સોશિયલ મીડિયા પર અવારનવાર આવી વસ્તુઓ જોવા મળે છે જેને જોઈને આપણે આપણું હસવું ન રોકી શકીએ. હવે ફૂડ ડિલિવરી બોયના મસ્તીભર્યા સ્વાગતનો એક વીડિયો સોશિયલ મીડિયા પર વાયરલ થઈ રહ્યો છે.
દેશમાં અવારનવાર ફૂડ ડિલિવરી બોયની સાથે ગેરવર્તણૂકની ઘટનાઓ સામે આવે છે. પરંતુ હાલ સોશિયલ મીડિયામાં એક એવો વીડિયો વાયરલ થઈ રહ્યો છે જેને જોઈ તમે પોતાનું હસવું નહીં રોકી શકો. હકીકતે એક ફૂડ ડિલિવરી બોય ઓર્ડર આપવા માટે લગભગ એક કલાક મોડો પહોંચ્યો પરંતુ ગુસ્સે થવાને બદલે ગ્રાહકે તેનું આરતીની થાળીથી સ્વાગત કર્યું. આ વીડિયો પર લોકો અલગ અલગ કોમેન્ટ કરી રહ્યા છે.
- Advertisement -
એક દિવસમાં મળ્યા 20 લાખ વ્યુઝ
આ વીડિયો યુઝર સંજીવ કુમારે ગુરુવારે પોતાના ઈન્સ્ટાગ્રામ એકાઉન્ટ પર શેર કર્યો છે. એક જ દિવસમાં આ વીડિયોને 20 લાખથી વધુ વ્યૂઝ અને 2 લાખથી વધુ લાઈક્સ મળી ચૂક્યા છે. આ વીડિયો ક્લિપ સાથે સંજીવ કુમારે લખ્યું કે, ‘દિલ્હી ટ્રાફિક’ છતાં તમારો ઓર્ડર મળી રહ્યો છે. આભાર Zomato.’
View this post on Instagram- Advertisement -
આરતીની થાળીથી સ્વાગત
વીડિયોમાં જોઈ શકાય છે કે સંજીવ કુમાર ફૂડ ડિલિવરી બોયનું સ્વાગત કરવા આરતીની થાળી લઈને ઉભા છે. જેમ જેમ ડિલિવરી બોય તેમના ઘરની નજીક આવે છે. કુમાર સાનુનું પ્રખ્યાત ગીત ‘આયે આપકા ઇન્તેઝાર થા’ બેકગ્રાઉન્ડમાં વાગવા લાગે છે. આ પછી સંજીવ કુમાર ડિલિવરી બોયના કપાળ પર તિલક લગાવે છે અને હસીને તેની પાસેથી ફૂડ લે છે.
ઈન્ટરનેટ યુઝર્સે ખૂબ કર્યા વખાણ
ડિલિવરી બોય સાથે સંજીવ કુમારનું આ વર્તન લોકોના દિલને સ્પર્શી ગયું. ઘણા લોકોએ કમેન્ટ કરી કે આ વીડિયો ખૂબ જ ક્યૂટ છે. લોકોએ કહ્યું કે ડિલિવરી બોયનું આનાથી સારું સ્વાગત ન થઈ શકે. એક યુઝરે કહ્યું કે જો તેને ક્યારેય તક મળશે તો તે ડિલિવરી બોયનું પણ આ જ રીતે સ્વાગત કરશે.
