રાજકારણ બાદ હવે રમતજગતમાં પણ ટ્રમ્પની દાદાગીરી : ત્રીજા ફોને તો FIFAને નિર્ણય બદલવાની ફરજ પડી

ડોનાલ્ટ ટ્રમ્પે ફિફા આયોજીત ફૂટબોલ વિશ્વકપમાં એક નિર્ણયને ઉલટાવી દીધો હતો

આ પગલાંથી ફિફાની વિશ્વનીયતા પર પણ પ્રશ્રાર્થ ઉભા થયા છે

ડોનાલ્ડ ટ્રમ્પે, અમેરિકા અને બેલ્જિયમ વચ્ચે રાઉન્ડ ઓફ ૧૬ મેચ પહેલા યુએસ ટીમના સ્ટ્રાઈકર ફોલારિન બાલોગન પર લાદવામાં આવેલ એક મેચનો પ્રતિબંધ હટાવવાનો પ્રયાસ કર્યો. આના માટે ટ્રમ્પે ૩ ફોન પણ કર્યા હતા. ત્યારબાદ FIFA એ પ્રતિબંધ હટાવી દીધો. આ કારણે આંતરરાષ્ટ્રીય ફૂટબોલ સંસ્થા FIFAની નિષ્પક્ષતા અને પ્રક્રિયાગત અખંડિતતા સામે પ્રશ્નો ઉભા થયા.

યુએસ પ્રમુખ ડોનાલ્ડ ટ્રમ્પ આ વખતે વિશ્વના કોઈ દેશ પર દાદાગીરી કે કે પછી ઈરાન સાથેના યુદ્ધ કે નાટોની આગામી સમિટને લઈને ચર્ચામાં નથી. આ મુદ્દો ૨૦૨૬ FIFA વર્લ્ડ કપનો છે, જેનું આયોજન યુનાઇટેડ સ્ટેટ્સ, કેનેડા અને મેક્સિર્કો સંયુક્ત રીતે કરી રહ્યા છે. યુએસ ટુનર્નામેન્ટનું મુખ્ય યજમાન હોવાથી, અમેરિકન રાષ્ટ્રપતિ કરી સંપતી વહીવટીતંત્રે તેમાં ઊંડો રસ લીધો છે. આ બધાની વચ્ચે, ડોનાલ્ડ ટ્રમ્પ સાથે જોડાયેલી એક ઘટના પ્રકાશમાં આવી છે જે એક નિષ્પક્ષ અને ન્યાથી સંગઠન તરીકે FIFAની પ્રતિભાને જોખમમાં મૂકી છે.

આ ઘટના એક અમેરિકન ખેલાડીને આપવામાં આવેલા રેડ કાર્ડના પરિણામે એક મેચનો પ્રતિબંધ ઉથલાવી દેવાના ટ્રમ્પના પ્રયાસો પર કેન્દ્રિત છે. ખાસ કરીને, ટ્રમ્પે બેલ્જિયમ સામેની રાઉન્ડ ઓફ ૧૬ મેચ પહેલા યુએસ સ્ટ્રાઈકર કોલારિન બાલોગુની પરનો પ્રતિબંધ હટાવવા ફિકા ઉપર ભારે દબાણ કર્યું હતું. આશ્ચર્યજનક રીતે, FIFA એ ખરેખર યુગમાં સ્ટ્રાઈકર ફોલારિન બાલોગુન પરનો પ્રતિબંધ હટાવામ લીધો હતો, જેના કારણે આંતરરાષ્ટ્રીય ફૂટબોલ સંસ્થાની નિષ્પક્ષતા અને નિયમોનું પાલન અંગે પ્રશ્નો ઉભા થયા હતા.

યુએસ સ્ટ્રાઈકર બાલોગુન પર પ્રતિબંધ શા માટે લદાયો?
બોસ્મિયા અને હર્ઝેગોવિના સામે રાઉન્ડ ઓફ ૩૨ની મેચ દરમિયાન યુએસ સ્ટ્રાઈકર ફોલારિન બાલોગુનને સીધુ રેડ કાર્ડ દેખાડવામાં આવ્યુ હતું. મેચ દરમિયાન, બાલોગુને બોસ્નિયન ડિફેન્ડર તારિક મુહારેમોવિચ સામે ફાઉલ કર્યો હતો. શરૂઆતમાં, રેફરીએ ફ્રી-કિક આપી નહોતી, પરંતુ વીડિઓ આસિસ્ટન્ટ રેફરી (VAR) દ્વારા સમીક્ષા અને સ્લો-મોશન રિપ્લેમાં જાણવા મળ્યું કે, બાલોગુનનો પગ મુહારેમોવિચના પગની ઘૂંટીના ઉપરના ભાગમાં વાગ્યો હતો. આ ગંભીર ફાઉલ માટે તેને સીધુ રેડ કાર્ડ બતાવવામાં આવ્યુ હતુ. FIFAના નિયમો હેઠળ, રેડ કાર્ડ મળવાથી જે તે ખેલાડી માટે આપોઆપ એક મેચનું સસ્પેન્શન થાય છે. જેની અપીલ પણ કરી શકાતી નથી. જોકે, હવે FIFA એ એક અણધાર્યા નિર્ણયમાં આ પ્રતિબંધને સ્થગિત કરી દીધો છે, જેનાથી વધુ વિવાદ ઉભો થયો છે.

અમેરિકન ખેલાડી પરનો પ્રતિબંધ હટાવવામાં ટ્રમ્પે શું ભૂમિકા ભજવી?
અમેરિકન સ્ટ્રાઈકર ફોલારિન બાલોગન પરનો એક મેચનો પ્રતિબંધ હટાવવામાં યુએસ પ્રમુખ ડોનાલ્ડ ટ્રમ્પ અને તેમના વહીવટીતંત્રે મુખ્ય અને અણધારી ભૂમિકા ભજવી હતી. ટ્રમ્પે નિર્ણયને રદ કરવા માટે વ્હાઇટ હાઉસના અધિકારીઓ સાથે પડદા પાછળ ઝુંબેશ ચલાવી હતી. ટ્રમ્પે વ્યક્તિગત રીતે FIFA પ્રમુખ ગિયાની ઇન્ફેન્ટિનોને ફોન કર્યો, તેમને બાલોગુનના સસ્પેન્શન અંગે સમીક્ષા કરવા વિનંતી કરી. ધ ગાર્ડિયને સૂત્રોના હવાલેથી પ્રકાશીત કરેલ અહેવાલમાં જણાવાયું છે કે ટ્રમ્પે નિર્ણયને ઉલટાવી દેવા માટે ઓછામાં ઓછા ત્રણ વખત FIFA પ્રમુખ અને અધિકારીઓ સાથે વાત કરી હતી.