ગરમીમાં ડિહાઇડ્રેશન અને ફ્રેશ ફિલ કરવા માટે ખાઓ આ ફ્રુટસ, જાણો વિગતો

એપ્રિલ-મે મહિનાની કાળજાળ ગરમીથી તમારા સ્વાસ્થ્યને બચાવજો. ડોક્ટર્સ કહે છે કે ડિહાઇડ્રેશન અને હીટ સ્ટ્રોકથી દિલને બચાવવું જરૂરી છે.

જો વ્યક્તિ હેલ્ધી રહેવા ઇચ્છતી હોય તો સૌથી વધુ ધ્યાન હાર્ટનું રાખવું પડે છે. એકમાત્ર એ અંગ એવું છે જે વધુ પડતું દબાણ સહન કરી શકતું નથી. આવા સંજોગોમાં જરૂરી છે કે યોગ્ય ખાણીપીણી અને લાઇફસ્ટાઇલ દ્વારા તેનો યોગ્ય ખ્યાલ રાખવો જોઇએ. એપ્રિલ મહિનામાં જ તાપમાન વધી ગયું છે તો વિચારો મે માસમાં શું હાલત થશે. તાપમાન વધવાથી શરીર પર સ્ટ્રેસ પણ ઓટોમેટિક વધી જાય છે. જેના લીધે દિલને બ્લડ સપ્લાય માટે ઝડપથી પંપ કરવું પડે છે. હાર્ટની યોગ્ય દેખભાળ રાખવા માટે ફિઝિકલ એક્ટિવિટી તો જરૂરી છે જ, આ સાથે યોગ્ય ખાણીપીણી પણ જરૂરી છે.
શું કહે છે ડોક્ટર્સ?

ડિહાઇડ્રેશન અને હીટ સ્ટ્રોકથી દિલને બચાવવું જરૂરી
ડોક્ટર્સનું કહેવું છે કે ગરમીમાં ડિહાઇડ્રેશન અને હીટ સ્ટ્રોકથી દિલને બચાવવું જરૂરી છે. વધુ માત્રામાં સોડિયમ કે મીઠું શરીર પર ઊંધી અસર કરે છે. તેથી મીઠું ઓછું ખાવ. સાથે સાથે ૩થી ૪ લિટર પાણી પીવો અને ફળોના જ્યૂસની સાથે સાથે શાકભાજી પણ ખાવ. ગરમીની સિઝનમાં આ ફૂડ્સને ડાયેટમાં ઉમેરો તો હેલ્ધી રહી શકશો.

તરબૂચ
તરબૂચ સિઝનલ ફ્રૂટ છે. ગરમીમાં તે ઠેર ઠેર મળી આવે છે. ગરમીમાં ડિહાઇડ્રેશન રોકવાનો તે સૌથી સારો વિકલ્પ છે. તે અમીર ગરીબ કોઇ પણ ખાઇ શકે છે. સાથે તે મિનરલ્સથી પણ ભરપુર હોય છે. આ ફ્રૂટમાં લગભગ ૯૨ ટકા ભાગ પાણીનો હોય છે. આ ફ્રૂટ ખાવાથી બ્લડ પ્રેશર લો થાય છે અને હ્રદય પર દબાણ ઓછું આવે છે.

પપૈયું
પપૈયું એક એવું ફળ છે જે દરેક વ્યક્તિની પહોંચમાં હોય છે. તેને ખાવાથી કોલેસ્ટ્રોલ લેવલ ઘટે છે. તેમાં પેપિન નામનું કમ્પાઉન્ડ હોય છે, જે હાર્ટને હેલ્ધી રાખવા અને બ્લડ વેસલ્સને ક્લીન કરવામાં મદદ કરે છે.

બેરીઝ
સ્ટ્રોબેરી અને ગોઝી બેરીમાં એન્ટીઓક્સિડન્ટ અને ફ્લેવનોઇડ્સ ભરપુર હોય છે. તે હાર્ટને હેલ્ધી રાખવામાં મદદ કરે છે.

કાકડી
બોડીને હાઇડ્રેટેડ રાખવા માટે ગરમીની સિઝનમાં બપોરે સલાડમાં ખીરા જરૂર ખાવ. તે હાર્ટને હેલ્ધી રાખવામાં મદદ કરે છે.

લીલાં પાનવાળાં શાકભાજી
ગરમીની સિઝનમાં લીલાં પાંદડાવાળાં શાકભાજીને ડાયેટમાં સામેલ કરો. તે વિટામિન અને ઓમેગા ૩ ફેટી એસિડથી ભરપુર હોય છે. તેમાં પર્યાપ્ત માત્રામાં ઓમેગા ૩ હોય છે, તે આરોગ્ય સારું રાખે છે.

ચિયા સીડ્સ
ડાયેટમાં ચિયા સીડ્સ અને ફ્લેક્સ સીડ્સ જરૂર સામેલ કરો. લાંબા સમય સુધી આ બીજ ખાવાથી શરીરમાં એન્ટીઓક્સિડન્ટની માત્રા વધેલી રહે છે. ગરમીમાં થોડી માત્રામાં લસણનો પ્રયોગ પણ કરી શકાય છે. ગરમીમાં પ્રોટીનથી ભરપુર વસ્તુઓનું ઓછું સેવન કરો કેમકે તે પચવામાં ભારે હોય છે.