કેનેડિયન હિન્દુ ચેમ્બર ઓફ કોમર્સ (CHCC) એ બ્રિટિશ કોલંબિયામાં લક્ષ્મી નારાયણ મંદિર પર થયેલા હુમલાની સખત નિંદા કરી છે.
સરેમાં એક લક્ષ્મી મંદિરમાં ફરી તોડફોડ કરવામાં આવી. આ આવી ત્રીજી ઘટના છે. બે શંકાસ્પદોએ મંદિર પર ગ્રેફિલેટ લગાવી અને સુરક્ષા કેમેરા ચોરી લીધા. હિન્દુ સમુદાય પોલીસ અને રાજકારણીઓ દ્વારા અસમર્થિત અનુભવે છે. વાનકુવરમાં રોસ ગુરુદ્વારાનું પણ રૂપ બગાડવામાં આવ્યું હતું. કેનેડિયન સાંસદ ચંદ્ર આર્યએ ખાલિસ્તાની ઉગ્રવાદીઓ સામે કાર્યવાહી કરવાની વિનંતી કરી. કેનેડિયન હિન્દુ ચેમ્બર ઓફ કોમર્સે તોડફોડની નિંદા કરી.
- Advertisement -
ખાલિસ્તાન સમર્થકોએ બ્રિટિશ કોલંબિયામાં લક્ષ્મી નારાયણ મંદિરને નિશાન બનાવ્યું છે. CHCC (કેનેડિયન હિન્દુ ચેમ્બર ઓફ કોમર્સ) એ એક વીડિયો શેર કર્યો છે અને આ હુમલાની સખત નિંદા કરી છે અને કેનેડામાં ‘હિન્દુફોબિયા’ પર ચિંતા વ્યક્ત કરી છે.
‘આ પ્રકારની નફરતનું કેનેડામાં કોઈ સ્થાન નથી’
CHCC એ પોતાના નિવેદનમાં કહ્યું, ‘આ પ્રકારની નફરત ભરલી હરકતોને કેનેડામાં કોઈ સ્થાન નથી.’ તેમણે કેનેડાની તમામ સરકારો પાસે તાત્કાલિક અને કડક કાર્યવાહીની માંગ કરી છે અને તમામ કેનેડીયન નાગરિકોને નફરત વિરુદ્ધ એકજુથ થવાની અપીલ કરી છે.
- Advertisement -
ગુરુદ્વારા ને પણ બનાવ્યું હતું ટાર્ગેટ
બીજી બાજુ કેનેડાના વેંકૂવરમાં રોસ સ્ટ્રીટ ગુરુદ્વારાને પણ ખાલિસ્તાન સમર્થકો દ્વારા ટાર્ગેટ બનાવવામાં આવ્યું છે. સમર્થકોએ અહીં ખાલિસ્તાની સૂત્રો લખ્યા હતા. આ ઘટના બાદ શીખ સમુદાયમાં ગુસ્સો છે અને આ માટે શીખ અલગતાવાદીઓના એક નાના જૂથને જવાબદાર ઠેરવવામાં આવી રહ્યું છે.
મીડિયા રિપોર્ટ્સ અનુસાર, લોકલ પોલીસે જણાવ્યું હતું કે શનિવારે ગુરુદ્વારામાં થયેલી તોડફોડની ફરિયાદ મળ્યા બાદ તપાસ શરૂ કરવામાં આવી છે. વેંકૂવર પોલીસ અધિકારીએ જણાવ્યું હતું કે પોલીસ ગુરુદ્વારા પર લખેલા નારાની તપાસ કરી રહી છે.
