હળવદના શક્તિસાગર ડેમનો એક દરવાજો અડધો ફુટ ખોલાયો, 9 ગામોને એલર્ટ

હળવદની જીવાદોરી સમાન શક્તિસાગર ડેમ એટલે કે બ્રાહ્મણી 2 ડેમ નર્મદા નીરથી છલોછલ ભરાઇ ગયો છે જેના પગલે આજે બ્રાહ્મણી 2 ડેમનો એક દરવાજો અડધો ફૂટ ખોલવામાં આવ્યો છે જેથી કરીને નીંચાણવાળા વિસ્તારના નવ ગામોને નદીના પટમાં અવર જવર નહીં કરવા માટે સૂચના આપવામાં આવી છે. બ્રાહ્મણી 2 ડેમના હેઠવાસના ગામોમાં સુસવાવ, કેદારિયા, મયુરનગર, ચાડધ્રા, મીંયાણી, ટીકર, માનગઢ, અજીતગઢ અને ખોડ ગામને બ્રાહ્મણી નદીના પટમાં અવર જવર નહીં કરવા તંત્ર દ્વારા સૂચના આપવામાં આવી છે જોકે આ બ્રાહ્મણી ડેમ વરસાદના પાણીથી નહીં પરંતુ ધ્રાંગધ્રા બ્રાન્ચ કેનાલના પાણીથી છલોછલ ભરાઈ જતા આજે ડેમનો એક દરવાજો અડધો ફુટ ખોલી હેઠવાસના ગામોને એલર્ટ કરાયા છે.