રક્તદાન કેમ્પમાં 325 બોટલ રક્ત એકત્ર, 30,000 લોકોએ દૂધ પૌવાની પ્રસાદી લીધી, કલાકારોએ રમઝટ બોલાવી
ખાસ-ખબર સંવાદદાતા
ઉમિયા ચેરીટેબલ ટ્રસ્ટ તથા ઉમિયા યુવા સોશ્યલ ગ્રુપ દ્વારા શરદપુનમની રઢીયાળી રાતે તા. 28ને શનિવારે 19મો શરદોત્સવ યોજાયો. રાજકોટમાં વસતા કડવા પાટીદાર સમાજ માટે પારીવારીક સાંસ્કૃતિક તેમજ હાસ્યરસના કાર્યક્રમની સાથોસાથ શરદોત્સવમાં સ્વર્ગસ્થ પાટીદાર મહાનુભાવોના સ્મરણાર્થે રક્તદાન કેમ્પ યોજાયો હતો.
શરદોત્સવમાં શહેરમાં વસતા અંદાજે 30,000 કડવા પાટીદાર પરીવારો એકસાથે બેસીને દૂધપૌવા તેમજ સાંસ્કૃતિક કાર્યક્રમ માણી શકે તેવા આ કાર્યક્રમમાં પાટીદાર શ્રેષ્ઠી બાન લેબના મૌલેશભાઇ ઉકાણી, નંદલાલભાઇ માંડવીયા, મુળજીભાઇ ભીમાણી, મનસુખભાઇ પાણ, નાથાભાઇ કાલરીયા, કેતનભાઇ ધુલેશીયા, કે.બી.વાછાણી, અશ્વિનભાઇ ભુવા મુખ્ય મહેમાન તરીકે ઉપસ્થિત રહ્યા હતા. શરદોત્સવના આ કાર્યક્રમમાં સ્વર્ગસ્થ પાટીદાર સમાજના શ્રેષ્ઠી અને દાતાઓના સ્મરણાર્થે ફીલ્ડમાર્શલ બ્લડબેંક તથા રાજકોટ વોલેન્ટરી બ્લડબેંક તથા જીવનદિપ બ્લડ બેંકના સહયોગથી યોજાયેલા રક્તદાન કેમ્પમાં 325 બોટલ રક્ત એકત્ર કરાયું હતું. જેમાં દાતા પરીવારના અશોકભાઇ વૈશ્નાણી, અમીતભાઇ ભાણવડીયા, વિજયભાઇ માકડીયા, ધનજીભાઇ કણસાગરા, કિશોરભાઇ ખાંટ, ધીરુભાઇ ડઢાણીયા, ગીરીશભાઇ સુતરીયા ઉપસ્થિત રહ્યા હતા. અતિથિ વિશેષ તરીકે મનસુખભાઇ વિરપરીયા, ભરતભાઇ ડેડાણીયા, ગૌતમભાઇ ધમસાણીયા, જયેશભાઇ પટેલ, કૌશીકભાઇ રાબડીયા, સિદ્ધાર્થ ફળદુ, વિરલભાઇ થોરીયા વિગેરે મહેમાનોએ ઉપસ્થિત રહી મા ઉમિયાની આરતીમાં જોડાયા હતા.
આ કાર્યક્રમમાં સંગીતાબેન લાબડીયા, ગાયક સાગર મેસવાણીયા, બાસુરી વાદક અનીલ મકવાણા તથા હાસ્ય કલાકાર વિજયભાઇ રાવલ દ્વારા સાંસ્કૃતિક તેમજ હાસ્યરંગની રંગત જામી હતી. અંદાજે 30,000થી વધુ જન મેદનીને ગણતરીની મિનિટોમાં દૂધ પૌવાની પ્રસાદી સ્થળ પર જ મળી જાય તેવી વ્યવસ્થા કરવામાં આવી હતી. શરદોત્સવના દૂધ પૌવાના દાતા તરીકે સનાતન ગ્રુપ પરીવારે સહયોગ આપ્યો હતો.
ઉમિયા યુવા ચેરીટેબલ ટ્રસ્ટ તથા ઉમિયા યુવા સોશ્યલ ગ્રુપના પ્રમુખ અશોકભાઇ દલસાણિયા, ઉપપ્રમુખ હરીભાઇ કલોલા, મંત્રી સુરેશભાઇ વડાલીયા, ખજાનચી ગોરધનભાઇ કણસાગરા તેમજ ટ્રસ્ટી મહેશભાઇ ભુવા, પ્રવિણભાઇ જીવાણી, ચંદુભાઇ કાલાવડીયા, મનસુખભાઇ ભાલોડિયા, અરવિંદભાઇ જીવાણીના માર્ગદર્શન હેઠળ સમગ્ર આયોજનને સફળ બનાવવા માટે ઉમિયા ગ્રુપ ચેરીટેબલ ટ્રસ્ટના કારોબારી સભ્યો જેન્તીભાઇ મારડીયા, હસમુખભાઇ કાનાણી, રસિકભાઇ વેકરીયા, પારસ આર. માકડીયા, નયન વાછાણી, નિલેશ શેખાત, જયેન્દ્ર ઝારસાણીયા તથા ઓફિસ મેનેજર જેન્તીભાઇ આલોદ્રા સહિતનાઓએ ભારે જહેમત ઉઠાવી હતી.
