CBSE એટલે કે સેન્ટ્રલ બોર્ડ ઓફ સેકન્ડરી એજ્યુકેશન દ્વારા આજે ધોરણ 12નું પરિણામ જાહેર કરાયું, જાણો અહીં
CBSE એટલે કે સેન્ટ્રલ બોર્ડ ઓફ સેકન્ડરી એજ્યુકેશન દ્વારા આજે ધોરણ 12નું પરિણામ જાહેર કરાયું છે. આ વર્ષે લગભગ 39 લાખ વિદ્યાર્થીઓએ 10મા અને 12માની બોર્ડની પરીક્ષા આપી છે. આ તમામ વિદ્યાર્થીઓનું પરિણામ CBSE બોર્ડની સત્તાવાર વેબસાઇટ cbse.gov.in પર જાહેર કરવામાં આવ્યું છે. આ વર્ષે એકંદરે પાસની ટકાવારી 87.98% હતી. બોર્ડના જણાવ્યા અનુસાર આ વર્ષે છોકરીઓનું પરિણામ છોકરાઓ કરતા 6.40 ટકા સારું રહ્યું છે.
- Advertisement -
Central Board of Secondary Education (CBSE) declares Class XII results. pic.twitter.com/SUE91bqGOB
— ANI (@ANI) May 13, 2024
- Advertisement -
CBSE બોર્ડના ધોરણ 12ના વિદ્યાર્થીઓની રાહ પૂરી થઈ ગઈ છે. બોર્ડે ઈન્ટરના વિદ્યાર્થીઓનું પરિણામ જાહેર કર્યું છે. જે વિદ્યાર્થીઓએ આ વર્ષે CBSE બોર્ડમાંથી ધોરણ 12ની પરીક્ષા આપી છે તેઓ બોર્ડની સત્તાવાર વેબસાઇટની મુલાકાત લઈને તેમના પરિણામો ચકાસી શકે છે. આ વર્ષે એકંદરે પાસની ટકાવારી 87.98% હતી.
આ રીતે ચેક કરી શકશો પરિણામ
પરિણામ જાહેર થયા પછી CBSE results.cbse.nic.in અથવા cbse.gov.inની સત્તાવાર વેબસાઇટ પર જાઓ.
હોમ પેજ પર ‘CBSE 12મું પરિણામ ડાયરેક્ટ લિંક’ પર ક્લિક કરો.
લોગિન પૃષ્ઠ ખુલશે અહીં તમારો રોલ નંબર અને જન્મ તારીખ દાખલ કરો.
તમારું CBSE બોર્ડ પરિણામ સ્ક્રીન પર ખુલશે, તેને તપાસો.
વિદ્યાર્થીઓ અહીંથી પરિણામની ડિજિટલ નકલ ડાઉનલોડ કરી શકશે અને તેને પોતાની પાસે રાખી શકશે.
CBSE બોર્ડ પરિણામ 2024:
છોકરીઓની પાસ થવાની ટકાવારી- 91.52
છોકરાઓની પાસ થવાની ટકાવારી- 85.12
ટ્રાન્સજેન્ડરની પાસ ટકાવારી – 50.00
નોંધનિય છે કે, CBSE બોર્ડની ધોરણ 12ની પરીક્ષા 7126 પરીક્ષા કેન્દ્રો પર લેવામાં આવી હતી. આ વર્ષે ધોરણ 12માં કુલ 1,63,3730 વિદ્યાર્થીઓએ પોતાનું રજીસ્ટ્રેશન કરાવ્યું હતું જેમાંથી 1621224 વિદ્યાર્થીઓએ પરીક્ષા આપી હતી. વર્ષ 2024માં 1426420એ 12માની પરીક્ષા આપી હતી. આ વર્ષે એકંદરે પાસની ટકાવારી 87.98 હતી. ગયા વર્ષે (2023) એકંદરે પાસની ટકાવારી 87.33 હતી. એટલે કે આ વર્ષે પરિણામમાં 0.65 ટકાનો વધારો થયો છે. મળતી માહિતી મુજબ આ વર્ષે સૌથી સારું પરિણામ તિરુવનંતપુરમનું આવ્યું છે. આ રાજ્યની પાસ થવાની ટકાવારી 99.91% છે. તે જ સમયે વિજયવાડા 99.04 ટકા સાથે બીજા સ્થાને છે.
