93 પેઢીઓમાં તપાસ: કુલ 246 કિલો વાસી જથ્થાનો નાશ, 31 હજારનો દંડ ફટકારતી મનપા
લેબલ વગરના ગુલાબજાંબુ વેચતી ‘મારવેલ માર્કેટિંગ‘ ઝડપાઈ: મેન્યુફેક્ચરિંગ કે એક્સપાયરી ડેટ વગરનો 13 કિલો જથ્થો નાશ કરાયો
- Advertisement -
શહેરમાં ખાદ્ય પદાર્થોમાં થતી ભેળસેળ રોકવા અને લોકોના આરોગ્ય સાથે થતા ચેડાં અટકાવવા માટે રાજકોટ મહાનગરપાલિકાની આરોગ્ય શાખાના ફૂડ વિભાગ દ્વારા કડક સર્વેલન્સ ચેકિંગ હાથ ધરવામાં આવ્યું છે. આ કડક ઝુંબેશ અંતર્ગત ફૂડ વિભાગની ટીમોએ શહેરના વિવિધ વિસ્તારોમાં હોકર્સ ઝોન, રેસ્ટોરન્ટ અને વેપારી પેઢીઓમાં વ્યાપક દરોડા પાડીને અખાદ્ય સામગ્રીનો નાશ કર્યો છે તેમજ દંડનીય વસૂલાત કરી છે. ૧૫૦ ફૂટ રિંગ રોડ પર રૈયા ચોકડી પાસે, વેસ્ટ ગેટમાં નાગરિક બેંકની સામે પ્રથમ માળે આવેલી જાણીતી હોટેલ ‘બાલાજી થાળ’ (બાલાજી એન્ટરપ્રાઇઝ) માં ફૂડ વિભાગની તપાસ દરમિયાન ભારે બેદરકારી સામે આવી હતી. અહીં ફ્રિજમાં વાસી લીલી ચટણી અને પુરણપોળીનો માવો સંગ્રહ કરેલો મળી આવ્યો હતો. એટલું જ નહીં, રસોડામાં રાખેલા બાંધેલા લોટ અને મેંદામાં ધનેડા (જીવાત) જોવા મળ્યા હતા. ફૂડ વિભાગે સ્થળ પરથી મીઠો મસાલો, ચટણી અને મરચું પાવડર મળીને અંદાજિત ૧૫૦ કિલોગ્રામ અખાદ્ય જથ્થાનો નાશ કર્યો હતો અને પેઢી પાસેથી રૂ. ૧૦,૦૦૦નો વહીવટી ચાર્જ વસૂલ કર્યો હતો.મનપાની ટીમો દ્વારા કુવાડવા રોડ, પેડક રોડ, સંત કબીર રોડ, ડી-માર્ટ વાળો ૫૦ ફૂટ રોડ, જૂનો મોરબી રોડ, રામકૃષ્ણ આશ્રમ રોડ, મહિલા કોલેજ રોડ, નાના માવા મેઇન રોડ, તેમજ કિસાનપરા ચોક, મોરબી રોડ જકાતનાકા, કુંડલિયા કોલેજ અને એજી ચોક પાસે આવેલા હોકર્સ ઝોન સહિતના સ્થળોએ આકસ્મિક તપાસ કરવામાં આવી હતી. આ દરમિયાન કુલ ૯૩ પેઢી અને રેસ્ટોરન્ટ્સની તપાસ કરવામાં આવી હતી, જેમાંથી ૨૪૬ કિલોગ્રામ અખાદ્ય અને વાસી જથ્થો મળી આવતા તેનો સ્થળ પર જ નાશ કરાયો હતો. આ ઉપરાંત, સ્ટોરેજ તેમજ હાઈજેનિક કન્ડિશન (અસ્વચ્છતા) બાબતે ૨૮ પેઢીઓને નોટિસ ફટકારવામાં આવી હતી અને કુલ રૂ. ૩૧,૩૦૦/- ની પેનલ્ટી વસૂલ કરવામાં આવી હતી.જામનગર રોડ પર માધાપર ઇન્ડસ્ટ્રીયલ એરિયામાં એમ.આર.આર. ની સામે આવેલી “મારવેલ માર્કેટીંગ” નામની પેઢીમાં ચેકિંગ હાથ ધરાયું હતું. જ્યાં ડિસ્પ્લે રેકમાં રાખેલા કંપની પેક્ડ ગુલાબજાંબુના લેબલ પર કોઈ મેન્યુફેક્ચરિંગ ડેટ (બનાવ્યાની તારીખ) કે એક્સપાયરી ડેટ લખેલી ન હતી. નિયમભંગ બદલ આશરે ૧૩ કિલોગ્રામ ગુલાબજાંબુનો જથ્થો અખાદ્ય હોવાનું ફૂડ બિઝનેસ ઓપરેટર (FBO) એ સ્વીકારતા આ તમામ જથ્થાનો પણ સ્થળ પર જ નાશ કરવામાં આવ્યો હતો.
ગોલાનું સિરપ, સેન્ડવિચ, ઘી
અને થાબડીના નમૂના લેવાયા
- Advertisement -
- કાચી કેરી ફ્લેવર આઈસ ગોલાનું સિરપ (લૂઝ): સ્થળ -ભુમી આઝાદ હિન્દ ગોલા, અવિસા -1, શોપ નં.1, મોદી સ્કૂલ સામે, અંબિકા ટાઉનશિપ, રાજકોટ.
- આઈસ ગોલાનું સિરપ (પાઈનેપલ ફ્લેવર) (લૂઝ): સ્થળ -ભુમી આઝાદ હિન્દ ગોલા, અવિસા -1, શોપ નં.1, મોદી સ્કૂલ સામે, અંબિકા ટાઉનશિપ, રાજકોટ.
- ચીકુ ફ્લેવર આઈસ ગોલાનું સિરપ (લૂઝ): સ્થળ -પટેલ ગોલા, ગ્રા. ફ્લોર શોપ નં-8 અવિસા-1, મોદી સ્કૂલ સામે, અંબિકા ટાઉનશિપ, રાજકોટ.
- આઈસ ગોલાનું સિરપ (રાજભોગ ફ્લેવર) (લૂઝ): સ્થળ -પટેલ ગોલા, ગ્રા. ફ્લોર શોપ નં-8 અવિસા-1, મોદી સ્કૂલ સામે, અંબિકા ટાઉનશિપ, રાજકોટ.
- વાસ્તુ ઘીઃ સ્થળ -જય બાલાજી ફૂડ પ્રોડક્ટસ, “ગાયત્રી કૃપા” ગાંધી ગ્રામ, શેરી નં. 6-B, નાણાવટી સર્કલ પાસે, રાજકોટ.
- મરચાં પાવડર (લૂઝ): સ્થળ -સ્વામી’ઝ રેસ્ટોરન્ટ & કેટરર્સ, સન સિટી ની સામે સાધુવાસવાણી રોડ, રાજકોટ.
- રાજભોગ મઠ્ઠો (લૂઝ): સ્થળ -ગોકુલ ડેરીફાર્મ, કાલાવડ રોડ, ક્રિસ્ટલ મોલ ની સામે, રાજકોટ.
- પનીર તંદૂરી સેન્ડવિચ (પ્રીપેર્ડ લૂઝ): સ્થળ -મારુતિ સ્નેક્સ, ટુ સ્લાઈસ, રે.સ. નં. ૪૭૫,ધ સિટી સેન્ટર, ગ્રા.ફ્લો. શો રૂમ નં. ૨૯, રૈયા રોડ, રાજકોટ.
- વેજ ચીઝ સેન્ડવિચ સ્ટફિંગ (પ્રીપેર્ડ લૂઝ): સ્થળ -મારુતિ સ્નેક્સ, ટુ સ્લાઈસ, રે.સ. નં. ૪૭૫, ધ સિટી સેન્ટર, ગ્રા.ફ્લો. શો રૂમ નં. ૨૯, રૈયા રોડ, રાજકોટ.
- થાબડી (સ્વીટસ લૂઝ): સ્થળ -શ્રી રાઘવેન્દ્ર સ્વીટ્સ, રવિરાજ કોમ્પ્લેક્સ-૨, નાના માવા રોડ, રાજકોટ.
