1 સપ્ટેમ્બર 2025થી 30 જૂન 2026 સુધીમાં ‘112’માં પોલીસને મારામારીના કેસમાં સૌથી વધુ વખત બોલાવાઈ છે
દરરોજ સરેરાશ 2741 કોલ્સ પોલીસ ઈમરજન્સીના મળે છે
- Advertisement -
ખાસ ખબર ન્યૂઝ ગાંધીનગર
ગુજરાતમાં દારૂબંધી છતાં દારૂ પીને મારામારીના કેસ ચિંતાજનક રીતે વધ્યા છે. 10 મહિનામાં 93,746 કેસ નોંધાયા છે, એટલે કે દરરોજ સરેરાશ 300 કેસ. ‘112’ ઇમરજન્સી સેવાનો 1 સપ્ટેમ્બર 2025થી 30 જૂન 2026 દરમિયાન 8.30 લાખ વખત ઉપયોગ થયો, જેમાં અમદાવાદ શહેર 1.91 લાખ કોલ્સ સાથે મોખરે છે. દારૂને કારણે પોલીસને સૌથી વધુ દોડાદોડી કરવી પડે છે.
ગુજરાત રાજ્યની સ્થાપના થઈ ત્યારથી દારૂબંધી અમલમાં છે. હવે આશ્ચર્યની વાત એ છે કે, ગુજરાતમાં જે ઈમરજન્સીમાં પોલીસને સૌથી વધુ બોલાવવી પડતી હોય તેમાં ચોરી, મહિલા-બાળકો સાથે મારામારી અને રોડ એક્સિડેન્ટ કરતાં દારૂનો દૈત્ય પોલીસને વધુ દોડાવે છે. દારૂ પીને થતી મારામારીના કેસ ત્રીજા સ્થાને છે. 10 મહિનામાં દારૂ પીને મારામારીના 93,746 કેસ નોંધાયા છે. આમ, દરરોજ સરેરાશ 300 જેટલા કેસ દારૂ પીને મારામારી કરવાના સામે આવે છે.
- Advertisement -
આ અંગે પ્રાપ્ત માહિતી અનુસાર 1 સપ્ટેમ્બર 2025થી 30 જૂન 2026 દરમિયાન ‘112’માં પોલીસને મદદ માટે સૌથી વધુ બોલાવાઈ છે તેમાં મારામારી, જાહેરમાં તકરાર બીજા સ્થાને છે. જેમાં મારામારીના 1.52 લાખ જ્યારે જાહેરમાં તકરારના 1.35 લાખ કેસ નોંધાયા છે. આ સ્થિતિએ મારામારી માટે રોજના સરેરાશ કેસ નોંધાયા છે. દારૂપીને મારામારીના કેસમાં સતત વધારો જોવા મળી રહ્યો છે. બીજી તરફ પ્રોહિબિશનના 19,065 કેસ નોંધાયા છે. સપ્ટેમ્બરથી જૂનના આ સમયગાળામાં પોલીસ ઈમરજન્સીના 8.30 લાખ કેસ નોંધાયા છે. આમ, દરરોજ સરેરાશ 2741 કોલ્સ પોલીસ ઈમરજન્સીના મળે છે.
પોલીસ ઈમરજન્સીના સૌથી વધુ કેસ મળ્યા હોય તેમાં અમદાવાદ શહેર 1.91 લાખ સાથે મોખરે, સુરત શહેરમાં 1.21 લાખ કેસ બીજા, વડોદરા સિટી 57,279 સાથે ચોથા સ્થાને છે. આ સ્થિતિએ અમદાવાદ સિટીમાં 603 કોલ્સ ‘112’ સેવાને મળે છે. પોલીસ સહાય, મેડિકલ ઈમરજન્સી, ફાયર બ્રિગેડ, મહિલા સુરક્ષા, બાળ સુરક્ષા, અન્ય જીવલેણ-તાત્કાલિક પરિસ્થિતિમાં એક જ નંબર પરથી સહાય મળી રહે તેના માટે ‘112’ ની સેવાનો 1 સપ્ટેમ્બરથી પ્રારંભ કરવામાં આવ્યો હતો.
પોલીસ ઈમરજન્સીના ક્યાં વધારે કેસ?
જિલ્લો કેસ
અમદાવાદ સિટી – 1,91,288
સુરત સિટી – 1,21,116
વડોદરા સિટી – 57,279
રાજકોટ સિટી – 40,742
અમદાવાદ ગ્રામ્ય – 24,089
સુરત ગ્રામ્ય – 21,117
ગાંધીનગર – 20,614
મહેસાણા – 20,163
ભાવનગર – 19,567
ભરૂચ – 17,860
વલસાડ – 17,089
બનાસકાંઠા – 17,080
ખેડા – 16,503
દાહોદ – 15,648
આણંદ – 15,419
કઈ ઈમરજન્સીમાં પોલીસને સૌથી વધુ બોલાવવી પડી?
ઈમરજન્સી કેસ
મારામારી – 1,52,475
ટ્રાફિકમાં સમસ્યા – 20,639
જાહેરમાં તકરાર – 1,35,434
દારૂબંધી – 19,065
દારૂપીને મારામારી – 93,746
અપશબ્દો બોલવા – 18,302
રોડ એક્સિડેન્ટ – 70,655
ઘરેલુ હિંસા – 14,373
ધ્વનિ પ્રદૂષણ – 53,544
ચોર પકડાયો – 10,665
મહિલા-બાળક સાથે મારામારી – 41,083
અજ્ઞાત વસ્તુ મળવી – 7,572
ચોરી – 29,636
આગ – 7,566
અન્ય – 26,489
છેડતી – 7,380
જીવનું જોખમ – 22,813
અંગત મિલકતને નુકસાન – 6,533
મહિલા-બાળકો મુશ્કેલીમાં – 21,665
વ્યક્તિ ગૂમ થવી – 6,533
અન્ય પેટા પ્રકાર – 65,105
કુલ – 8,30,621
