વિશ્વવિખ્યાત આંતરરાષ્ટ્રીય કથાકાર જયા કિશોરીજીના વ્યાસાસને યુવાકથા યોજાશે

રાજકોટમાં 28થી 30 સપ્ટેમ્બર સુધી ભવ્ય ત્રિદિવસીય ધાર્મિક કાર્યક્રમ

20 હજારથી વધુ શ્રદ્ધાળુઓ માટે વિશાળ જર્મન ડોમ, 8 પ્રવેશદ્વાર સાથે સુરક્ષા-સુવિધાની સઘન વ્યવસ્થા

119 આયોજકો સંભાળશે સમગ્ર આયોજનની જવાબદારી

શ્રી સનાતન યુવા કથા સમિતિ, રાજકોટ દ્વારા આગામી તા. 28, 29 અને 30 સપ્ટેમ્બર, 2026 દરમિયાન રેસકોર્સ ગ્રાઉન્ડ ખાતે ત્રિદિવસીય ભવ્ય યુવા કથાનું આયોજન કરવામાં આવ્યું છે. વિશ્વવિખ્યાત આંતરરાષ્ટ્રીય કથાકાર જયા કિશોરીજીના વ્યાસાસને યોજાનારી આ યુવા કથાને લઈને રાજકોટમાં ધાર્મિક અને આધ્યાત્મિક માહોલ સર્જાવાની સાથે રેસકોર્સ ગ્રાઉન્ડ ખાતે તૈયારીઓ પણ તડામાર ચાલી રહી છે. ત્રણ દિવસ સુધી ચાલનારા આ ધાર્મિક-આધ્યાત્મિક આયોજનમાં મોટી સંખ્યામાં શ્રદ્ધાળુઓ ઉપસ્થિત રહેવાની સંભાવનાને ધ્યાનમાં રાખીને સમિતિ દ્વારા વિશાળ પાયે આયોજન કરવામાં આવ્યું છે. ખાસ કરીને રાજકોટમાં હાલ વરસાદી સીઝનને ધ્યાનમાં રાખીને શ્રદ્ધાળુઓને વરસાદ કે વાતાવરણને કારણે કોઈ અગવડ ન પડે તે માટે 500 ફૂટ લાંબા જર્મન ડોમની વ્યવસ્થા કરવામાં આવી છે. આ ડોમમાં એકસાથે 20 હજારથી વધુ લોકો બેસી શકે તેવી સુવિધા ઊભી કરવામાં આવી છે.

રેસકોર્સ ગ્રાઉન્ડ ખાતે મોટી સંખ્યામાં લોકો એકત્ર થવાના હોવાથી ભીડનું યોગ્ય સંચાલન થઈ શકે તે માટે કુલ 8 અલગ-અલગ પ્રવેશદ્વાર બનાવવામાં આવ્યા છે. શ્રદ્ધાળુઓની અવરજવર સરળ રહે તેમજ કાર્યક્રમ દરમિયાન વ્યવસ્થા જળવાઈ રહે તે માટે પ્રવેશ અને બહાર નીકળવાની વ્યવસ્થાને પણ આયોજનબદ્ધ બનાવવામાં આવી રહી છે. આ ઉપરાંત વિશાળ મેદાનમાં 50થી વધુ CCTV કેમેરા લગાવવામાં આવ્યા છે. કાર્યક્રમ સ્થળની સુરક્ષા તથા સમગ્ર વ્યવસ્થા પર નજર રાખવા માટે બાઉન્સર અને સિક્યુરિટી ગાર્ડની ટીમ પણ તૈનાત કરવામાં આવશે. યુવા કથા માટે રેસકોર્સ ગ્રાઉન્ડ ખાતે 50 ફૂટ x 100 ફૂટનું ભવ્ય અને આકર્ષક સ્ટેજ તૈયાર કરવામાં આવી રહ્યું છે. આ સ્ટેજ પરથી કથા ઉપરાંત ત્રણેય દિવસ વિવિધ કાર્યક્રમોનું આયોજન કરવામાં આવશે. શ્રદ્ધાળુઓને કાર્યક્રમ સરળતાથી જોઈ અને સાંભળી શકાય તે માટે વિશાળ LED સ્ક્રીન તથા આકર્ષક સાઉન્ડ સિસ્ટમની પણ વ્યવસ્થા કરવામાં આવી છે. આયોજકો દ્વારા શ્રદ્ધાળુઓની સુવિધાને ખાસ પ્રાધાન્ય આપવામાં આવ્યું છે. કાર્યક્રમ સ્થળે પીવાના પાણીની વ્યવસ્થા, ટોયલેટ બ્લોક તેમજ અન્ય જરૂરી સુવિધાઓ ઉપલબ્ધ કરાવવામાં આવી રહી છે. મોટી સંખ્યામાં વાહનો આવવાની શક્યતા હોવાથી રેસકોર્સ ગ્રાઉન્ડ ખાતે પાર્કિંગની પણ વ્યવસ્થિત વ્યવસ્થા કરવામાં આવી છે.

આ વિશાળ આયોજનને સફળ બનાવવા માટે કુલ 119 આયોજકો દ્વારા જવાબદારી સંભાળવામાં આવી છે. તેમાં રાજકોટના નામાંકિત શ્રેષ્ઠીઓ, સમાજ અગ્રણીઓ, ઉદ્યોગપતિઓ અને શિક્ષણવિદો સહિતના આગેવાનોનો સમાવેશ થાય છે. સમિતિના સભ્યો દ્વારા કાર્યક્રમની વ્યવસ્થા, શ્રદ્ધાળુઓની સુવિધા, સુરક્ષા, પાર્કિંગ સહિતની વિવિધ જવાબદારીઓનું સંકલન કરવામાં આવી રહ્યું છે. આ આયોજન સાથે જોડાયેલા અગ્રણીઓમાં ભરત દોશી, વિજય વાંક, યોગીન છનીયારા, દેવ કોરડીયા, મૌલેશભાઈ ઉકાણી, મનીષભાઈ માદેકા, હરીશભાઈ લાખાણી, ગુણુભાઈ ડેલાવાળા, મુકેશભાઈ દોશી, યોગેશભાઈ પુજારા, પરેશભાઈ ગજેરા, ડી.વી. મહેતા, હિરેનભાઈ ખીમાણીયા, અમુભાઈ ભારદિયા, રાજદીપસિંહ જાડેજા, રાજાભાઈ વાવડી, ઘનશ્યામભાઈ હેરભા, જયેશભાઈ ઉપાધ્યાય, ચંદ્રકાંતભાઈ શેઠ, ભીમાભાઈ કેશવાલા, શૈલેષભાઈ જાની, દીપકભાઈ બેસ્ટ, સુજીતભાઈ ઉદાણી, જયભાઈ ખારા, બંકિમભાઈ મહેતા, મયુરધ્વજસિંહ જાડેજા, કાંતિભાઈ ભૂત, રાજવીરસિંહ વાળા, કૃષ્ણસિંહ જાડેજા, ધીરુભાઈ ડોડીયા, ચંદુભા પરમાર, પીન્ટુભાઈ બોમ્બે સુપર, ઉદયભાઈ હુમ્બલ, સુરેશભાઈ ડેર, અવધેશભાઈ કાનગડ, હાર્દિકભાઈ કાનગડ, રાજુભાઈ પૉબરૂ, મિલન કોઠારી, દિલીપભાઈ સખીયા, વીરાભાઈ હુંબલ, રમેશભાઈ ઠક્કર, અમિતભાઈ ત્રાંબડીયા, સુરેશભાઈ ઓગળજા, બીપીનભાઈ બેરા, બાલાભાઈ વાછાણી, ભરતભાઈ ડઢાણીયા, તીર્થરાજસિંહ ગોહિલ, મેહુલભાઈ નથવાણી, મહેશભાઈ ચૌહાણ, સુનિલભાઈ કોઠારી, વિભાસભાઈ શેઠ, રાજેશભાઈ મોવલીયા, વી.પી. વૈષ્ણવ, પરિમલભાઈ પરડવા, ડો. હિરેનભાઈ વિસાણી, હિતેશભાઈ નિમાવત, ડી.કે. કોઠારી, નીરવભાઈ બારોટ, નીરવભાઈ રાયચુરા, જશવંતસિંહ જાડેજા ઘંટેશ્વર, હાર્દિકભાઈ ફુગસિયા, વાસુરભાઈ હુંબલ, કેયુર રૂપારેલ, બ્રિજેશ પટેલ, રવિભાઈ વેકરીયા, અભિષેકભાઈ તાળા, મિતુલભાઈ ગોસ્વામી, અભિષેકભાઈ અઢિયા, પાર્થભાઈ ચૌહાણ, નૈમિશભાઈ પરસાણા, વિરેનભાઈ જસાણી, નિખિલ પોપટ અને રાજુભાઈ મકવાણા સહિતના આગેવાનોનો સમાવેશ થાય છે.