રાજકોટ મહાનગરપાલિકાના નવનિયુક્ત મેયર ડૉ.પ્રદિપ ડવ દ્વારા રાજકોટ મહાનગરપાલિકાના આંતરિક વહીવટને વધુ સુદ્રઢ તેમજ પારદર્શી બનાવવા માટેનું એક અત્યંત મહત્વનું પગલું લેવામાં આવેલ છે. હાલના કોમ્પ્યુટર યુગમાં મહાનગરપાલિકાની તમામ વિગતો આંગળીના ટેરવે મળી રહે તે માટે તેઓશ્રી દ્વારા મેયર ડેશબોર્ડ બનાવવાનો નિર્ણય આવેલ. જેના અનુસંધાને આજ તા.૨૧/૦૬/૨૦૨૧, સોમવાર ભિમ અગિયારસના શુભ દિને મેયર ડૉ.પ્રદિપ ડવના વરદ હસ્તે “મેયર ડેશબોર્ડ”નું શુભારંભ કરાયો.
આ અવસરે રાજકોટ શહેર ભાજપ પ્રમુખ કમલેશભાઈ મીરાણી, ડે.મેયર ડૉ.દર્શિતાબેન શાહ, સ્ટેન્ડિંગ કમિટીના ચેરમેન પુષ્કરભાઇ પટેલ, શાસક પક્ષ નેતા વિનુભાઈ ઘવા, દંડક સુરેન્દ્રસિંહ વાળા, સ્થાયી સમિતિના સભ્ય મનીષભાઈ રાડીયા, પરેશભાઈ રબારી, વિગેરે ઉપસ્થિત રહેલ.
- Advertisement -
મેયર ડેશબોર્ડમાં મહાનગરપાલિકાનો રોજ બરોજની તમામ વિગતો મેયરને ઓનલાઈન મળી શકે તેવી તંત્ર દ્વારા વ્યવસ્થા ગોઠવવામાં આવેલ છે.
(1) મેયર ડેશબોર્ડને કુલ ચાર વિભાગમાં વહેચવામાં આવેલ છે. (2) ટેક્સ કલેક્શનની વિગત (3) જન્મ/મરણ તેમજ લગ્ન નોંધણી સર્ટિફિકેટની વિગત (4) કોલ સેન્ટરમાં નોંધાયેલ ફરિયાદોની વિગત (5) મહાનગરપાલિકાના બજેટની વિગત (6) ટેક્સ કલેક્શનની વિગત (7) મહાનગરપાલિકાના આવકમાં મુખ્ય સ્ત્રોતમાં મકાનવેરો, પાણીવેરો, વ્યવસાયવેરો તેમજ વાહનવેરો મુખ્ય છે. ડેશબોર્ડમાં ઉપરોક્ત તમામ વિગતો એક જ ક્લિક પર મળી શકે તેવી વ્યવસ્થા ગોઠવવામાં આવેલ છે. ચાલુ નાણાકીય વર્ષની શરૂઆતથી આજ દિન સુધીના કુલ કલેક્શનની વિગત તેમજ જે-તે દિવસના કલેકશનની વિગતોનો સમાવેશ થાય છે.
મકાન વેરા/પાણી વેરામાં વોર્ડ વાઈઝ કલેકશનની વિગતો તેમજ ઓનલાઈન તેમજ ઓફલાઈન કલેકશનની વિગતોનો સમાવેશ થાય છે.
- Advertisement -
વ્યવસાય વેરા માં Profession Tax Enrollment Certificate (ધંધાર્થીઑ પાસેથી વસૂલવામાં આવતો વ્યવસાય વેરો) તેમજ Profession Tax Registration Certificate (નોકરીયાત વર્ગ પાસે થી વસૂલવામાં આવતો વ્યવસાય વેરો) નો સમાવેશ થાય છે.
રાજકોટ મહાનગરપાલિકાની હદમાં વેચાતા તમામ પ્રકારના નવા વાહનો (ટૂ વ્હીલર, થ્રી વ્હીલર, ફોર વ્હીલર, કોમર્શયલ વાહનો વગેરે) પાસેથી ઉઘરાવવામાં આવતા વાહન વેરાની વિગતોનો સમાવેશ થાય છે.
જન્મ/મરણ/લગ્ન નોધણીના પ્રમાણ પત્રોની વિગત: મહાનગરપાલિકાની સૌથી વધુ લોક ઉપયોગી એવી જન્મ/મરણ/લગ્ન નોધણીના પ્રમાણપત્રો અંગેની સુવિધા ઉપરોક્ત ડેશબોર્ડમાં આવરી લેવામાં આવેલ છે. લોકો દ્વારા ચાલુ સાલમાં કુલ ઈશ્યૂ કરવામાં આવેલ તેમજ જે-તે દિવસે ઈશ્યૂ કરવામાં આવેલ જન્મ/મરણ/લગ્ન નોધણીના પ્રમાણપત્રોની વિગતો સરળતાથી ઉપલબ્ધ થઈ શકશે.
મહાનગરપાલિકાની સેવાઓ અંગેની ફરિયાદની વિગત: મહાનગરપાલિકા દ્વારા ૨૦૦૮ ની સાલથી અમીન માર્ગ ખાતે ૨૪ x ૭ કોલ સેન્ટર શરૂ કરવામાં આવેલ છે. આ કોલ સેન્ટર પર મહાનગરપાલિકાની કુલ ૨૨ શાખાઓની ૧૦૦ જેટલી જુદી જુદી સેવાઓ અંગેની ફરિયાદ નોધવામાં આવે છે. વર્ષ દરમ્યાન આશરે કોલ સેન્ટર પર ૨,૦૦,૦૦૦ (બે લાખ) જેટલી ફરિયાદો નોધવામાં આવે છે. આ આધુનિક કોલ સેન્ટરમાં નાગરિકો દ્વારા નોધાવવામાં આવેલ ફરિયાદને તેના વિસ્તાર તેમજ ફરિયાદની ટાઈપને આધારે આ ફરિયાદના નિવારણાં માટે જવાદાર જે-તે જવાબદાર અધિકારી/કર્મચારીને ઓટોમેટિક SMS દ્વારા જાણ કરવામાં આવે છે તેમજ આ ફરિયાદનું નિવારણ થયે ફરિયાદ કરનારને પણ SMS દ્વારા જાણ કરવામાં આવે છે. આ સંપૂર્ણ પ્રકિયા સ્વયંસંચાલિત છે. મેયર-ડેશબોર્ડમાં કોઈપણ ફરિયાદની સ્થિતિ ફરિયાદ લખાવનારના મોબાઈલ નંબર અથવા તો ફરિયાદ નંબર પરથી જાણી શકાય તેવી વ્યવસ્થા કરવામાં આવેલ છે. આ ઉપરાંત જો કોઈ ફરિયાદ લાંબા સમયથી વણઉકેલી હશે તો તેની વિગત પણ દેશબોર્ડ પરથી મેયર તાત્કાલિક મળી શકશે. જેથી તેના નિવારણ માટે તેઓ યોગ્ય સૂચન કરી શકશે. આ ઉપરાંત જુદી જુદી શાખાઓ દ્વારા નોધવામાં આવેલ ફરિયાદ, સોલ્વ થયેલ ફરિયાદ તેમજ પેન્ડીંગ ફરિયાદની વિગતો પણ ઓનલાઈન રીયલ ટાઈમ મળી શકશે.
મહાનગરપાલિકાના બજેટની વિગત: મહાનગરપાલિકાની વિવિધ શાખાઓને ફાળવવામાં આવેલ બજેટ અને શાખાએ કરેલ ખર્ચની વિગતોનો ડેશબોર્ડમાં સમાવેશ કરવામાં આવેળ છે. મહાનગરપાલિકાની શાખાઓને દર વર્ષે બજેટની ફાળવણી કરવામાં આવે છે અને તેની સામે શાખાએ કરેલ ખર્ચની વિગતો નોંધવામાં આવે છે. આ તમામ ખર્ચાઓને કેપિટલ ખર્ચ અને રેવન્યુ ખર્ચ એમ અલગ અલગ નોધવામાં આવે છે. આ તમામ પ્રક્રિયાને કોમ્પ્યુટરાઈઝડ કરવામાં આવેલ છે જેથી દરેક શાખા દ્વારા કરવામાં આવતા ખર્ચનું વિશ્લેષણ કરવામાં આવશે તેમજ દરેક ખર્ચની યોગ્યતા ચકાસી શકાશે.
ઉપરાંત મેયર દ્વારા હેલ્પલાઈન નંબર ૯૦૩૩૦ ૧૧૧૧૧ પરથી સરકારશ્રીની જુદી જુદી યોજનાઓની માહિતી આ નંબર પર Hi લખી Message કરી અલગ અલગ યોજનાની માહિતી મળી શકશે.
સરકારશ્રીની જુદી જુદી યોજનાઓની વિગત (1) આવકનું પ્રમાણપત્ર અને ડોમિસાઇલ સર્ટિફિકેટ (2) શિક્ષણ અંગેની યોજનાઓ (3) જાહેર આરોગ્ય અંગેની યોજનાઓ (4) મહિલા અને બાળવિકાસની યોજનાઓ (5) રેશનકાર્ડ અને NFSA દાવા અરજી (6) મતદારયાદીને લગતી કામગીરી (7) વિધવા સહાય/નિર્ધાર વૃધ્ધ/અનાથ બાળકો માટે (8) આવાસ અંગે યોજના (9) બક્ષીપંચ/SC/BC ના દાખલા અંગે યોજનાઓ (10) અનુસુચિત જાતિ/જનજાતિના દાખલાની માહિતી (11) બિનઅનામતનું પ્રમાણપત્ર અને યોજનાઓ (12) ઉદ્યોગ, રોજગાર અને કૌશલ્ય અંગેની યોજનાઓ (13) દિવ્યાંગ વ્યક્તિઓ માટેની યોજનાઓ (14) જાહેર વીમા અંગેની યોજના વિષે માહિતી (15) ફરિયાદ ભૂગર્ભ/લાઈટ/વીજળી/ફરિયાદની માહિતી
