આપણે જાણીએ છીએ કે ફેશનની દુનિયામાં કંઈ પણ થઈ શકે છે. પણ શું સાદી વસ્તુની કિંમત વધારીને ફેશનના નામે વેચવી શક્ય છે? એક ફેશન બ્રાન્ડ દર વર્ષે કેટલીક આશ્ચર્યજનક પ્રોડક્ટ લાવી ચર્ચાનો વિષય બને છે. છતાં અત્યારે અનેક લોકો તેની ખરીદી કરે છે.
પેરિસ ફેશન વીકમાં બાલેસિયાગાના નવા કલેક્શને ફરી એકવાર બધાને ચોંકાવી દીધા છે. આ વખતે ચર્ચાનો વિષય તેનું એક બ્રેસલેટ છે, જે બિલકુલ સામાન્ય ટેપના રોલ જેવો દેખાય છે. આશ્ચર્યની વાત એ છે કે તેની કિંમત 3.3 લાખ રૂપિયા હોવાનું જાણવા મળ્યું છે.
- Advertisement -
હાર્ડવેરની દુકાનો અથવા ઓફિસ સપ્લાય સ્ટોર્સ સરળતાથી મળી જાય છે. આ બ્રેસલેટ બ્રાન્ડના ફોલ/વિન્ટર 2024 કલેક્શનનો એક ભાગ છે, ટેપ વડે ચોંટાડેલા કપડાં અને શર્ટ પણ આ સંગ્રહમાં સામેલ છે. બ્રેસલેટની વાત કરીએ તો, તે પારદર્શક ટેપના રોલ જેવું લાગે છે, પરંતુ તેના પર બેલેન્સિયાગા લોગો અને ’એડહેસિવ’ શબ્દ છપાયેલો છે.
અજીબોગરીબ ફેશનના કારણે ચર્ચામાં રહ્યું આ બ્રેસલેટ
આ પહેલીવાર નથી જ્યારે બાલેસિયાગાએ પોતાની વિચિત્ર ફેશનથી લોકોને ચોંકાવી દીધા હોય. અગાઉ, એક બ્રાન્ડે ટુવાલ સ્કર્ટ અને ચામડાનું પાઉચ પણ વેચ્યું હતું. જે કચરાપેટી જેવું દેખાયું હતું અને તેની કિંમત 1 લાખ રૂપિયા હતી. બાલેન્સિયાગાના આ નવા બ્રેસલેટને લઈને સોશિયલ મીડિયા પર વિવિધ પ્રકારની પ્રતિક્રિયાઓ આવી રહી છે. કેટલાક લોકો તેને ફેશન જગતની મજાક ગણાવી રહ્યા છે તો કેટલાક તેને બ્રાન્ડની માર્કેટિંગ સ્ટ્રેટેજીનો એક ભાગ માની રહ્યા છે.
શું આ બ્રેસલેટ મજાક છે ?
એક પ્રખ્યાત ફેશન હાઉસે ઘરની સાદી વસ્તુને મોંઘી અને ’આધુનિક’ માં પરિવર્તિત કરે છે. ઘણા લોકોને લાગ્યું કે બ્રાન્ડ ગરીબીને ફેશન સ્ટેટમેન્ટ બનાવવાનો પ્રયાસ કરી રહી છે. એક યુઝરે લખ્યું, ’અમીર લોકો ગરીબી અનુભવવા માંગે છે. અન્ય વ્યક્તિએ કહ્યું: ‘એવું લાગે છે કે બાલેસિયાગા દર વર્ષે કબાડખાના માંથી કંઈક લાવે છે’ અને આ બ્રાન્ડેડ બનાવી દે છે.
- Advertisement -
17,000 રૂપિયાની મોજાની જોડી
સામાન્ય રીતે ભારતમાં તમને 50 થી 100 રૂપિયામાં સામાન્ય 3 જોડી મોજાં મળી જશે. જો તમે બ્રાન્ડેડ ખરીદવા માંગતા હોવ તો તેની કિંમત 300 થી 500 રૂપિયાની વચ્ચે પડે છે. પરંતુ જો તમે મોજાં ખરીદવા માટે બાલેસિયાગાની વેબસાઈટ પર જાઓ છો, તો તમારે એક જોડી મોજા માટે 17 હજાર રૂપિયાથી વધુ ખર્ચ કરવા પડશે. તમને જણાવી દઈએ કે માત્ર એક જોડી મોજાની કિંમત 17,080 રૂપિયા છે.
તમે એક ટ્રેશ બેગની કિંમતમાં બે iPhone ખરીદી શકો
કંપની તેના પ્લેટફોર્મ પર લક્ઝરી ટ્રેશ બેગ વેચી રહી છે, જેની તેની વેબસાઇટ પર કિંમત 1850 ડોલર (લગભગ 1 લાખ 54 હજાર 259 રૂપિયા) છે. તમને જાણીને નવાઈ લાગશે કે ભારતમાં iPhone 15ની કિંમત હાલમાં 70,000 રૂપિયાથી થોડી વધારે છે. આ કિસ્સામાં, તમે Balesiagaની કચરા જેવી થેલીની કિંમતમાં 2 iPhone 15 ઘરે લાવી શકો છો. આ પછી પણ તમારા ખિસ્સામાં પૈસા બચશે. રસપ્રદ વાત એ છે કે આટલી ઊંચી કિંમત હોવા છતાં આ ટ્રેશ બેગ તેની વેબસાઇટ પર આઉટ ઓફ સ્ટોક છે.
કચરાના ઢગલામાંથી બહાર કાઢવામાં આવેલા ચંપલની કિંમત રૂ.1.5 લાખ રખાઈ
લગભગ બે વર્ષ પહેલાં પણ, કંપનીના શૂઝનું નવું કલેક્શન ઇન્ટરનેટ પર ટ્રેન્ડમાં હતું. શુઝને જોઈને વિશ્વાસ કરવો મુશ્કેલ હતો કે તેને પહેરી પણ શકાય છે. પેરિસ સ્નીકર નામના કલેક્શનમાં જે જૂતા બતાવવામાં આવ્યા હતા તે કચરાના ઢગલામાંથી લાવવામાં આવ્યા હોય તેવું લાગતું હતું. રસપ્રદ વાત એ પણ હતી કે જૂતા જેટલા ફાટેલા હતા તેટલી જ તેની કિંમત વધારે હતી. એટલે કે જો કોઈને સંપૂર્ણ ફાટેલા જૂતા જોઈએ છે, તો તેણે લગભગ 1 લાખ 43 હજાર રૂપિયા ખર્ચવા પડશે.
ઉંદરે કાતરેલું સ્વેટર રૂા. 1 લાખનું
કંપનીએ 1 લાખ રૂપિયાની કિંમતનું સ્વેટર પણ લોન્ચ કર્યું છે. આટલું મોંઘું હોવા છતાં, આ સ્વેટરે ઘણી ચર્ચા બનાવી કારણ કે તે ઘણી જગ્યાએ ફાટી ગયું હતું. સામાન્ય રીતે સ્વેટરનું કાર્ય ઠંડીથી રક્ષણ કરવાનું હોય છે. પરંતુ જ્યારે તેમાં ઘણી જગ્યાએ ફાટેલુ હોય ત્યારે તમને ઠંડી તો લાગશે જ. તેને જોઈને એવું લાગતું હતું કે જાણે ઘણી જગ્યાએ ઉંદરોએ તેને કાતરેલું હોય.
