ભારત-પાક તણાવ વચ્ચે રાજસ્થાનના સરહદી વિસ્તારોમાં રેડ એલર્ટ

કલેક્ટર ટીના ડાબીએ લાગુ કરાવ્યું લોકડાઉન

ભારત અને પાકિસ્તાન વચ્ચે વધી રહેલા તણાવ વચ્ચે, રાજસ્થાનના બાડમેર, શ્રી ગંગાનગર અને જોધપુરના જિલ્લા વહીવટીતંત્રે રેડ એલર્ટ જારી કર્યું છે. આ નિર્ણય પાકિસ્તનના રાજસ્થનમાં સરહદી વિસ્તારો પર ડ્રોન એટેકના પ્રયાસ બાદ લેવામાં આવ્યો છે. સૂત્રોના જણાવ્યા અનુસાર બાડમેર અને અન્ય સ્થળો પરથી શંકાસ્પદ સામાન મળી આવ્યો છે. રાજસ્થાનના સરહદી જિલ્લાઓના લોકડાઉન દરમિયાન લોકોને તેમના ઘરોમાં પાછા ફરવા વિનંતી કરવામાં આવી છે. બાડમેરમાં, જિલ્લા કલેક્ટર ટીના ડાબીએ સવારે 10 વાગ્યાની આસપાસ તમામ બજારો બંધ કરવાનો અને જાહેર અવરજવર તાત્કાલિક બંધ કરવાનો આદેશ આપ્યો છે. “બધા રહેવાસીઓને તાત્કાલિક તેમના ઘરે પાછા ફરે. બજારો બંધ રહે, અને જાહેર અવરજવર તાત્કાલિક અસરથી બંધ કરવાની રહેશે. અધિકારીઓને આ આદેશોનો કડક અમલ સુનિશ્ચિત કરવાનો નિર્દેશ આપવામાં આવ્યો છે. આ એક તાત્કાલિક સૂચના છે,” જિલ્લા કલેક્ટર દ્વારા તેમના આદેશમાં જણાવાયું છે.

સરહદી વિસ્તારોમાં હુમલો થયા બાદ રેડ એલર્ટ

સવારે 5 વાગ્યે, પાકિસ્તાની સરહદ પારથી ડ્રોન હુમલા થયાના અહેવાલ પછી બીજો રેડ એલર્ટ જારી કરવામાં આવ્યો હતો. જો કે, ભારતીય સંરક્ષણ પ્રણાલીઓએ સફળતાપૂર્વક ધમકીઓને અટકાવી અને નિષ્ક્રિય કરી. સવારે 6 વાગ્યા સુધી સંપૂર્ણ બ્લેકઆઉટ અમલમાં રહ્યો, જે લગભગ 12 કલાક સુધી ચાલ્યો. શ્રી ગંગાનગરમાં, અધિકારીઓએ જણાવ્યું હતું કે સંપૂર્ણ લોકડાઉન અમલમાં છે અને નાગરિકોને ઘરની અંદર રહેવાની કડક સલાહ આપવામાં આવે છે અને સામુહિક કાર્યક્રમો પર રોક લગાવવામાં આવી છે.

જાહેર સ્થળો અને બજારોમાં લોકોની અવર-જવર બંધ

“જિલ્લા વહીવટીતંત્ર અને પોલીસે તમામ રહેવાસીઓને સત્તાવાર સૂચનાઓનું સંપૂર્ણ પાલન કરવા અને સંપૂર્ણ સહયોગ આપવા અપીલ કરી છે,” એક આદેશમાં કહેવામાં આવ્યું છે. જોધપુરમાં પણ, જિલ્લા વહીવટીતંત્રે દરેકને તાત્કાલિક તેમના ઘરે જવાનો નિર્દેશ આપ્યો. “બજારો બંધ કરવા અને બધી હિલચાલ બંધ કરવા,” કહેવામાં આવ્યું છે. દરમિયાન, જેસલમેરમાં, સાવચેતીના પગલા તરીકે બજારો બંધ કરવામાં આવ્યા હતા. પોલીસ સતત જાહેર સ્થળોએ ભેગા ન થવાની અપીલ કરતી જોવા મળી હતી.

પાકિસ્તાને શુક્રવારે બીજી રાત્રે જમ્મુ અને કાશ્મીરથી ગુજરાત સુધીના ભારતમાં 26 સ્થળોને લક્ષ્ય બનાવીને ડ્રોન હુમલાઓનો નવો દોર શરૂ કર્યો, જેમાં સંરક્ષણ મંત્રાલયે કહ્યું કે એરપોર્ટ અને હવાઈ મથકો સહિત મહત્વપૂર્ણ સ્થાપનોને નિશાન બનાવવાના દુશ્મનના પ્રયાસોને સફળતાપૂર્વક નિષ્ફળ બનાવવામાં આવ્યા છે.