જૂના ફોર્મ્સ હવે ઈતિહાસ, એક જ ફોર્મમાં તમામ સુવિધા
ભાડું-પ્રોપર્ટીના કરકપાતનું રિટર્ન માટે નવું ફોર્મ 141 બહાર પડાયું
- Advertisement -
ખાસ-ખબર ન્યૂઝ નવી દિલ્હી
આવકવેરા વિભાગે ટેક્સ ડિડક્શન એટ સોર્સના રિપો ટગ અને ટીડીએસના નાણાં જમા કરાવવાની પ્રક્રિયાને સરળ બનાવવા નવું ફોર્મ નંબર 141 બહાર પાડ્યું છે. આ ફોર્મના માધ્યમથી ભાડું, પ્રોપટી અને પ્રોફેશનલ પેમેન્ટની વિગતો રજૂ કરવાની નવી વ્યવસ્થા ઊભી કરી છે. ટીડીએસ રિટર્ન માટેનું ફોર્મ નંબર 141એ પરમેનન્ટ એકાઉન્ટ નંબર આધારિત ચલણ-કમ-સ્ટેટમેન્ટ છે. તેનો ઉપયોગ કર કપાતનો રિપોર્ટ આપવા અને સરકારમાં કરકપાતની રકમ જમા કરાવી દેવા કરી શકાશે.
આવકવેરા કાયદા 2025ની કલમ 141માં કરવામાં આવેલી જોગવાઈ પ્રમાણે ફોર્મ નંબર 141 સર્વગ્રાહી ફોર્મ છે. નવુ ફોર્મ નંબર 141 જૂના ફોર્મ નંબર 26-ક્યુબી, 26-ક્યુસી 26-ક્યૂડી અને 26-ક્યૂઈને સ્થાને ભરવાનું આવશે. હવે એક જ ફોર્મ નંબર 141માં પરમેનન્ટ એકાઉન્ટ નંબર આધારિત તમામ ટીડીએસ સ્ટેટમેન્ટને એકીકૃત કરીને રજૂ કરવાના આવશે. તેમ જ કલમ 393(1) હેઠળની કરકપાત રિપોર્ટ કરવા માટે ફોર્મ 141નો ઉપયોગ કરવો પડશે.
આવકવેરાના કાયદાના નિષ્ણાતોનું કહેવું છે કે નવા ફોર્મ નંબર 141માં ચાર અલગ શિડ્યૂલ છે. તેમાં શિડ્યુલ-એમાં વ્યક્તિગત કરદાતા કે હિન્દુ અવિભક્ત કરદાતાએ ભાડાંની આવકમાંથી કર કપાત કરવાની આવશે. તેમ જ શિડ્યૂલ-બીમાં સ્થાવર મિલકત (પ્રોપટી) ટ્રાન્સફર પર કર કપાત કરી હોય તેની વિગતો આપવાની રહશે. તેવી જ રીતે શિડ્યૂલ-સીમા કોન્ટ્રાક્ટર કે પ્રોફેશનલને કરવામાં આવેલી ચુકવણી પર કરેલા કર કપાતની વિગતો આપવાની રહેશે. તદુપરાંત શિડ્યૂલ-ડીમાં વર્ચ્યુઅલ ડિજિટલ એસેટની ટ્રાન્સફર પર કરેલી કર કપાતની પાતની વિગત વિગતો રજૂ કરવાની અને જમા કરાવવાની રહેશે.
આવકવેરાના નવા કાયદે હેઠળ તૈયાર કરવામાં આવેલા દરેક ફોર્મ નંબર 141માં આપેલી વિગતોને એક પ્રકારનો ટ્રાન્ઝેક્શન રિપોર્ટ ગણી શકાશે. તેમ જ દરેક કેટેગરી માટે અલગ ફોર્મ ફાઇલ કરવું પડશે.
ડીટીએસના એક જ ફોર્મમાં એકથી વધુ લોકો સાથે કરેલા નાણકીય વહેવારોમાં કરવામાં આવેલી કર કપાતની વિગતો રજૂ કરી શકાશે. એક મહિનામાં થયેલી તમામ કર કપાતની વિગતો સાથે જ આપવાની રહેશે.
ફોર્મ 141 માત્ર ભારતીય નાગરિકોને લાગુ પડશે. ખાતાના જ કરકપાતનું ફોર્મ ફાઈલ કરવા માટે આવકવેરા ખાતાના ઈ-ફાઈલિંગ પોર્ટલ પર પરમેનન્ટ એકાઉન્ટ નંબર નાખીને કરદાતાએ લોગ-ઇન કરવું પડશે. હા, તેને માટે કેટલીક શરતો મૂકવામાં આવેલી છે. ઈ-ફાઈલિંગના પોર્ટલ પર કરદાતાનું નામ રજિસ્ટર્ડ થયેલું હોવું જરૂરી છે. કરદાતાનો પરમેનન્ટ એકાઉન્ટ નંબર એક્ટિવ હોવો જોઈએ.
ઝઉજ રિટર્ન કઈ રીતે ફાઈલ કરી શકાય…
- Advertisement -
પાનકાર્ડ નંબર નાખીને ઈ-ફાઈલિંગ પોર્ટલ પર લોગ ઈન કરો. ત્યારબાદ ઈ-પે ટેક્સ પસંદ કરો. તમારે કરકપાતના ફોર્મ નંબર 141ના જે શિડ્યુલમાં ફોર્મ ભરવું હોય તેની પસંદગી કરો. ત્યારબાદ કર કપાતની વિગતો ભરી દો. તેમાં કરકપાત કરનારના અને કરકપાત જેની રકમમાંથી કરવામાં આવી હોય તેનેો પાન નંબર નાખો, સરનામું ભરી દો, ટ્રાન્ઝેક્શનની વિગતો ભરો, ટ્રાન્ઝેક્શનની તારીખ લખી દો અને ટ્રાન્ઝેક્શની રકમ ટાઈપ કરીને અપલોડ કરી દો. તેની સાથે જ કર કપાતની રકમ પણ ઓનલાઈ જ સબમિટ કરી દો. છેલ્લે ચલણ અને સ્ટેટમેન્ટ ડાઉનલાઝ્ડ કરી દો.
કઈ 4 કેટેગરીમાં ફોર્મ 141 ભરવું પડશે
વ્યક્તિગત કરદાતા કે પછી હિન્દુ અવિભક્ત પરિવાર મહિને 50 હજાર કરતાં વધુ ભાડું ચૂકવતો હોય તો તેણે ફોર્મ 141 ફાઈલ કરી કર કપાતની વિગતો આપવી પડશે. તેમાંથી ટીડીએસ કરીને ફોર્મ 141 ભરીને ટીડીએસની રકમ સરકારમાં જમા કરાવવી પડશે.
શિડયુલ બી હેઠળ મિલકતના કરવામાં આવેલા વહેવારમાં ખેતીની જમીન સિવાયની કોઈ મિલકતની ખરીદી કરવામાં આવી હોય તો તેવા કિસ્સાઓમાં ટીડીએસ-કરકપાત કરીને તે રકમ જમા કરાવવી ફરજિયાત છે.
શિડ્યુલ-સી હેઠળ સ વસ આપનાર કે પ્રોફેશનલે વર્ષ દરમિયાન 50 લાખ રૂપિયાથી વધુ પેમેન્ટ કરવાના કોન્ટ્રાક્ટ કર્યા હોય કે બ્રોકરેજ સેવા આપી હોય અથવા તો પ્રોફેશનલ ફી વસૂલી હોય તો તેવા સંજોગોમાં તેમણે શિડ્યૂલ-સી હેઠળ કરકપાત 141 ફાઈલ કરવું પડશે.
છેલ્લે વર્ચ્યુઅલ ડિજિટલ એસેટ ટ્રાન્સફર કરવામાં જે નાણાંકીય વહેવાર કરવામાં આવ્યો હોય તેના પર કરવામાં આવેલી કર કપાતની વિગતો ભરીને શિડ્યૂલ-ડી હેઠળ ફોર્મ 141 ફાઈલ કરવાની અને કરકપાતની તે રકમ જમા કરાવવાની જવાબદારી આવશે.
