રમતનાં મેદાનમાં રાસની રમઝટ : 15 હજાર ખેલૈયાઓ એક જ ગ્રાઉન્ડ પર ગરબાના તાલે ઝૂમશે

રાજકોટમા સતત 11મા વર્ષે SP Club અને Rajkot Update News દ્વારા વન ડે વેલકમ નવરાત્રીનું ભવ્ય આયોજન

8 ઓક્ટોબરે રેસકોર્સનું માધવરાવ સિંધિયા ક્રિકેટ ગ્રાઉન્ડ બનશે ગરબાનું મેદાન

માર્ગી પટેલના સૂર અને દર્પણા પંડિતની એન્કરિંગ રહેશે ખાસ આકર્ષણ

લક્કી ફાઉન્ડેશનના સથવારે ઝૂંપડપટ્ટીના બાળકો વેલકમ નવરાત્રીમાં ગરબે ઘૂમશે, બધા બાળકોને સ્યોર ગિફ્ટ આપવામાં આવશે

આ આયોજનમાં જે પણ આવક થાય તેને ગૌશાળામાં આપવામાં આવશે

રાજકોટમાં નવરાત્રીના રંગને વધુ ભવ્ય બનાવવા માટે સતત 11મા વર્ષે SP Club અને Rajkot Update News દ્વારા ‘વન ડે વેલકમ નવરાત્રી’નું ભવ્ય આયોજન કરવામાં આવ્યું છે. કાલે 8 ઓક્ટોબર, ગુરુવારના રોજ સાંજે 7:30 કલાકે રેસકોર્સ ખાતે આવેલા માધવરાવ સિંધિયા ક્રિકેટ ગ્રાઉન્ડ ખાતે આ ભવ્ય કાર્યક્રમ યોજાશે.

કાર્યક્રમમાં સુપ્રસિદ્ધ ગાયક કલાકાર માર્ગી પટેલ પોતાના સૂરથી ખેલૈયાઓને ગરબાના રંગમાં રંગશે, જ્યારે જાણીતી એન્કર દર્પણા પંડિત સમગ્ર કાર્યક્રમનું સંચાલન કરશે. આયોજકો દ્વારા કાર્યક્રમને આકર્ષક બનાવવા માટે અદ્યતન લાઈટીંગ ડેકોરેશન, આકર્ષક મંડપ સહિતની વિશેષ તૈયારીઓ કરવામાં આવી છે. આ વન ડે નવરાત્રી મહોત્સવમાં રાજકોટના પ્રિન્સ-પ્રિન્સેસ તેમજ ગરબા કિંગ અને ક્વીન સહિત અંદાજે 15 હજાર ખેલૈયાઓ એક જ ગ્રાઉન્ડ પર ગરબાના તાલે ઝૂમી ઉઠશે. નવરાત્રીની પરંપરાગત ઉજવણી સાથે આધુનિક આયોજનનો સંગમ જોવા મળશે. મોટી સંખ્યામાં લોકોની ઉપસ્થિતિને ધ્યાનમાં રાખીને આયોજકો દ્વારા બાઉન્સરો મારફતે ખાસ સુરક્ષા વ્યવસ્થા ગોઠવવામાં આવી છે. સાથે જ સમગ્ર કાર્યક્રમમાં પરિવાર સાથે લોકો નવરાત્રીનો આનંદ માણી શકે તેવો પારિવારિક માહોલ જાળવવાનો પ્રયાસ હાથ ધરવામાં આવ્યો છે. ગરબા રમતા ખેલૈયાઓમાં ઉત્સાહ વધારવા માટે વિવિધ કેટેગરીમાં વિજેતા ખેલાડીઓ માટે લાખેણા ઈનામોની વણજાર રાખવામાં આવી છે. જેના કારણે ગરબાપ્રેમીઓમાં પણ કાર્યક્રમને લઈને ઉત્સાહ જોવા મળી રહ્યો છે. આમ, રાજકોટમાં નવરાત્રીના પ્રારંભ પૂર્વે જ 11મા વર્ષે યોજાનાર ‘વન ડે વેલકમ નવરાત્રી’માં સંગીત, ગરબા, રોશની, સુરક્ષા અને ઈનામોનો સંગમ જોવા મળશે અને 15 હજાર ખેલૈયાઓની હાજરીમાં રેસકોર્સનું મેદાન ગરબાના રંગે રંગાઈ જશે.

આ વન ડે નવરાત્રી મહોત્સવને સફળ બનાવવા માટે રાજકોટ દિવ્ય ભાસ્કરના પ્રકાશભાઈ રાવરાણી, ખાસ-ખબર ન્યૂઝના જયેશભાઇ રાવરાણી, કેતનભાઈ લખતરિયા, રણજિતસિંહ રાઠોડ, ઓમ પટેલ, કેવલ રાઠોડ, વિક્રમ વાંક, સુરૂભા જાડેજા, હેમેન્દ્રસિંહ જાડેજા, જય બોરીચા, નરેન્દ્રસિંહ જાડેજા અને કાર્તિક બારડ સહિતના જહેમત ઉઠાવી રહ્યા છે. આયોજકોની ટીમ દ્વારા કાર્યક્રમના આયોજન, વ્યવસ્થાપન અને સંકલન સહિતની જવાબદારીઓમાં આ તમામ આયોજકો મહત્વની ભૂમિકા ભજવશે. આ નવરાત્રી મહોત્સવના સહઆયોજકોમાં પંકજ સખીયા, આશિષ ચૌહાણ, રૂચિત આશર, અશ્વિન ભુવા, વિપુલ રાઠોડ, રવિ સોજિયા, જયેશ સાટીયા, સાવન ચૌહાણ, રવિરાજસિંહ જાડેજા, હિરેન અકબરી, દિવ્યરાજ ભટ્ટી, તુષાર રાવરાણી, ઉપેન્દ્રસિંહ જાડેજા, કર્મરાજસિંહ પરમાર, મહર્ષિ રાજગુરુ, દર્શીત ફીચડિયા, પ્રદીપસિંહ સોલંકી, જયદીપ મેગડ, જયદીપ બોરીયા, દિવ્યરાજ જેબલિયા, જીત ભટ્ટી, આશિષ લખતરિયા, ગોપાલ રાવરાણી અને ધવલ પરમારનો સહયોગ મળી રહ્યો છે.

વન ડે નવરાત્રી મહોત્સવનું LIVE સ્ટ્રીમિંગ
વન ડે નવરાત્રી મહોત્સવનો ઉત્સાહ માત્ર સ્થળ પર ઉપસ્થિત લોકો પૂરતો સીમિત નહીં રહે. મહોત્સવનું જીવંત પ્રસારણ ચાર ન્યૂઝ પ્લેટફોર્મ પર કરવામાં આવશે. જેમાં Rajkot Updates News, City News, ગુજરાત ન્યૂઝ અને અબતક (ABTak) Channel પર જોવા મળશે. આથી રાજકોટ સહિત દેશ-વિદેશમાં બેઠેલા લોકો પણ વન ડે નવરાત્રી મહોત્સવની લાઈવ ઝલક નિહાળી શકશે.