પુરૂષોતમભાઈ રૂપાલાએ ‘જન આશિર્વાદ યાત્રા’ દરમ્યાન કર્ણાટકના પૂર્વ ગર્વનરના આશિર્વાદ ગ્રહણ કર્યા

દેશના પ્રધાનમંત્રી નરેન્દ્રભાઈ મોદીના નેતૃત્વમાં સરકારમાં નવનિયુકત મંત્રીઓ સૌરાષ્ટ્ર- ગુજરાતમાં ‘જન આશિર્વાદ યાત્રા’ થકી ભારતના ભવ્ય વિકાસની આછેરી ઝલક જન-જન સુધી સુધી પહોંચાડવા પ્રવાસ કરી રહયા છે ત્યારે કેન્દ્રીય મંત્રી પુરૂષોતમભાઈ રૂપાલા ઘ્વા૨ા ‘જન આશિર્વાદ યાત્રા’ રાજકોટ મહાનગર ખાતે શહેર ભાજપ પ્રમુખ કમલેશ મિરાણીના માર્ગદર્શન હેઠળ પ્રારંભ થયો હતો. આ તકે તેઓએ રાજયના પૂર્વ નાણામંત્રી તેમજ કર્ણાટકના પૂર્વ રાજયપાલ વજુભાઈ વાળાના આશિર્વાદ ગ્રહણ કરી ‘જન આશિર્વાદ યાત્રા’નો પ્રારંભ કરેલ હતો. આ તકે ગુજરાત મ્યુનીસીપલ ફાઈનાન્સ બોર્ડના ચેરમેન ધનસુખ ભંડેરી, શહેર ભાજપ પ્રમુખ કમલેશ મિરાણી, ધારાસભ્ય ગોવિંદભાઈ પટેલ, ડો. ભરત બોઘરા, સહીતના અગ્રણીઓ ઉપસ્થિત રહયા હતા.