10થી 17 ઓકટોબર સુધીનું રાશિફળ

સપ્તાહ દરમિયાન ગોચર ગ્રહોની સ્થિતિ:
સૂર્ય ક્ધયા રાશિમાં, ચંદ્ર મેષથી મિથુન રાશિ સુધી, બુધ ક્ધયા શુક્ર ક્ધયા રાશિમાં, મંગળ વૃષભ/મિથુન રાશિમાં ગુરુ મીન રાશિમાં, શનિ મકર રાશિમાં, રાહુ મેષ રાશિમાં અને કેતુ તુલા રાશિમાં પરિભ્રમણ કરે છે. બને તેટલી ઈષ્ટદેવ અથવા કુળદેવીની ઉપાસના કરવી. શનિવાર અને હનુમાનજીની આરાધના ફાયદો કરાવે. ગ્રહોના ઉપરોક્ત પરિભ્રમણનો સાપ્તાહિક રાશિભવિષ્ય માં સમાવેશ કરવામાં આવ્યો છે.

મેષ (અ, લ, ઇ)
આ અઠવાડિયે, સમજદારી અને દીર્ઘદ્રષ્ટિ, તમારામાં ખીલેલાં આ નવાં પાસાંને કારણે તમારી પ્રતિબદ્ધતા, આત્મવિશ્વાસ અને જવાબદારીઓમાં વધારો થાય. તમારી કાર્યપ્રણાલીમાં વધુ સારા ફેરફારો થાય, જે તમને આર્થિક લાભ તરફ આગળ વધારે. તમારામાં માણસાઈના ગુણો વિકસે અને તેની અસર તમારાં કાર્યો ઉપર પડે. પોતાની સામાજિક અને આર્થિક રીતે પ્રગતિ થતી જોઈ શકાય. માત – પિતા થી લાભ મળી શકે. જરૂર કરતાં વધારે પૈસા મળવાની શક્યતા છે. પરંતુ ખર્ચ કરવામાં સાવધાની રાખવી જરૂરી છે.

વૃષભ (બ,વ,ઉ)
તમારા પદ, પ્રતિષ્ઠાને અનુરૂપ રહીને એ સમસ્યાઓ સામે લડવા તમારી સમગ્ર શક્તિ એકત્રિત કરી હશે . હવે તમો, અર્થિક આવક વધારવા પ્રયત્નશીલ બનશો. અહીં વધુ પડતા આત્મવિશ્વાસમાં ન રહેવાની સલાહ છે. આ સમયગાળો શાંતિ અને આરામ માટેનો રહેશે. આ અઠવાડિયે તમો પરિવાર અને પારિવારિક બાબતોમાં વ્યસ્ત રહેશો, નોકરી ધંધાના સાથે તમને સહકાર, આરામ અને આનંદ મળી રહે તેવા સંજોગોનું સ્વયં નિર્માણ થતું રહે તેવા સંજોગો ઉભા થાય.

મિથુન (ક, છ, ઘ)
આ અઠવાડિયા દરમિયાન, આવક વધવાની સાથે, આનંદમાં અભિવૃદ્ધિ અને પરિવાર સાથેનું બંધન વધુ મજબૂત થાય. તમે પરિવારને આગળ લઈજવા માટે તેની અસર રૂપે તમને બધી દિશાઓમાંથી સહકાર મળી રહેશે. આ સમયગાળામાં કુટુંબ માટે, ઉચ્ચ અભ્યાસ અર્થે વિદેશ ગમનના પણ યોગો રહેલા છે. નવા વ્યાવસાયિક જોડાણની શક્યતાઓ રહેલી છે. બાળકોની પ્રગતિ સારી જણાય છે. વડિલોની તબિયત સાચવવી. સોમવારે નવા સાહસ માટે લોન મળે અને ભવિષ્યના ફાયદાઓ માટેનો પાયો વધુ મજબૂત થાય.

કર્ક (ડ, હ)
હવે તમોને એવું લાગે કે, તમે મુશ્કેલીમાંથી બહાર નીકળવામાં સફળ થયાં છો. તકલીફોની સ્થિતિ હવે પૂરી થઈ રહી છે. આ સમયગાળામાં તમારે ધૈર્ય જાળવવાની અને બિનજરૂરી વિવાદોમાં ન પડવાની સલાહ છે. વર્તમાન સંજોગોને આધીન રહીને ફેરફાર સર્જાશે, તમારી આર્થિક સ્થિતિ ધીરે ધીરે હવે તમારી ગાડી પાટા પર આવી જશે. લોભામણી જાહેરાતો ને કારણે સામાન્ય ધારણાઓ થી વિપરિત કોઈપણ પ્રકારના વ્યાવસાયિક સોદાઓથી દૂર રહેવું. સફળતા મળવાની છે, ભલે થોડો સમય લાગે. આપણી જીત નિશ્ચિત છે. બુધવારે સફળતા મળે.

સિંહ (મ, ટ)
નવા કામના સ્થળે તમારી કાર્યક્ષમતામાં વધારો થાય અને તમને આત્મસંતોષ મળે. મિત્રો અને બહારના લોકો સાથેનું તમારું બંધન વધુ મજબૂત થાય. તમે ઘણાં નવા કાર્યો હાથ ધરશો. તમારી પ્રતિષ્ઠામાં ઘણો વધારો થાય. આ સમયગાળો અતિ વ્યસ્ત બની રહેશે. અત્યારે પૈસાને લગતી બાબતો તમારી પ્રાથમિક સૂચિમાં રહેશે. તમે નાણાકીય જરૂરિયાતોને પહોંચી વળશો. કૌટુંબિક અને અંગતપણે એમ બંને રીતે ખર્ચ ઉપર કાપ મૂકશો.

કન્યા (પ, ઠ, ણ)
ધંધો કરતા લોકો માટે, કાર્યક્ષેત્રનો પ્રવાસ વિશેષ ફળદાયી નીવડે, કૌટુંબિક સિનિયર સિટીઝન માટે ઋતુગત બીમારીથી સાચવવું. ધાર્યું આર્થિક ફળ મળવામાં વિલંબ જણાય તો કુલદેવીની અથવા લક્ષ્મીની આરાધના ફલદાયક નિવડે. સાથે જ સ્થાવર મિલકતના પ્રશ્નોનું નિરાકરણ આવતું જણાય. આપની મહેનત રંગ લાવતી જણાય તથા લોકોનો સહયોગ સારો મળે, ભૂતકાળના બનાવો માંથી સબક લઈ, જીવવાનો પ્રયત્ન કરવો. પારિવારિક સમસ્યાનું નિરાકરણ જણાય. સાથે આર્થિક મુંઝવણ દૂર થાય.

તુલા (ર, ત)
સારા પરિણામો મેળવવા માટે, લાંબા અંતરની મુસાફરી ટાળવી હિતાવહ લાગે છે, આર્થિક રોકાણમાં વડીલવર્ગની સલાહ મહત્ત્વપૂર્ણ બની રહે. મંગળવારનો દિવસ ધીરજથી પસાર કરવો, ઝગડા અને વિવાદથી બચવું. પ્રયત્નો છોડવા નહીં. અંગત પ્રશ્નોના ગૂંચવાડા દૂર થતા જણાય, આર્થિક બાબતોમાં ઉધારી કરતાં સાચવવું. બુધવારે મનમાં ધારેલું કામ પાર પડતું જણાય તેમજ આર્થિક અનુકૂળતાથી મન પ્રસન્ન રહેશે, ગુરૂવારે સામાજિક સમરસતા જળવાઈ રહે. શુક્રવારે લોકો પ્રત્યે પ્રેમ અને સન્માન રાખશો તો જરૂર સફળતા મેળવી શકશો.

વૃશ્ર્ચિક (ન, ય)
ધંધાના નિર્ણયોમાં વિચારીને આગળ વધવું. સાથે સંશોધન ક્ષેત્રે જોડાયેલા વ્યક્તિને વિશેષ તક મળતી જણાય. નજીકના લોકો તથા વેપારી મિત્રો સાથે, કળથી કામ લેવું. મિત્રો કે પ્રિયજન પાસેથી સારા સમાચાર મળી શકે. ધંધામાં મનમાં ઘડેલી યોજનાઓને અમલમાં મૂકી શકાશે. શરદી કે તાવ આવે તો પ્રવાસ ટાળવા, કારણ કે તમારા માટે, આગામી ઋતુગત બીમારીથી સચેત રહેવું જરૂરી છે. કૌટુંબિક માંગલિક કાર્યો આગળ વધે. મંગળવારે તમારા પર અથવા પરિવાર પર, નાણાકીય જવાબદારીઓ વધતી જણાય, ગુરૂવારે ધાર્મિક કાર્ય માટે સમય સારો છે.

ધનુ (ભ, ધ, ઢ, ફ)
આર્થિક રીતે આગળ વધવા નવા માર્ગો મળતા જણાય. નજીકના મિત્રો અને સગા સંબંધીઓ સાથે ગેરસમજ કે મનદુ:ખ ટાળવા, તમારો, સકારાત્મક દ્રષ્ટિકોણ આપને સફળતા અપાવે અને રાજકીય ક્ષેત્રમાં સંભવિત કાર્યકર્તા બનાવે, પરંતુ આ નિર્ણયમાં સાવધ રહેવું હિતાવહ છે. નવા ધંધા માટે તેમજ શેર બજારમાં, ધીરજનાં ફળ મીઠાં એ ધ્યાનમાં રાખીને આગળ વધવું, વિદ્યાર્થીઓ માટે, મહેનત રંગ લાવતી જણાય રહી છે. સાથે જ મનના વિચારોને કાબુમાં રાખવા જોઈએ. મહત્ત્વના કાર્યમાં ધીરજથી કામ લેવું. આગળ વધવા માટે કુળદેવીની ઉપાસના કરવી.

મકર (ખ, જ)
રવિવારે મધ્યાહન બાદ કોઈ સારાસમાચાર આપને માનસિક શાંતિ આપે. કોઈ વખતે મનમાં સામાન્ય ઉચ્ચાટ જણાય પરંતુ શનિવારે હનુમાનજી મંદિરે દર્શન કરવાથી ઠીક થઈ જશે. તમારા વારસાગત સંપત્તિના પ્રશ્નોનું નિરાકરણ આવતું જણાય છે. નોકરિયાત વર્ગને કાર્યક્ષેત્રમાં બઢતી સંભવ. આ માટે ઉપરી અધિકારી પાસે, પોતાના મનની વાત મૂકવામાં સંકોચ ના કરવો. ખોટા અને વધુપડતા ખર્ચ પર કાબૂ રાખવો, આર્થિક રોકાણમાં કોઈ નિર્ણય લેતાં પહેલાં અનુભવીની સલાહ હિતાવહ રહેશે. સાથે સામાજિક કાર્યોમાં સોમવારનો દિવસ પરોવાયેલો જણાય

કુંભ (ગ, શ, સ)
સપ્તાહે, કમાણી માટે વધુ ચિંતા અને દોડધામ કરતાં, સ્વાસ્થ્ય ની કાળજી રાખવી જરૂરી લાગે છે. વેપાર કે નોકરી માટે પ્રવાસનું આયોજન કરવાથી આર્થિકક્ષેત્રમાં નવીન તક જણાય છે. વેપારીઓ માટે પોતાના કાર્યક્ષેત્રમાં પ્રતિસ્પર્ધાથી દૂર રહેવું. મિત્રોની મદદથી કાર્ય અંગે સાનુકૂળતા જણાય અને નવા વિચારેલા કાર્ય પૂર્ણ થતા જણાય છે. સંવેદનશીલ નિર્ણયો વિચારીને લેવા હિતાવહ તથા પ્રોપર્ટીના પ્રશ્નોનું સકારાત્મક પરિણામ જણાય, કાર્યક્ષેત્રમાં પ્રગતિ જણાય. અંગત સંબંધોમાં મધુરતા જળવાઈ રહે સાથે જ વ્યવહાર કુશળતાથી ધારેલું પરિણામ મળે

મીન (દ, ચ, ઝ, થ)
આર્થિક કાર્યક્ષેત્રમાં પરિસ્થિતિ સુધરતી જણાય, તમારી મહેનતનું મધુર પરિણામ આવતું જણાય. આ સપ્તાહે, શેરબજારમાં નવા રોકાણકાર્યમાં કાળજીપૂર્વક આગળ વધવું અને વાણી વિચારીને વાપરવી, લગ્નજીવનમાં આનંદ અનુભવાય. બુધવારે પારિવારિક મતભેદ ટાળવા, શુક્રવારે મિત્રો અને સંબંધીઓના સંબંધો તાજા થાય. નોકરિયાત વર્ગને કાર્યક્ષેત્રમાં બઢતી-બદલી સંભવ. પારિવારિક કલેશ ટાળવો જરૂરી છે. સાથે જ પરિવારનું ઉલ્લાસમય વાતાવરણ હશે તો આપની માનસિક શાંતિ બમણી કરશે.