વ્હાઈટ હાઉસ-તહેરાનની સંયુક્ત જાહેરાત: ઈરાનની 10 મુદ્દાની ફોર્મ્યુલા પર હવે શુક્રવારથી પાકિસ્તાનમાં વાટાઘાટો
ઈરાન હોર્મુઝ જળમાર્ગ ખોલવા સહમત થતાં જ ટ્રમ્પે હુમલા બંધ કરવા અમેરિકી દળોને આદેશ આપ્યો
- Advertisement -
ઈઝરાયેલ પણ સહમત: જો કે લેબનોનમાં હુમલા ચાલુ રહેશે: હોર્મુઝમાં ટોલ ટેક્ષ લેવાની ઈરાનની જાહેરાત
ખાસ-ખબર ન્યૂઝ નવી દિલ્હી
‘સદીઓ જૂની એક સભ્યતાને ખતમ કરીશું’ અમેરિકાના પ્રમુખ ડોનાલ્ડ ટ્રમ્પ એ ઈરાનને સમજુતી માટે આવેલા અલ્ટીમેટમના 2 કલાક પુર્વે જ નાટયાત્મક દ્રશ્ર્યો બાદ અમેરિકા અને ઈરાને બે સપ્તાહ માટે યુદ્ધ વિરામની જાહેરાત કરતા સમગ્ર વિશ્ર્વનાં શ્ર્વાસ હેઠે બેઠો હતો.
પ્રમુખ ડોનાલ્ડ ટ્રમ્પે જાહેર કર્યુ કે ઈરાન હોર્મુઝ જળમાર્ગ ખોલવા સંમત થઈ ગયુ છે અને તે પુરેપુરો અને સુરક્ષિત રીતે ખોલશે તથા બન્ને દેશો વચ્ચે ઈરાને પાઠવેલી 10 મુદાની સમજુતીમાં હકારાત્મક વલણ બન્યુ છે. તેથી એ અમેરિકી દળોને તાત્કાલીક રીતે ઈરાન પર હુમલા બંધ કરી દેવા આદેશ આપ્યા છે. પ્રમુખ ટ્રમ્પના આ વિધાનને સમાંતર ઈરાન જાહેર કરશે. જો અમારા પરના હુમલા બંધ થશે તો અમો હોર્મુઝ જળમાર્ગ બે સપ્તાહ સુધી ખોલવા સંમત છીએ. ઈરાનના વિદેશમંત્રી અબ્બાસ અરાઘચીએ તેના દેશની આ જાહેરાતને શરતી યુદ્ધ વિરામ ગણાવ્યુ હતું તો ઈરાની સ્ટેટ મિડીયાએ દાવો કર્યો કે અમેરિકાએ પીછેહઠ કરી છે.
40 દિવસ ચાલેલા આ યુદ્ધમાં જો કે ઈઝરાયેલની સંમતિ અંગે પ્રશ્ર્ન છે. અમેરિકાએ દાવો કર્યો છે કે, ઈઝરાયેલ પણ હુમલા રોકવા સંમત છે. જો કે ઈઝરાયેલે ફકત ઈરાન પર હુમલા નહી કરે પણ લેબનાનમાં હીઝબુલ્લાને નિશાન બનાવવાનુ ચાલુ રાખશે તેવી જાહેરાત કરી છે. બે સપ્તાહમાં ઈરાન હોર્મુજ જળમાર્ગમાંથી પસાર થતા જહાજો પાસેથી ટોલટેક્ષ ઉઘરાવવાનું ચાલુ રાખશે અને ઈરાને જાહેર કર્યુ છે કે અમારા સૈન્ય સાથે ‘તાલમેલ’ કરીને જહાજો અહીથી પસાર થઈ શકશે.
જો કે અમેરિકાએ તેના નિવેદનમાં આ ટોલટેક્ષનો કોઈ ઉલ્લેખ કર્યો નથી. પ્રમુખ ટ્રમ્પે આ યુદ્ધ વિરામને બતરફી એટલે કે બન્ને પક્ષ તેમાં સંમત છે તેવો દાવો કર્યો છે. ટ્રમ્પે દાવો કર્યો કે ઈરાન તરફથી જે 10 મુદાની ફોર્મ્યુલા આપવામાં આવી છે તેના પર સહમતી બની શકે છે અને હોર્મુઝ જળમાર્ગ ખુલ્યા બાદ જે યુદ્ધવિરામ શરૂ થશે. બન્ને દેશો વચ્ચે હવે શુક્રવારે પાકિસ્તાનના પાટનગર ઈસ્લામાબાદમાં આગળની વાટાઘાટો થશે અને તેમાં અમેરિકાના વાઈસ પ્રેસીડેન્ટ જે.ડી.વાન્સ અમેરિકી પ્રતિનિધિનું નેતૃત્વ કરશે.
આ અગાઉ પ્રમુખ ડોનાલ્ડ ટ્રમ્પે અમેરિકી સમય મુજબ મંગળવારે રાત્રીના 8 વાગ્યા સુધીમાં હોર્મુઝ જળમાર્ગ ખોલવાનું અલ્ટીમેટમ આપી નહીતર ઈરાનના વિજ- અણુ મથકો પુલ- પાણી પ્લાંટ સહિતના મથકો ઉડાવી દેવાશે અને ફકત ચાર કલાકમાં જ ઈરાની સભ્યતાનો અંત આવશે તેવી ગંભીર ચેતવણી આપી હતી. આપતા જ ટ્રમ્પ અણુબોમ્બ ફેકશે ત્યાં સુધીની અટકળો થઈ હતી પણ બેક-ચેનલ ડિપ્લોમસી જે પાકિસ્તાન મારફત ચાલતી હતી તેમાં આ યુદ્ધ વિરામ શકય બન્યુ હતું.
