વિધાનસભા પહોંચે એ પહેલાં, કાયમી ભરતીની માગ સાથે વિરોધ પ્રદર્શન
પોલીસ સાથે ઉગ્ર ઘર્ષણ થતાં વીણીવીણીને વ્યાયામ શિક્ષકોને ઉપાડ્યા
- Advertisement -
આંદોલનકારીઓને પોલીસ ઢસડીને લઈ ગઈ
ખાસ-ખબર ન્યૂઝ ગાંધીનગર
ગુજરાત રાજ્યમાં છેલ્લા 15 વર્ષથી વ્યાયામ શિક્ષકની કાયમી ભરતી થઈ નથી. જેને લઈને વ્યાયામ શિક્ષકો છેલ્લા ઘણા સમયથી સરકારમાં રજૂઆત કરી રહ્યા હોવા છતાં કોઈ તેમની પડતર માંગણીઓ સંદર્ભે કોઈ નિરાકરણ આવ્યું નથી. જેથી ગઈકાલથી માફક આજે પણ વ્યાયામ શિક્ષકો ગાંધીનગરના રામકથા મેદાનમાં ધરણાં – વિરોધ પ્રદર્શન અર્થે એકઠા થયા હતા. જો કે, આ દરમિયાન આંદોલનકારીઓ વિધાનસભા પહોંતે તે પહેલા જ પોલીસે તેઓની ટીંગાટોળી કરી અટકાયત કરી લીધી હતી.
વ્યાયામ શિક્ષકોએ સરકાર વિરોધી સૂત્રોચારો કર્યાં હતા. પોતાની માગ સાથે અડગ રહેલા શિક્ષકોએ ધરણા પ્રદર્શન કરી વિધાનસભા તરફ વિરોધ કરવા પહોંચી રહ્યા હતા. જોકે, તે વખતે જ પોલીસ સાથે ઉગ્ર ઘર્ષણ થયું હતું. જેથી પોલીસે વિરોધ કરી રહેલા વ્યાયામ શિક્ષકોને વિણીવિણીને ઉઠાવ્યાં હતા. અનેક આંદોલનકારીઓને પોલીસ ઢસડીને લઈ ગઈ હતી.
વ્યાયામ શિક્ષકોએ આક્રોશ વ્યક્ત કરીને કહ્યું કે, રાજ્યમાં છેલ્લા 15 વર્ષથી કાયમી વ્યાયામ શિક્ષકની ભરતી નથી થઈ. રાજ્યની તમામ શાળાઓમાં બાળકોનો સુચારુ, સર્વાંગી વિકાસ થાય અને રમત ગમતમાં ગુજરાતનું બાળક ખીલે તેનો વિકાસ થાય, શાળાઓમાં વ્યાયામ શિક્ષકની નિમણુક થાય અને વ્યાયામ શિક્ષકોને રોજગાર પ્રાપ્ત થાય તે હેતુથી સરકાર ખેલ સહાયક યોજના અમલમાં લાવી છે. જો કે, આ યોજના અમને મંજૂર નથી. કેમકે આ યોજના ગુજરાત રાજ્યની તમામ શાળાઓનાં બાળકોનાં કે વ્યાયામ શિક્ષકોનાં હિતમાં નથી.
