એપલે પોતાના લેપટોપ પોર્ટફોલિયોમાં વધુ એક વધારો કર્યો છે. એપલ દ્વારા ભારતમાં સૌથી સસ્તુ લેપટોપ MacBook Neo લોન્ચ કર્યું છે. નવું એન્ટ્રી-લેવલ MacBook 256GB મોડલ માટે યુઝરે ₹69,900 રૂપિયા ચૂકવવા પડશે અને એમાં એપલના A18 Pro ચિપનો સમાવેશ કરવામાં આવ્યો છે. એપલ કહે છે કે આ ડિવાઇસ પાવરફુલ MacBook અને iPad વચ્ચેનો અનુભવ આપે છે. MacBook Neo ચાર રંગોમાં ઉપલબ્ધ છે જે Silver, Blush, Citrus અને Indigo છે.
શું છે કિંમત?
- Advertisement -
MacBook Neoને MacBook Air અને Pro મોડલ તેમજ iPad વચ્ચેનું વિકલ્પ તરીકે રજૂ કરવામાં આવ્યું છે. 8GB/256GB વર્ઝનની કિંમત ₹69,900 છે, જ્યારે 512GB વેરિયન્ટ ₹79,900 માં મળશે. બંને મોડલ સાથે Magic Keyboard આપવામાં આવે છે, પરંતુ Touch ID ફક્ત 512GB મોડલમાં જોવા મળશે. પ્રી-ઓર્ડર શરૂ થઈ ગયા છે અને ડિવાઇસ 11 માર્ચથી વેચાણ માટે માર્કેટમાં આવી જશે.
MacBook Neoમાં મજબૂત રિસાયકલ્ડ એલ્યુમિનિયમ બોડી આપવામાં આવી છે, જેમાં 60% રિસાયકલ્ડ સામગ્રીનો ઉપયોગ કરવામાં આવ્યો છે. અત્યાર સુધીના કોઈપણ Apple પ્રોડક્ટમાં રિસાયકલ કરવામાં આવેલી સૌથી વધુ ટકાવારી આ પ્રોડક્ટમાં છે. તેમાં 13-ઇંચનું Liquid Retina ડિસ્પ્લે આપવામાં આવ્યું છે, જેમાં 500 નિટ્સ બ્રાઇટનેસ મળે છે. આથી કલર વધુ સારી રીતે જોઈ શકાશે અને વિગતો વધુ સ્પષ્ટ દેખાશે. MacBook Neoમાં ઝડપી સાઇન-ઇન અને એપ ડાઉનલોડ માટે Touch ID પણ આપવામાં આવ્યું છે.
ઓડિયો અને કનેક્ટિવિટી
- Advertisement -
MacBook Neoમાં ઇમર્સિવ સાઉન્ડ માટે બે સાઇડ-ફાયરિંગ સ્પીકર્સ આપવામાં આવ્યા છે. તેમાં ડ્યુઅલ માઇક્રોફોન પણ છે, જે કોલ્સ અને રેકોર્ડિંગ દરમિયાન સ્પષ્ટ અને કુદરતી અવાજ માટે તમારી વોઇસને પ્રોસેસ કરે છે. કનેક્ટિવિટી માટે ડિવાઇસમાં બે USB-C પોર્ટ અને 3.5mm હેડફોન જેક આપવામાં આવ્યા છે, જેથી ચાર્જિંગ, ડેટા ટ્રાન્સફર અને એક્સેસરીઝ જોડવી સરળ બને છે.
પરફોર્મન્સ અને બેટરી લાઇફ
MacBook Neoમાં એપલની A18 Pro ચિપનો ઉપયોગ કરવામાં આવ્યો છે. આ ચિપ સૌથી પહેલાં iPhone 16 Proમાં જોવા મળી હતી. આથી ડિવાઇસ રોજિંદા એપ્સ અને AI આધારિત કામોને સરળતાથી સંભાળી શકે છે અને પરફોર્મન્સ તથા એનર્જી કાર્યક્ષમતામાં સંતુલન આપે છે. એપલનો દાવો છે કે આ ડિવાઇસ એક વખત ચાર્જ કર્યા પછી 16 કલાક સુધીની બેટરી લાઇફ આપી શકે છે.
