કેન્દ્રની સીધા કરવેરાની આવક 22% વધી રૂા.10.6 લાખ કરોડ નોંધાઈ: વર્ષના અંતે સરકાર તિજોરી છલકાઈ

-ગત વર્ષના આ સમયગાળા કરતા કોર્પોરેટ તથા આઈટી આવક બન્ને વધ્યા: રૂા.1.77 લાખ કરોડનું રીફંડ અપાયું

કેન્દ્ર સરકારને જીએસટી કલેકશનમાં સતત થઈ રહેલા વધારા ઉપરાંત હવે સીધા કરવેરાની આવકમાં પણ કલેકશન 22% વધીને રૂા.10.6 લાખ કરોડે પહોંચતા ચાલુ નાણાકીય વર્ષના અંતે સરકારની તિજોરી છલકાઈ અને વેરા આવક નવા રેકર્ડ સર્જે તેવા સંકેત છે.

ચાલુ નાણાકીય વર્ષમાં સીધા કરવેરાની આવક રૂા.10.60 લાખ કરોડ નોંધાઈ છે જે બજેટ લક્ષ્યના 58% છે. આવકવેરા વિભાગે આ અંગે એક માહિતીમાં જણાવ્યું કે નેટ કોર્પોરેટ ટેક્ષ કલેકશન (રીફંડ બાદ) 12.48% અને પર્સનલ ઈન્કમટેક્ષ કલેકશન 31.77% વધ્યુ છે અને ટેક્ષ રીફંડ બાદ નેટ ટેક્ષ કલેકશન રૂા.10.60 લાખ કરોડ નોંધાયું છે જે ગત વર્ષે આ જ સમયગાળાની સરખામણીમાં ટેક્ષ કલેકશન 21.82% વધ્યુ છે. સીધા કરવેરા વિભાગે આ સમયગાળામાં રૂા.1.77 લાખ કરોડનું રીફંડ અપાયું હતું.

ડાયરેકટ ટેક્ષમાં કોર્પોરેટ ટેક્ષ તથા વ્યક્તિગત આવકવેરા સામેલ છે. કોર્પોરેટ ટેક્ષ કલેકશન આ સમયગાળામાં 7.13% પર્સનલ ટેક્ષ કલેકશન 18.23% વધ્યુ છે.