જમ્મુ-કાશ્મીરના સાંબામાં BSFએ ઘૂસણખોરીના પ્રયાસને નિષ્ફળ બનાવ્યો, 7 આતંકવાદીઓને ઠાર માર્યા
જમ્મુ અને કાશ્મીર, પંજાબ અને રાજસ્થાનના ઘણા શહેરોમાં બ્લેકઆઉટ લાગુ કરવામાં આવ્યું હતું. વધતા તણાવ વચ્ચે દેશભરના એરપોર્ટ હાઇ એલર્ટ પર છે.
- Advertisement -
શુક્રવારે વહેલી સવારે કુપવાડા અને ઉરી સહિત નિયંત્રણ રેખા (LoC)પર પાકિસ્તાની સૈનિકોએ ફરી ગોળીબાર શરૂ કર્યો. ગુરુવારે રાત્રે ભારતીય સેનાએ ડ્રોન અને મિસાઇલોનો ઉપયોગ કરીને ઉત્તર અને પશ્ચિમ ભારતના 15 શહેરોને નિશાન બનાવવાના પાકિસ્તાની સૈન્યના પ્રયાસોને નિષ્ફળ બનાવ્યા બાદ આ ઘટના બની.
પાકિસ્તાન દ્વારા ઘૂસણખોરીનો આ પ્રયાસ એવા સમયે કરવામાં આવ્યો જ્યારે ભારતે જમ્મુ, પઠાણકોટ, ઉધમપુર અને અન્ય સ્થળોએ સૈન્ય સ્થાપનો પર હુમલો કરવાના પાકિસ્તાની સૈન્યના પ્રયાસોને નિષ્ફળ કરી દીધા. ઘૂસણખોરીની દ્રષ્ટિએ સાંબા પહેલેથી જ ખૂબ જ સંવેદનશીલ વિસ્તાર છે. આ જ કારણ છે કે ભારત અને પાકિસ્તાન વચ્ચે ચાલી રહેલા તણાવને ધ્યાનમાં રાખીને અહીં તકેદારી વધારી દેવામાં આવી છે.
ભારતીય સેનાએ કહ્યું કે 8-9 મે 2025 ની રાત્રે, પાકિસ્તાની સેનાએ પશ્ચિમી સરહદ પર એક સાથે અનેક હુમલાઓનો પ્રયાસ કર્યો હતો. બીએસએફના સૂત્રોના જણાવ્યા અનુસાર, આ ઘટના 8 મેની રાત્રે લગભગ 11 વાગ્યે બની હતી. રાત્રિના અંધારાનો ફાયદો ઉઠાવીને, આતંકવાદીઓ ભારતમાં ઘુસણખોરી કરવાનો પ્રયાસ કરી રહ્યા હતા. ત્યારે બીએસએફે ગોળીબાર કર્યો, આમાં જૈશ-એ-મોહમ્મદના 7 આતંકવાદીઓ માર્યા ગયા.
- Advertisement -
પાકિસ્તાન દ્વારા ડ્રોન અને અન્ય હથિયારો દ્વારા ભારતીય સરહદોને નિશાન બનાવવામાં આવી હતી. આ સાથે જ જમ્મુ અને કાશ્મીરમાં નિયંત્રણ રેખા (LoC) પર ઘણી વખત યુદ્ધવિરામનું ઉલ્લંઘન કરવામાં આવ્યું હતું. સેનાએ કહ્યું કે ઓપરેશન સિંદૂર હેઠળ, તમામ ડ્રોન હુમલાઓને સફળતાપૂર્વક નાશ કરવામાં આવ્યા અને યુદ્ધવિરામ ઉલ્લંઘનનો યોગ્ય જવાબ આપવામાં આવ્યો.
જણાવી દઈએ કે આતંકવાદ વિરુદ્ધ ભારતના ઓપરેશન સિંદૂરથી ભડકી ઉઠેલા પાકિસ્તાને ગુરુવારે જમ્મુ કાશ્મીરથી જેસલમેર સુધી ભારતના લગભગ 15 શહેરોને નિશાન બનાવવાનો પ્રયાસ કર્યો, પરંતુ ભારતીય સેનાએ આ બધા હુમલાઓને નિષ્ફળ કરી દીધા હતા. સેનાએ સ્પષ્ટ શબ્દોમાં કહ્યું કે ભારતીય સરહદોની સુરક્ષા માટે દરેક જરૂરી પગલાં લેવામાં આવશે અને કોઈપણ નાપાક ઈરાદાઓને સહન કરવામાં આવશે નહીં.
