દક્ષિણ હિંદ મહાસાગરમાં ખૂબ જ શક્તિશાળી ફેબિયન વાવાઝોડાએ દસ્તક આપી છે. તે ઝડપથી દક્ષિણ હિંદ મહાસાગરના કિનારાની તરફ આગળ વધી રહ્યું છે. જેને લઈને હવામાન વિભાગે ચેતવણી જાહેર કરી દીધી છે.
મ્યાનમારના દરિયાકાંઠે જોરદાર ટક્કર બાદ સોમવારે મોકા વાવાઝોડું પશ્ચિમ બંગાળ અને મિઝોરમ સુધી પહોંચ્યું. આનાથી ભારે પવન અને વાવાઝોડાની સાથે ખાબકેલા વરસાદના કારણે અનેક વૃક્ષો, મકાનો અને થાંભલા ધરાશાયી થયા. આ દરમિયાન કોલકાતા સહિત બંગાળના અન્ય ઘણા જિલ્લામાં કુલ 9 લોકોના મોતના સમાચાર છે. તો બીજી બાજુ મિઝોરમમાં લગભગ 250 મકાનોને નુકસાન થયું છે. અધિકારીઓના જણાવ્યા અનુસાર, રાજ્યોના લગભગ 6,000 લોકો તોફાનથી પ્રભાવિત થયા છે. મોકા વાવાઝોડું તબાહી મચાવી રહ્યું છે. ત્યાં હવે ફેબિયન વાવાઝોડાએ ચિંતા વધારી દીધી છે.
- Advertisement -
મોકા બાદ હવે ફેબિયને વધારી ચિંતા
શક્તિશાળી ફેબિયન વાવાઝોડું દક્ષિણ હિંદ મહાસાગરમાં દસ્તક આપી ચૂક્યું છે. તે ઝડપથી દક્ષિણ હિંદ મહાસાગરના દરિયા કિનારાની તરફ આગળ વધી રહ્યું છે. જેને લઈને દરેકને સાવચેત રહેવાની સલાહ આપવામાં આવી છે. હવામાન વિભાગની ચેતવણી અનુસાર, ફેબિયનને દરિયાકાંઠે પહોંચવામાં લગભગ એક સપ્તાહનો સમય લાગી શકે છે, પરંતુ તેની અસર અત્યારથી જ દેખાવા લાગી છે. એવું કહેવામાં આવી રહ્યું છે કે તે ખૂબ જ ખતરનાક ગતિથી આગળ વધી રહ્યું છે.
The death toll in cyclone-hit Myanmar rises to at least 81, reports AFP News Agency citing officials
— ANI (@ANI) May 16, 2023
- Advertisement -
અનેક વાહનો પર ધરાશાયી થયા વૃક્ષો
મોકા વાવાઝોડાના કારણે સોમવારે પશ્ચિમ બંગાળમાં અનેક વૃક્ષો ધરાશાયી થયા. જેના કારણે અનેક કાર અને ટુ વ્હીલર તેની ઝપેટમાં આવી ગયા હતા. વાહનોના દબાઈ જવાના કારણે ઘણા લોકોએ પોતાનો જીવ ગુમાવ્યો અને અનેક લોકો ઈજાગ્રસ્ત પણ થયા. વાવાઝોડાને કારણે અનેર વિસ્તારોનો વીજ પુરવઠો બંધ કરી દેવામાં આવ્યો હતો. વાવાઝોડાને કારણે કોલકાતાથી અનેક ડોમેસ્ટિક અને ઈન્ટરનેશનલ ફ્લાઈટ્સ પણ રદ્દ કરવામાં આવી હતી. કોલકાતા એરપોર્ટ પર 84 કિમી પ્રતિની ઝડપે પવન ફૂંકાતા પાંચ ફ્લાઇટ્સ ડાયવર્ટ કરવામાં આવી હતી.
ટ્રેનોની અવરજવર લાંબા સમય સુધી ખોરવાઈ
ઘણી જગ્યાએ ટ્રેનના પાટા પર વૃક્ષો પડી જવાને કારણે ટ્રેનોની અવરજવર પણ લાંબા સમય સુધી ખોરવાઈ ગઈ હતી. તેજ પવનને કારણે સિયાલદહ અને હાવડા ડિવિઝનના વિવિધ વિભાગોની ટ્રેનની અવરજવરને પણ અસર થઈ હતી.