500 મહિલા સાથે સંબંધ ધરાવતો ક્રિકેટર ટીનો બેસ્ટ

વેસ્ટઈન્ડિઝના જાણીતા ક્રિકેટર ટીનો બેસ્ટની આત્મકથામાં ‘માઇન્ડ ધ વિન્ડોઝ: માય સ્ટોરી’માં ચોંકાવનારા ખુલાસા

ક્રિકેટની દુનિયાનો સૌથી મોટો કેસનોવા, શેન વોર્નથી પણ વધુ ઐયાશ, વિલાસી જિંદગી જીવનારો ટીનો બેસ્ટ ખુદને કેમ ગણાવે છે બ્લેક બ્રાડ પિટ

ખાસ-ખબર ન્યૂઝ નવી દિલ્હી

વેસ્ટઈન્ડિઝની ટીમનો એક સમયે ક્રિકેટ જગતમાં દબદબો હતો. 1970 અને 1990ના દાયકામાં આ ટીમ પાસે શાનદાર ફાસ્ટ બોલરોની સેના હતી. મેલ્કમ માર્શલ, જોએલ ગાર્નર, કર્ટલી એમ્બ્રોઝ, એન્ડી રોબર્ટ્સ જેવા ફાસ્ટ બોલરોનો સામનો કરવો બેટ્સમેન માટે સરળ નહતું. જોકે, ધીમેધીમે વેસ્ટઇન્ડિઝ ક્રિકેટનો ગ્રાફ ઘણો નીચે જતો રહ્યો. ઘણા ફાસ્ટ બોલરો ઉભરી આવ્યા પરંતુ તેમાંથી મોટાભાગના ઇન્ટરનેશનલ લેવલ પર એટલા સફળ ન થઈ શક્યા. ટીનો બેસ્ટ પણ વેસ્ટ ઇન્ડિઝના એ ફાસ્ટ બોલરોમાં સામેલ હતો જેમનું ઇન્ટરનેશનલ કરિયર ’આઉટ ઑફ ટ્રેક’ જ રહ્યું. બાર્બાડોસમાં જન્મેલા ટીનો બેસ્ટની તુલના વેસ્ટ ઇન્ડિઝના મહાન બોલર વેસ હોલ સાથે કરવામાં આવતી હતી, પરંતુ તે આ દિગ્ગજની જેમ ક્રિકેટ જગતમાં પોતાની છાપ ન છોડી શક્યો. 5 ફૂટ 8 ઇંચ ઊંચો ટીનો બેસ્ટ પોતાના કરિયરમાં વેસ્ટઇન્ડિઝ માટે માત્ર 57 મેચ રમી શક્યો.
ટીનો બેસ્ટ એક એવો ક્રિકેટર છે જેની ચર્ચા ક્રિકેટના મેદાનથી વધુ તેની પ્લેબોય ઈમેજ અને ઐયાશ જીવનશૈલી તેમજ વિવાદોના કારણ વધુ થાય છે. સેંકડો મહિલાઓ સાથે સેક્સ માણ્યાનો દાવો હોય કે પછી પોતાની જાતને બ્લેક બ્રાડ પિટ ગણાવવાના હોય, ટીનો ખુલીને લાઈફ જીવવાનું પસંદ કરે છે. ટીનો બેસ્ટ ક્રિકેટ સિવાય અન્ય કારણોસર પણ ચર્ચામાં રહે છે. બેસ્ટે પોતાની આત્મકથા ’માઇન્ડ ધ વિન્ડોઝ: માય સ્ટોરી’માં દાવો કર્યો છે કે, ’પોતાના કરિયર દરમિયાન મેં 500થી વધુ મહિલાઓ સાથે સબંધ બનાવ્યો હતો.’ તેણે મજાકમાં પોતાને ’બ્લેક બ્રેડ પિટ’ ગણાવ્યો હતો. બેસ્ટે એ પણ ઉલ્લેખ કર્યો હતો કે, ’મારી આ લાઇફસ્ટાઇલે મેદાન પર મારા પ્રદર્શનને અસર નહોતી કરી અને હું હંમેશા સખત મહેનત કરતો હતો.’ તેના આ ખુલાસાથી ઘણો વિવાદ સર્જાયો હતો.
ટીનો બેસ્ટે પોતાની આત્મકથામાં લખ્યું છે કે, ’મને છોકરીઓ ખૂબ ગમે છે અને છોકરીઓ પણ મને ખૂબ પસંદ કરે છે. મને લાગે છે કે હું દુનિયાનો સૌથી સુંદર દેખાતો ટકલો પુરુષ છું. હું મજાકમાં કહું છું કે હું ’બ્લેક બ્રેડ પિટ’ છું. એક ક્રિકેટર તરીકે હું જ્યાં પણ ગયો ત્યાં મેં છોકરીઓ સાથે વાત કરી, છોકરીઓ સાથે સૂઈ ગયો. મારો અંદાજ છે કે, મેં દુનિયાભરમાં 500થી 650 છોકરી સાથે સબંધ બનાવ્યા છે.’
ટીનો બેસ્ટે આગળ કહ્યું કે, ’મારો પહેલો પ્રેમ મેલિસા સાથે મારી એક સુંદર દીકરી થઈ જેનું નામ તમાની છે, પરંતુ અમારા માટે વસ્તુઓ ખરાબ થઈ ગઈ. મેલિસા સાથે બ્રેકઅપ થયા પછી હું એક પ્લેબોય બની ગયો. સરળ શબ્દોમાં કહું તો મહિલાઓનો દીવાનો બની ગયો. જો મને કોઈ છોકરી પસંદ આવે, તો હું તેની પાસે જઈને વાત કરું છું, પછી ભલે તે કોઈ પણ હોય. જો મેં બેયોન્સને જોઈ અને તે સિંગલ હતી, તો હું તેની પાસે જઈને કહેતો, ’હાય, મારું નામ ટીનો છે. તારું નામ શું છે?’ કોઈ પણ છોકરી મને ડરાવી નહોતી શકતી.’
તેણે આગળ લખ્યું છે કે, “હું કોને ડેટ કરવા માંગુ છું તે હું પસંદ કરતો હતો. હું અલગ અલગ છોકરીઓ સાથે અઠવાડિયામાં પાંચ કે છ ડેટ પર જતો હતો. મારે તેમને બદલવી પડતી હતી. એક દિવસ એક, બીજા દિવસે બીજી. હું યુવાન હતો અને મને જીવનશૈલી ખૂબ ગમતી હતી. સૌથી સુંદર છોકરીઓ ઓસ્ટ્રેલિયન હોય છે. મને લાગે છે કે તેઓ અદ્ભુત હોય છે. તેઓ ખરેખર તેમની ફિટનેસ પર ધ્યાન કેન્દ્રિત કરે છે અને અદ્ભુત શરીર ધરાવે છે.”

ઓસ્ટ્રેલિયન પ્રવાસમાં 40થી વધુ મહિલા સાથે સંબંધ બાંધ્યા

ટીનો બેસ્ટ ખાસ કરીને ઓસ્ટ્રેલિયન છોકરીઓ પ્રત્યે ખાસ આકર્ષિત હતો. તેણે લખ્યું કે, સૌથી સુંદર છોકરીઓ ઓસ્ટ્રેલિયન હોય છે. મને લાગે છે કે તેઓ અદ્ભુત હોય છે. તેઓ ખરેખર પોતાની ફિટનેસ પર ધ્યાન આપે છે અને તેમના શરીર અદ્ભુત હોય છે. 2005માં ઓસ્ટ્રેલિયન પ્રવાસ દરમિયાન મેં 40થી વધુ મહિલાઓ સાથે સંબંધો બનાવ્યા હતા. તેણે કહ્યું છે કે, મને છોકરીઓ ગમે છે અને છોકરીઓ પણ મારા જેવી જ છે. મને લાગે છે કે હું દુનિયાનો સૌથી સુંદર દેખાતો ટાલવાળો પુરુષ છું. એક ક્રિકેટર તરીકે હું જ્યાં પણ ગયો, મેં છોકરીઓ સાથે વાત કરી, છોકરીઓને ડેટ કરી અને છોકરીઓ સાથે સૂઈ ગયો હતો.