રામમંદિર દાનચોરીની ઘટના 70 CCTVમાં કેદ

ગણતરી કરનાર ખિસ્સા-બૂટમાં નોટોના બંડલ સંતાડતાં દેખાયા, SITના રિપોર્ટમાં ખૂલી અનિલ મિશ્રાની બેદરકારી

6 આરોપીઓ સીધા ચોરીમાં સામેલ હતાઃ રિપોર્ટમાં ખુલાસો

અવિનાશ પાસેથી 20.39 લાખ રોકડા, 1121 ડોલર અને કાર મળી

ખાસ-ખબર ન્યૂઝ નવી દિલ્હી

અયોધ્યાના રામમંદિરના દાનની ચોરીના કેસમાં ટ્રસ્ટની બેઠક અને ચંપત રાય-અનિલ મિશ્રાના રાજીનામા પછી સોમવારે રાત્રે લગભગ ૯ વાગ્યે સ્પેશિયલ ઇન્વેસ્ટિગેશન ટીમ (SIT)નો પ્રાથમિક અહેવાલ પણ સામે આવ્યો. આ રિપોર્ટ મુજબ ૨૭ એપ્રિલથી ૫ જૂન વચ્ચે CCTVમાં લગભગ ૫૦ શંકાસ્પદ ઘટનાઓ કેદ થઈ. ફૂટેજમાં પોલીસની પકડમાં આવેલા ૮ આરોપીઓ નોટોના બંડલ ખિસ્સા અને જૂતામાં છુપાવતા જોવા મળ્યા. SITએ ડો. અનિલ મિશ્રા પર પણ ગંભીર આરોપો લગાવ્યા છે. SITએ કહ્યું કે અગાઉથી બનાવેલી તલાશીની સિસ્ટમમાં રહેલી ખામીઓ (લૂપહોલ્સ) માટે અનિલ મિશ્રા જ જવાબદાર છે.

ચંપત રાયનો ડ્રાઈવર ટિશ કોઈ પણ આદેશ વિના ગણતરીવાળા રૂમની ચાવી પોતાની પાસે રાખતો હતો. એટલું જ નહીં તેણે ભલામણ કરીને પોતાના ભત્રીજા મનીષ યાદવને દાનની ગણતરીના કામમાં લગાવ્યો હતો. રામમંદિરના દાનની ચોરીની તપાસ માટે યુપી સરકારે SIT બનાવી હતી. ટીમે ૨૩ જૂને પોતાનો પ્રારંભિક અહેવાલ સરકારને સુપરત કર્યો હતો. અનુસાર, અવિનાશ શુક્લા, અનુકલ્પ મિશ્રા, લવકુશ મિશ્રા, મનીષ કુમાર યાદવ, કરસ્ટ્રોશ પાંડેય અને રમાશંકર મિશ્રા પ્રથમ દ્રષ્ટિએ જ સંડોવાયેલા જણાયા હતા. સીસીટીવી ફૂટેજ, જસી અને બેંક ખાતાઓની તપાસમાં તેમની વિરુદ્ધ પૂરતા પુરાવા મળ્યા છે. રિપોર્ટમાં આ બધા વિરુદ્ધ ચોરી, ગુનાહિત વિશ્વાસભંગ, ગુનાહિત દુરુપયોગ, ચોરીની મિલકત રાખવા, ષડયંત્ર સહિતની અનેક કલમો હેઠળ કેસ દાખલ કરવાની ભલામણ કરવામાં આવી છે. SITના રિપોર્ટના આધારે જ ટ્રસ્ટી કૃષ્ણ મોહને કેસ દાખલ કરાવ્યો હતો. બાદમાં આરોપીઓની ધરપકડ કરવામાં આવી. હવે બધા જેલમાં છે.

પોલીસ સૂત્રો અનુસાર, એક આરોપી અવિનાશે આ વાત કબૂલી છે કે તેણે પોતાના મિત્રો અને પરિવારના સભ્યો પર ૧૯ લાખ રૂપિયા ખર્ચ કર્યા. તેણે એક ભાઈના લગ્નની ઉજવણી માટે લગભગ 9 લાખ ખર્ચ કર્યા. બીજા ભાઈને ૫ લાખ આપ્યા. ૩.૫ લાખની કાર પણ ખરીદી, અવિનાશે એક મિત્રને લગભગ ૨.૫ લાખ રૂપિયા ટ્રાન્સફર કર્યા અને તે જ વ્યક્તિને એક મોંઘો મોબાઈલ ફોન પણ ભેટમાં આપ્યો. ભાઈ અભિષેક શુક્લાના નામે ૨૦૨૪માં ખરીદવામાં આવેલી જમીનની તપાસ કરી રહ્યા છે. પૈસાની વસૂલાત માટે કાનૂની કાર્યવાહી શરૂ કરી દેવામાં આવી છે. શુક્લા પાસેથી અત્યાર સુધીમાં કુલ ૨૦.૩૯ લાખ રોકડા, ૧૧૨૧ અમેરિકી ડોલર, સોનાના દાગીના, ચાંદીના આભૂષણો પણ મળ્યા છે.

પગાર 20 હજાર, બેંક ખાતાઓમાં લાખો રૂપિયા જમા
તપાસમાં આરોપીઓ અને તેમના પરિવારજનોના બેંક ખાતાઓની પણ તપાસ કરવામાં આવી. એસઆઈટી અનુસાર, આ કર્મચારીઓનો માસિક પગાર આશરે ૨૦ હજાર રૂપિયા હતો. પરંતુ તેમના ખાતાઓમાં મોટી માત્રામાં રોકડ જમા, એફડી, અન્ય લેણદેણ મળ્યા, જે તેમની જાહેર કરેલી આવક સાથે મેળ ખાતા નથી. રિપોર્ટમાં આશંકા વ્યક્ત કરવામાં આવી છે કે ચોરીની રકમ બેંક ખાતાઓ અને સંપત્તિઓમાં ખપાવવામાં આવી હોઈ શકે છે. આની પણ વિસ્તૃત તપાસની ભલામણ કરવામાં આવી છે.