મોરબી ખાણ-ખનિજ વિભાગની ટીમ ત્રાટકી: ખનિજ માફિયાની ચાર ટ્રક જપ્ત
બાતમીના આધારે રેઈડ કરતાં 3 કપચી ભરેલી ટ્રક અને 1 રેતી ભરેલી ટ્રક ઝડપાઈ: ખાણ-ખનિજ અધિકારી જગદીશસિંહ વાઢેર
- Advertisement -
ખાસ-ખબર સંવાદદાતા
રાજકોટ સહિત સૌરાષ્ટ્રભરમાં ખનીજ ચોરીનું રેકેટ ચલાવતા તત્વો દ્વારા તમામ ખાણ ખનીજ શાખાના સ્ટાફની સતત રેકી કરી તેમના દરોડાને લાંબા સમયથી નિષ્ફળ બનાવવામાં આવી રહ્યા છે ત્યારે મોરબીના ખાણ ખનીજ ખાતાના સ્ટાફે શનિવારે સાંજે ખાનગી વાહનમાં ત્રાટકીને હિરાસર એરપોર્ટ પાસેથી રેતી-કપચીની ગેરકાયદે હેરાફેરી કરતી ચાર ટ્રકને ઝડપી લઇ ‘નેહલે પે દહેલા’ સાબિત થઇને રૂ.65 લાખનો મુદ્દામાલ કબજે કરી લીધો હતો.
મોરબી ખાણ ખનીજ ખાતાના અધિકારી જગદીશસિંહ વાઢેરે માહિતી આપતા જણાવ્યું હતું કે, અમે કચેરીમાં હતા ત્યારે રેતી અને કપચી ભરેલી ચાર ટ્રક રાજકોટ તરફ જઇ રહ્યાની અને રોયલ્ટી ચોરી કરેલો માલ હોવાની બાતમી મળી હતી. જેના પગલે અમારી કચેરી બહાર જ રેકી કરતા તત્ત્વો સક્રિય હોય અને અમારી દરેક હિલચાલ પર નજર રાખતા હોય અમે ખાનગી વાહનમાં હિરાસર એરપોર્ટ પાસેથી ચારેય ટ્રકને ઝડપી લીધી હતી. હિરાસર એરપોર્ટ પાસેથી 3 કપચી ભરેલી ટ્રક અને 1 રેતી ભરેલી ટ્રક સહિત કુલ રૂ.65 લાખનો મુદ્દામાલ કબજે કરી ચારેય ટ્રક એરપોર્ટ પોલીસ સ્ટેશનમાં મુકાવી દીધી હતી. પકડાયેલા શખ્સોના મોબાઇલ ચેકિંગ કરતા અમને સતત ફોલોઅપ કરવામાં આવી રહ્યાનો વધુ એક વખત પર્દાફાશ થયો હતો. જોકે આમ છતાં અમે ખનીજ ચોરીનું રેકેટ અટકાવવામાં સફળ રહ્યા હતા. અમે ઘરથી નીકળીએ ત્યારથી લઇને અમે ઘેર પરત ફરીએ ત્યાં સુધી અમારી રેકી કરવામાં આવે છે. જેના પરિણામે અમારી પાસે ઘણીવખત સચોટ બાતમી હોવા છતાં અમારો દરોડો નિષ્ફળ જાય છે અને ખનીજ ચોરો હાથ લાગતા નથી. આથી આ રેકી કરતા તત્ત્વો સામે એક્શન લેવા જરૂરી છે અને તે અટકાવવી જરૂરી છે.
આ દરોડામાં ટ્રક નં. ૠઉં-13-અઠ-1888માં સિલિકા રેતી માલિક – કાલુસિંહ ગાર્ડ લાલાભાઇ લોહ, ટ્રક નં. ૠઉં-21-ઠ-4070માં કપચી માલિક -સચિન ગણાવા શ્રીગણેશ એન્ટરપ્રાઇઝ, ટ્રક નં. ૠઉં-03-ઇઠ-6545માં કપચી માલિક-મનસુખ ભાવલિયા એભલ જલુ, ટ્રક નં. ૠઉં-10-ડ-8074માં કપચી જેના માલિક જયેશ પરમાર શ્રીગણેશ એન્ટરપ્રાઇઝ છે તે 4 ટ્રક જપ્ત કરી વધુ કાર્યવાહી હાથ ધરવામાં આવી હોવાનું જાણવા મળે છે.
