જામનગરની ખીલજી અને ખફી 2 ગૅંગના 29 વિરુદ્ધ ગુજસીટોકના બે ગુના નોંધાયા

હત્યા, હત્યાની કોશિષ, દુષ્કર્મ, લેન્ડ ગ્રેબિંગ, ગઉઙજ, ફાયરિંગ, ધાડ સહિતના ગુનાઓમાં સંડોવણી

અસલમ ખીલજીની ગેંગ સામે 46 અને અલ્તાફ ખફી સામે 52 ગંભીર ગુનાઓ નોંધાયા છે

ખાસ-ખબર ન્યૂઝ રાજકોટ

જામનગર શહેરમાં વર્ષોથી ભય અને આતંક ફેલાવતી બે કુખ્યાત ટોળકીઓ વિરૂદ્ધ પોલીસે કડક હાથે કાર્યવાહી શરૂ કરી છે. પોલીસે બાતમી અને ટેકનિકલ સર્વેલન્સના આધારે આ ઓપરેશન પાર પાડ્યું છે.
આ બંને ગેંગ ખૂન, બળાત્કાર, લેન્ડ ગ્રેબિંગ અને ડ્રગ્સ જેવા ગંભીર ગુનાઓમાં સંડોવાયેલી છે અસલમ ખીલજીની ગેંગ સામે 46 અને અલ્તાફ ખફી સામે 52 જેટલા હત્યા, હત્યાની કોશિષ, દુષ્કર્મ, લેન્ડ ગ્રેબિંગ, એનડીપીએસ, ફાયરિંગ, ધાડ સહિતના ગંભીર ગુનાઓ નોંધાયા છે.
રાજકોટ રેન્જ આઇજી નિર્લિપ્ત રાય દ્વારા રેન્જમાં સંગઠિત ટોળકી રચી ગુનાઓ આચરતી ગેંગ સામે ગુજસીટોક હેઠળ ગુનો નોંધી કડક કાર્યવાહી કરવાની સૂચના અન્વયે જામનગર એસપી રવિ મોહન સૈનીના માર્ગદર્શન હેઠળ ડીવાયએસપી જયવીરસિંહ ઝાલા તેમજ એલ.સી.બી પીઆઇ વી.બી.ચૌધરી, પીએસઆઈ એમ.વી ભાટીયા, એસ.ઓ.જી પીઆઇ બી.એન.ચૌધરી, તથા જામનગર સીટી એ ડીવીઝન પીઆઇ વી.એમ.ડોડીયા, તથા એલ.સી.બી./એસ.ઓ.જી. પેરોલ ફર્લો સહિતની ખાસ ટીમ દ્વારા આ બંને ગેંગ સામે ૠઞઉંઈઝઘઈની કલમ 3(1)(શશ), 3(2), 3(4) તથા 3(5) મુજબ ફરિયાદ નોંધાવવામાં આવી છે જામનગર જીલ્લામા અસલમ કરીમ ખીલજી તથા અલ્તાફ ગફાર ખફી બન્ને અલગ અલગ સંગઠીત ગુના આચરતી ટોળકી બનાવી ખૂન, ખૂનની કોશિષ, બળાત્કાર, આર્મસ એકટ, લેન્ડગ્રેબીંગ, જાનથી મારી નાખવાની ધમકી, ધાડ પાડવાની તૈયારી, ફાયરીંગ, એટ્રોસીટી, ઘરફોડ ચોરી, પ્રોહીબીશન, જુગારધારા, નાર્કોટીકસ, હથિયાર બંધી જાહેરનામા ભંગ, હેઠળ કેફી પદાર્થ વેચાણ, જાહેરમા મારામારીના ગુનાઓ આચરી સામાન્ય નાગરીકોમા ભય પેદા કરી, પોતાની ટોળકીની ગુનાહિત પ્રવ્રુતિ પ્રત્યેક્ષ કે પરોક્ષ ગેંગના સભ્ય તરીકે ચાલુ રાખેલ હોય, જેમાં આજદીન સુધીમાં અસલમ ગેંગના સભ્યો વિરૂધ્ધ કુલ -46 તથા અલ્તાફ ગેંગના સભ્યો વિરૂધ્ધ કુલ-52 ગુના અલગ અલગ પોલીસ સ્ટેશનમાં રજીસ્ટર થયેલા છે.

કોર્પોરેટર અસલમ ખીલજીના પકડાયેલા 13 અને ફરાર 5 આરોપીના નામ

અસલમ ખીલજી, શાકીર ખીલજી, આસીફ ખીલજી, રેહાન બેલીમ, સદામ ઉર્ફે ઇન્ડો શેખ, અકીલ શેખ, અસગરઅલી મકવાણા, આફતાબ ઉર્ફે અપુ મકવાણા, મહમદ ઉર્ફે મમલો પંજા, રઉફ ઉર્ફે ભુરો બેલીમ, મકસુદ ઉર્ફે પવન પંજા, એઝાઝ ઉર્ફે ગોકુલ કુરેશી અને હસન હારૂન બસરની પોલીસે ધરપકડ કરી છે જયારે ગની પટેલ બશર, અસલમ કાદર શેખ, ઇસ્માઇલ ઉર્ફે ધરાર માંડલીયા, નદીમ ખીલજી અને લતીફ ઉર્ફ લતીફ બાપુ શેખ ફરાર હોય તેની શોધખોળ હાથ ધરી છે.

અલ્તાફ ખફીના પકડાયેલા 11 અને ફરાર 2 આરોપીઓ

અલ્તાફ ખફી, સમીર ચૌહાણ, જુનેદ ઉર્ફે જુનીયો ચૌહાણ, ઈસ્તીયાક કુરેશી, મોસીન ઉર્ફે પચાસીયા રૂમી, તોહિતખાન ઉર્ફે પપ્પુ શેખ, તબરેજ હાલાણી અને હમીદ ઉર્ફે રાંજો બ્લોચ, સાહીદ ઇમ્તિયાઝ ખફીની પોલીસે ધરપકડ કરી છે જયારે અબુસુફીયાન કુરેશી અને ઓસમાણ મુસા ખફીની શોધખોળ હાથ ધરી છે.

ગુજસીટોક હેઠળની જોગવાઈઓ

1 : આરોપીઓને જામીન મળવા અત્યંત મુશ્કેલ બને છે.
2 : ગુનાહિત પ્રવૃત્તિ દ્વારા મેળવેલી મિલકતો ટાંચમાં લેવાની (જપ્ત કરવાની) સત્તા પોલીસને મળે છે.
3 : તપાસ દરમિયાન મેળવેલા પુરાવાઓ કોર્ટમાં વધુ મજબૂત ગણાય છે.