ફાયર નહીં, વાઈલ્ડ ફાયર: એક દિવસના 110 શૉ

રાજકોટમાં પુષ્પા-2એ તમામ રેકોર્ડ તોડ્યા

મોડી રાત્રે 2.30-3.00, સવારે 7.00 અને મધરાત્રે 12.00 વાગ્યાના શૉ: તેલુગુમાં પણ ત્રણ શૉ

રાજકોટમાં પ્રથમ શૉ વખતે ઢોલ-નગારા સાથે ફેન્સની ઉજવણી: ભવ્ય આતશબાજી પણ કરાઈ

ખાસ-ખબર ન્યૂઝ રાજકોટ

આજે દેશભરમાં સાઉથ સુપર સ્ટાર અલ્લુ અર્જુન અને રશ્મિકા મંદાનાની ફિલ્મ રિલીઝ થઈ છે. ‘પુષ્પા’ ફિલ્મ ફ્રેંચાઈઝનો આ બીજો ભાગ છે. જે ‘પુષ્પા ધી રૂલ’ કહેવાય છે. આજે રાજકોટમાં ફિલ્મ રિલીઝ થઈ છે. જેમાં પ્રથમ વખત એવું બન્યું હશે જ્યારે 24 કલાક સુધી કોઈ ફિલ્મના શો ચાલતા હશે. રાજકોટમાં 110 શો છે અને તેમાં પણ સવારે 7 થી મધરાત્રે 3 સુધી ચાલુ થનાર શો છે.

ઑનલાઇન બુકિંગ એપ બુક માય શો માંથી મળતી માહિતી મુજબ દર કલાકે 50,000 થી વધારે લોકો સર્ચ કરે છે શો બુક કરવા માંગે છે. રાજકોટમાં આઇનોકસ આર.વર્લ્ડ, કાર્નિવલ, કોનપ્લેક્સ, કોસ્મોપ્લેક્સ, સીનેપોલીસ, ક્રિસ્ટલ મોલ – મૂવી ટાઇમ સહિત 9 થિયેટરમાં 3 તેલુગુ સહિત 110 શો ચાલી રહ્યા છે. પુષ્પા ના આજે સૌપ્રથમ શો વખતે સાઉથ ઇન્ડીયન સુપર સ્ટારના ચાહકો દ્વારા થિયેટર બહાર લાઈનો લાગી અને અલ્લુ અર્જુનના પોસ્ટર પર દૂધ થી અભિષેક કર્યો, ઢોલ નગારા વગાડી, અગરબત્તી કરી અને જાણે સાક્ષાત ભગવાનનો અવતાર હોય તેમ ઉજવણી કરી હતી. પુષ્પા માટે ખૂબ જ ક્રેઝ છે, હૈદરાબાદમાં પ્રીમિયર શો વખતે એટલા લોકો અલ્લુ અર્જુનને જોવા ઉમટી પડ્યા કે ભાગદોડમાં એક વ્યક્તિનું મોત થયું. આ ત્રણ કલાક અને 20 મિનિટ લાંબી ફિલ્મ નિહાળવા માટે લોકો ઘણાં ઉત્સુક છે અને ભારતનું સૌથી મોટી ઓપનિંગ ધરાવતી ફિલ્મ બની શકે છે.

ફિલ્મ પુષ્પા-2 તો રિયલમાં જોરદાર નીકળ્યું, દમદાર રિવ્યૂ

પુષ્પરાજ મોટા પડદા પર પાછો ફર્યો છે એટલે કે અલ્લુ અર્જુન સ્ટારર મોસ્ટ અવેઈટેડ ફિલ્મ પુષ્પા 2 સિનેમાઘરોમાં રીલીઝ થઈ ગઈ છે. બમ્પર એડવાન્સ બુકિંગને લઈને આ ફિલ્મને લઈને ઘણી ચર્ચા થઈ રહી છે. ત્યારે ચાલો જાણીએ કે ફિલ્મ પુષ્પા 2 કેવી છે. મોટા પાયા પર લાલ ચંદનની દાણચોરી કરીને, પુષ્પારાજ (અલ્લુ અર્જુન) પુષ્પા-ધ રાઇઝમાં 3 વર્ષ સુધી મજૂર યુનિયન સિન્ડિકેટના પ્રમુખ પદ પર બેસી ગયો હતો અને તેની ગર્લફ્રેન્ડ શ્રીવલ્લી (રશ્મિકા મંદાના) સાથે લગ્ન કરીને હેપ્પી એન્ડિંગ થયું હતું. પરંતુ તે દરમિયાન તેનો નવો દુશ્ર્મન ઇન્સ્પેક્ટર ભંવર સિંહ શેખાવત (ફહાદ ફાસિલ) પણ તૈયાર થઈ ગયો છે અને પુષ્પા 2 માં આ બદલાની વાર્તા બતાવવામાં આવી છે. ફિલ્મની શરૂઆત પુષ્પારાજની જોરદાર એન્ટ્રીથી થાય છે. અલ્લુ અર્જુને આખી ફિલ્મમાં માસ-મસાલા અને એક્શન સાથે પોતાનો જાદુ ફેલાવ્યો છે. ભંવર સિંહ શેખાવત ઉપરાંત, જોલી રેડ્ડી (ધનંજય) પણ પુષ્પા સાથે પોતાનો જૂનો સ્કોર સેટલ કરવાનું કાવતરું ઘડે છે. આ વખતે લાલ ચંદનનું બ્લેક માર્કેટિંગ રાષ્ટ્રીય સ્તરે નહીં પરંતુ આંતરરાષ્ટ્રીય સ્તરે જોવા મળે છે, જે વાર્તામાં યુએસપી તરીકે કામ કરે છે. એકંદરે, પુષ્પા 2, જે 3 કલાકથી વધુ લાંબી છે, એક સંપૂર્ણ મનોરંજક મૂવી છે, જે પૈસા વસૂલ કરી દેશે. પુષ્પા 2 દ્વારા, સુકુમારે ફરી એકવાર સાબિત કર્યું છે કે તેમણે દક્ષિણ સિનેમાના પીઢ ફિલ્મ નિર્માતા શા માટે કહેવાય છે. સિક્વલના આધારે, તેઓ પુષ્પા 2 ના ક્ધટેન્ટને સારી રીતે સમજ્યા છે, જેના કારણે લાંબી ફિલ્મ હોવા છતાં પણ કંટાળો નહીં. આ સિવાય સિનેમેટોગ્રાફી અને ટઋડ પણ ખૂબ પ્રભાવિત કરશે. બીજી તરફ, પુષ્પા 1 અને 2 માં પણ ડીએસપીનું વિસ્ફોટક સંગીત અને ગીતો મૂડ મસ્ત કરી દેશે. એટલું જ નહીં, આ વખતે પણ પુષ્પાના દમદાર ડાયલોગ્સ સોશિયલ મીડિયા પર વાયરલ થવાના છે.અલ્લુ અર્જુને પુષ્પા 2માં ફરી એકવાર શાનદાર છાપ છોડી છે. આ સિવાય રશ્ર્મિકા મંદાનાએ પણ શ્રીવલ્લીના રોલમાં પોતાની અદભૂત પ્રતિભા દર્શાવી છે. બીજી તરફ, ફહાદ ફાસિલ, ધનંજય અને જગપતિ બાપુએ વિલનની ભૂમિકામાં તેમના અભિનયના સો ટકા આપી દીધા છે.