જૂનાગઢનાં ઇતિહાસમાં પ્રથમ વખત 233.78 ગ્રામ ડ્રગ્સ પકડાયું
સુરતનાં શખ્સ પાસેથી ડ્રગ્સ મંગાવી જૂનાગઢમાં છૂટક વેંચતો હતો
- Advertisement -
ખાસ-ખબર સંવાદદાતા
ગડુ નજીકથી ડ્રગ્સ સાથે એક શખ્સ પડકાયા બાદ જૂનાગઢ પોલીસ સર્તક થઇ ગઇ હતી. જૂનાગઢમાં ડ્રગ્સનાં દુષણને ડામમાં પોલીસ સજ્જ બની હતી.તયારે જૂનાગઢનાં રામદેવપરા વિસ્તારમાં એક શખ્સ પાસે ડ્રગ્સનો જથ્થો હોવાની બાતમી એલસીબીને મળી હતી.જેના પગલે એલસીબીને વોંચ ગોઠવી હતી અને અહીં રહેતા એક શખ્સે 233.78 ગ્રામ મેફેડ્રોન ડ્રગ્સ કિંમત રૂપિયા 2337800 સાથે ઝડપી લીધો હતો. જૂનાગઢનાં ઇતિહાસમાં પ્રથમ વખત આટલા પ્રમાણમાં ડ્રગ્સ મળ્યું હતું. જૂનાગઢમાંથી ડ્રગ્સ પકડાતા પોલીસ વધુ સજાગ થઇ છે. અને ડ્રગ્સનાં દુષણને ડામમાં પ્રયાસ શરૂ કર્યાં છે.
તાજેતરમાં જ જિલ્લાના ગડુ ગામ પાસેથી એસઓજીની ટીમે ડ્રગ્સના જથ્થા સાથે હેરાફેરી કરતા એક શખ્સને ઝડપી લીઘો હતો. ત્યારબાદ જૂનાગઢ જિલ્લામાં ડ્રગ્સનું દુષણ વઘી રહ્યું હોવાની શરૂ થયેલ ચર્ચાઓ વચ્ચે પોલીસ પણ સર્તક બની હતી. આ દૂષણને ડામી દેવા જિલ્લા પોલીસવડા રવિતેજા વાસમશેટ્ટીએ બ્રાંચોને વિશેષ પેટ્રોલીંગ સાથે વોચ રાખવા ખાસ સૂચના આપી હતી. દરમિયાન આજે એલસીબીના પીએસઆઇ ડી.જી.બડવા તથા સ્ટાફના દિપકભાઇ બડવા, ભરતભાઇ ઓડેદરાને બાતમી મળેલ કે જૂનાગઢમાં રામદેવપરા (કસ્તુરબા સોસાયટી)માં રહેતો હરેશ ભુપતભાઇ વદર ના રહેણાંક મકાનમાં મોડીરાત્રીના ડ્રગ્સના જથ્થાનું ડિલીંગ થવાનું છે. જે હકીકતના આધારે એલસીબીના પીઆઇ એચ.આઇ. ભાટીની સુચનાથી રામદેપરા (કસ્તુરબા સોસાયટી ) શેરી નં.4 ના નાકે અલગ-અલગ ટીમો બનાવી વોચ તૈનાત કરી હતી.દરમ્યાન મોડીરાત્રીના બાતમીવાળા મકાને એક કાર આવતા તેમાંથી નીચે ઉત્તરેલ શખ્સને સ્ટાફએ ઝડપી લઇ તલાસી લેતા તેના પેન્ટના ખીસ્સામાંથી એક પ્લાસ્ટીકની પારદર્શક કોથળીમાં મેલા સફેદ રંગનો ક્રિસ્ટલ સ્વરૂપનો પાવડર પદાર્થ મળી આવેલ હતો. જેથી એફએસએલ અધિકારીને સ્થળ પર બોલાવી પરીક્ષણ કરાવતા મળી આવેલ મેલા સફેદ રંગનો ક્રિસ્ટલ સ્વરૂપનો પાવડર પદાર્થ મેફેડ્રોન ડ્રગ્સ હોવાનું જણાયેલ હતુ.
- Advertisement -
યુવાન પાસેથી મળી આવેલ 233.78 ગ્રામ મેફેડ્રોન ડ્રગ્સ (કિ.રૂ.23,37,800) નો જેથી તપાસ અર્થે કબ્જે કરી કારની તલાસી શરૂ કરતા તેમાંથી રૂ.49,800 રોકડા, મોબાઇલ કિ.રૂ.70 હજાર, કાર કિ.રૂ.4 લાખ તથા વજનકાંટા સહિતનો કુલ રૂ.28.57 લાખનો મુદામાલ મળી આવતા જપ્ત કર્યો હતા. બાદમાં એલસીબીએ પકડેલ આરોપીનું નામ હરેશ ભુપતભાઇ વાદર હાલ રહે.દોલતપરા, કસ્તુરબા સોસાયટી-જૂનાગઢ તથા મળુ રહે.ઝાંઝરડા ગામ, ઘંધુસર તા.વંથલીવાળાને જપ્ત મુદામાલ સાથે એ ડીવીઝન પોલીસને સોપી એન.ડી.પી.એસ. એકટ હેઠળ ગુનો નોંઘાવેલ હતો.જૂનાગઢ ઇતિહાસમાં સૌથી મોટી માત્રામાં ડ્રગ્સ ઝડપી લેવાના સફળ ઓપરેશનમાં એલસીબીના અઘિકારીઓ ઉપરાંત સ્ટાફના વી.એન.બડવા, નિકલ પટેલ, એસ.એ.બેલીમ, જીતેષ મારૂ, દિપક બડવા, ભરત ઓડેદરા, મયુર કોડીયાતર, દિવ્યેશ ડાભી, વરજાંગભાઇ બોરીચા સહિતનાએ ફરજ બજાવી હતી.
જૂનાગઢનાં શખ્સે સુરતથી ડ્રગ્સ મંગાવ્યું હતું
જૂનાગઢનાં હરેશે સુરતનાં સત્યેન્દ્ર ઉર્ફે અજય જાંટ પાસેથી મંગાવ્યો હતો. તેમજ સુરતનાં શખ્સે ડ્રગ્સનાં રૂપિયા મોબાઇલથી ચુકવ્યાં હતાં. સુરતનાં શખ્સને ઝડપી લેવા પોલીસે તપાસ હાથ ધરી છે.
જૂનાગઢમાં ડ્રગ્સનું છુટક વેંચાણ કરતો
જૂનાગઢનાં શખ્સને પોલીસે ઝડપી લીધો છે. તેની પાસેથી ડ્રગ્સનો જથ્થો મળી આવ્યો છે. આ શખ્સને પોલીસને પુછતા તે જૂનાગઢમાં ડ્રગ્સ છુટકમાં વેંચાણ કરતો હોવાનું બહાર આવ્યું છે.
