4 આરોપીઓની થઈ ચૂકી છે ધરપકડ આ જમીન કૌભાંડમાં કુલ 9 શખ્સો સામે આઈપીસીની કલમ 465, 467, 468 સહિતની ગંભીર કલમો હેઠળ ગુનો નોંધાયો હતો. અગાઉ પોલીસે છગન ધારીયાપરમાર, માવજી રાઠોડ, હમીરભાઈ વનાણી અને દિનેશ વનાણી નામના ચાર આરોપીઓને દબોચી લીધા હતા. મુખ્ય સૂત્રધારની ધરપકડ બાદ હવે આ કૌભાંડમાં મહેસૂલી તંત્રના કોઈ કર્મચારીઓની મિલીભગત છે કે કેમ તે દિશામાં પણ પોલીસે તપાસ તેજ કરી છે.
જમીન કોભાંડના આરોપીઓની યાદી
ક્રમ આરોપીનું નામ રહેઠાણ
1 રમેશ બબાભાઈ સાકરિયા કોયબા
2 છગન નાગજીભાઈ ધારિયાપરમાર હળવદ
3 માવજી ટાભાભાઈ રાઠોડ ઘનશ્યામપુર
4 હમીરભાઈ વજુભાઈ વનાણી રાયસિંગપુર
5 દિનેશ હમીરભાઈ વનાણી રાયસિંગપુર
6 બીજલ અમરશીભાઈ કોળી કોયબા
7 દલાભાઈ રણછોડભાઈ ડાભી થાન
8 જશુબેન બાબુભાઈ કોળી સુંદરીભવાની
9 મંજુબેન રત્નાભાઈ કોળી ઘનશ્યામપુર
