2 એએસપી, 4 ડીવાયએસપી, 29 પીઆઇ, 57 પીએસઆઈ સહિત 2500 જવાનો ખડેપગે
6 ડ્રોન આકાશમાંથી વોચ રાખશે : 8 સ્ટ્રાઇકિંગ ફોર્સ પણ રાઉન્ડ ધ ક્લોક પેટ્રોલિંગ કરશે
- Advertisement -
ખાસ-ખબર ન્યૂઝ રાજકોટ
આવતીકાલ તારીખ 26 એપ્રિલના રોજ યોજાનારી સ્થાનિક સ્વરાજ્યની ચૂંટણીઓ સંદર્ભે રાજકોટ ગ્રામ્ય પોલીસ દ્વારા કાયદો અને વ્યવસ્થા જળવાઈ રહે અને લોકો મુક્ત મને મતદાન કરે તે માટે સુરક્ષા વ્યવસ્થા સજ્જ બનાવવામાં આવી છે ચૂંટણી પૂર્વે લોખંડી બંદોબસ્ત સાથે ઉચ્ચ પોલીસ અધિકારીઓ સહિત 2500થી વધું જવાનોએ મતદાન મથકનો હવાલો સંભાળી લીધો છે.
રાજકોટ રેન્જ આઈજી નિર્લિપ્ત રાયના માર્ગદર્શન હેઠળ રાજકોટ એસપી વિજયસિંહ ગુર્જર દ્વારા સમગ્ર સુરક્ષા વ્યવસ્થાનું સુપરવિઝન કરવામાં આવી રહ્યું છે. જિલ્લામાં શાંતિપૂર્ણ રીતે મતદાન થાય અને કોઈ અનિચ્છનીય ઘટના ન બને તે માટે પોલીસ અધિકારીઓ અને જવાનોનો કાફલો ખડકી દેવામાં આવ્યો છે. શાંતિપૂર્ણ માહોલમાં ચૂંટણી યોજાઈ તે માટે બંદોબસ્તમાં 2500થી વધુ પોલીસ જવાનોને મેદાનમાં ઉતારવામાં આવ્યા છે ચૂંટણી બંદોબસ્તમાં 2 એએસપી અને 4 ડીવાયએસપીની રાહબરીમાં ફિલ્ડમાં 29 પીઆઈ, 57 પીએસઆઇ અને 1257 પોલીસ કર્મીઓ ઉપરાંત 1292 જીઆરડી-હોમગાર્ડના જવાનો સતત બે દિવસ સુરક્ષામાં જોડાશે. ઉપરાંત એસ.આર.પી.ના 56 જવાનો તેમજ એલસીબી, એસઓજી અને ક્યુઆરટીની 8 સ્ટ્રાઇકિંગ ફોર્સ પણ સતત ખડેપગે તૈનાત રહેશે જિલ્લામાં સોસીયલ મીડિયા મોનીટરીંગ હેઠળ 6 ડ્રોન દ્વારા ચાંપતી નજર રાખવામાં આવશે. તેમજ 180 જેટલા પોલીસ જવાનો બોડી વોર્ન કેમેરાથી સજ્જ હશે.
વહીવટી તંત્રની તૈયારી: ડિસ્પેચિંગ સેન્ટરો પરથી ઈવીએમ અને સામગ્રીનું વિતરણ કરાયું
- Advertisement -
ગુજરાતમાં સ્થાનિક સ્વરાજ્યની સંસ્થાઓના શાસકોને ચૂંટવા માટે આવતીકાલે, 26 એપ્રિલને રવિવારના રોજ લોકશાહીનું મહાપર્વ ઉજવાશે. કાલે રાજકોટ મહાનગરપાલિકા, તાલુકા અને જિલ્લા પંચાય માટે ચૂંટણી યોજાશે. ત્યારે આજે સવારથી જ તમામ જિલ્લા મથકો અને તાલુકા મથકોએ આવેલા ડિસ્પેચિંગ સેન્ટરો પરથી ઈવીએમ (ઊટખ) મશીનોનું વિતરણ શરૂ કરી દેવામાં આવ્યું છે. પ્રિસાઇડિંગ ઓફિસરો અને પોલિંગ સ્ટાફ પોતાની ટીમો સાથે મતદાન મથકો પર પહોંચી રહ્યા છે. સુરક્ષાને લઈને પોલીસ જવાનોને ચૂંટણી ફરજ પર તૈનાત કરી દેવામાં આવ્યા છે.
શાંતિપૂર્ણ માહોલમાં મતદાન સંપન્ન થાય તે માટે રાજ્ય પોલીસ દ્વારા અભેદ્ય કિલ્લેબંધી કરવામાં આવી છે. સંવેદનશીલ અને અતિ-સંવેદનશીલ ગણાતા બૂથો પર પેરા-મિલિટરી ફોર્સ અને જછઙની ટુકડીઓ ગોઠવી દેવામાં આવી છે.
