પ્રભુ શ્રીરામ બાદ પ્રભાસ બનશે ભગવાન શિવના અવતારમાં જોવા મળશે, કન્નપ્પાનો ફર્સ્ટ લુક વાયરલ

કન્નપ્પા ફિલ્મનું ઓફિશિયલ પોસ્ટર અંગ્રેજી, હિન્દી, તમિલ, તેલુગુ, મલયાલમ અને કન્નડમાં રિલીઝ કરવામાં આવ્યા છે. જેમાં વિષ્ણુ મંચુ લીડ રોલમાં જોવા મળશે, પ્રભાસ સહિત અન્ય કેટલાક સ્ટાર્સ કેમિયો કરશે.

ફિલ્મ કન્નપ્પાનો ફર્સ્ટ લૂક રીલીઝ કરવામાં આવ્યો છે. આ ફિલ્મ શિવ ભક્ત કન્નપ્પાની વાર્તા છે, જેને થિનપ્પન, થિન્નન, ધીરા, કન્યન, કન્નન વગેરે તરીકે પણ ઓળખવામાં આવે છે. ફિલ્મમાં તેલુગુ એક્ટર વિષ્ણુ મંચુ લીડ રોલમાં જોવા મળશે, જ્યારે પ્રભાસ સહિત અન્ય કેટલાક સ્ટાર્સ કેમિયો કરશે. કન્નપ્પાનું પોસ્ટર રિલીઝ થતાની સાથે જ પ્રભાસની ચર્ચા તેજ થઈ ગઈ છે.

કન્નપ્પાનું પોસ્ટર રિલીઝ થયું
કન્નપ્પા ફિલ્મનું ઓફિશિયલ પોસ્ટર રિલીઝ થઈ ગયું છે. ફિલ્મના પોસ્ટર અંગ્રેજી, હિન્દી, તમિલ, તેલુગુ, મલયાલમ અને કન્નડમાં રિલીઝ કરવામાં આવ્યા છે. મતલબ કે આ એક પાન ઈન્ડિયા ફિલ્મ હોઈ શકે છે, જે હિન્દીમાં પણ રિલીઝ થશે. ફિલ્મના પોસ્ટરમાં એક માણસ હાથમાં ધનુષ્ય લઈને નિશાન સાધતો જોવા મળે છે. શિવલિંગ પાછળ જંગલ અને ધોધ દેખાય છે. જો કે પોસ્ટરમાં માણસનો ચહેરો દેખાતો નથી, પરંતુ તે કન્નપ્પા છે, જેની ભૂમિકા વિષ્ણુ મંચુએ ભજવી છે.

Step into the world of 𝐊𝐚𝐧𝐧𝐚𝐩𝐩𝐚 where the journey of an atheist Warrior to becoming Lord Shiva’s ultimate devotee comes to life🏹@kannappamovie @24framesfactory @avaentofficial@ivishnumanchu @themohanbabu @Mohanlal @NimmaShivanna #Prabhas#Kannappa🏹 #HarHarMahadevॐ pic.twitter.com/kRbebbZdbH

— Vishnu Manchu (@iVishnuManchu) November 22, 2023

- Advertisement -

શું પ્રભાસ ભગવાન શિવ બનશે?
મીડિયા રિપોર્ટ્સ અનુસાર, ફિલ્મ કન્નપ્પામાં પ્રભાસનો કેમિયો હશે અને તે ફિલ્મમાં ભગવાન શિવના રોલમાં જોવા મળશે. જોકે તેની સત્તાવાર જાહેરાત કરવામાં આવી નથી. એ વાતો નોંધનીય છે કે આ પહેલા પ્રભાસ આદિપુરુષ ફિલ્મમાં પ્રભુ રામના રોલમાં જોવા મળ્યો હતો. આ ફિલ્મ ફ્લોપ સાબિત થવાની સાથે અનેક કારણોસર ટ્રોલ પણ થઈ હતી. જ્યારે આદિપુરુષ પહેલા ‘સાહો’ રિલીઝ થઈ હતી અને ‘રાધે શ્યામ’ પણ ફ્લોપ ગઈ હતી. આ દિવસોમાં પ્રભાસ સલાર માટે સમાચારમાં છે અને આગામી સમયમાં, સાલાર પછી, તે પ્રોજેક્ટ કલ્કી 2898 માં જોવા મળશે.