પડધરીના ઇશ્ર્વરીયા ગામે રામજી મંદિરની પ્રાણ પ્રતિષ્ઠા મહોત્સવનું ભવ્ય આયોજન

111 વર્ષ પ્રાચીન રામજી મંદિરને અપાયું આધુનિક સ્વરૂપ

ચાવડા પરિવાર આયોજીત 3 થી 5 નવેમ્બર દરમિયાન ધર્મોત્સવમાં મોટી સંખ્યામાં ભાવિકો જોડાશે
4 નવેમ્બરે રાસ ગરબા, 5 નવેમ્બરે મહાપ્રસાદ અને સંતવાણી-લોકડાયરો યોજાશે
ખાસ-ખબર ન્યૂઝ રાજકોટ

રાજકોટ નજીક આવેલા પડધરી તાલુકાના ઈશ્વરીયા ગામે ચાવડા પરિવાર દ્વારા રામજી મંદિરની પ્રાણ પ્રતિષ્ઠા મહોત્સવનું ભવ્ય આયોજન કરવામાં આવ્યુ છે. તા. 3 થી 5 નવેમ્બર દરમિયાન યોજાનાર આ સમારોહમાં શાસ્ત્રી કૌશિકભાઈ ત્રિવેદીના આશીર્વચન હેઠળ મંત્રોચ્ચાર, હવનવિધિ, નગરયાત્રા અને દેવપૂજન સાથે ભગવાન રામચંદ્રજી પરિવાર તથા ભગવાન શિવજી પરિવારનું મંદિરમાં વિધિવત સ્થાપન કરવામાં આવશે. તા. 5 નવેમ્બરના રોજ મહાપ્રસાદ તથા સાંસ્કૃતિક ડાયરા મહોત્સવનું આયોજન પણ કરવામાં આવ્યું છે, જેમાં દેવાયત ખવડ, હરદેવભાઇ આહિર, ધીરુભાઈ સરવૈયા, પિયુષ મિસ્ત્રી સહિતના લોકપ્રિય કલાકારો પોતાની રમઝટથી ભક્તિને સંગીતમય બનાવશે. તેમજ રાસ ગરબામાં ભૂમિકાબેન આહિર અને અસ્મીતાબેન આહિર સમધુરશૈલીમાં શૂર રેલાવશે.

આ ધાર્મિક કાર્ય માટે ચંદુભાઇ પ્રભાતભાઇ ચાવડા, અશ્વિનભાઇ વિરભાનુભાઇ ચાવડા, લાભુભાઇ પ્રભાતભાઇ ચાવડા, રાજુભાઇ વિરભાનુભાઇ ચાવડા, વિરલભાઇ મનવીરભાઇ ચાવડા, ગૌરાંગભાઇ મનવીરભાઇ ચાવડા, પ્રકાશભાઇ અશ્વિનભાઇ ચાવડા, વિજયભાઇ ચંદુભાઇ ચાવડા, સંજયભાઇ અનિલભાઇ ચાવડા, અમીતભાઇ અશ્વિનભાઇ ચાવડા, રોહિતભાઇ વિક્રમભાઇ ચાવડા, વિમલભાઇ લાભુભાઇ ચાવડા, પ્રતિકભાઇ રાજુભાઇ ચાવડા, આદિત્યભાઇ વિરલભાઇ ચાવડા, જીયાબેન ગૌરાંગભાઇ ચાવડા, ધ્યાનાબેન ગૌરાંગભાઇ ચાવડા અને સમગ્ર પરિવાર સહિતના સભ્યો દ્વારા વિશેષ જહેમત ઉઠાવવામાં આવી રહી છે. સ્વજનોના સ્મરણાર્થે આયોજીત આ સમારોહમાં તમામને સહપરિવાર પધારવા ચાવડા પરિવાર દ્વારા આમત્રણ પાઠવવામાં આવ્યુ છે.