નવરાત્રિના ત્રીજા નોરતે ‘બ્રીજ રાસોત્સવ’માં ગુજરાતી ગરબાએ ખેલૈયાઓને ઘેલુ લગાડ્યુ

યાજ્ઞિક રોડ પર આર.કે.સી.કોલેજની સામે જીમખાના ખાતે અંકિત ચાવડા આયોજિત ભવ્ય રાસોત્સવ

રાસોત્સવમાં દરરોજ પ્રિન્સ – પ્રિન્સેસને લાખેણા ઇનામો મહાનુભાવોના હસ્તે એનાયત કરાઇ છે

ખાસ-ખબર ન્યૂઝ રાજકોટ, તા.25
રાજકોટમાં એક નવા અંદાજમાં દરેક સુવિધા અને ખેલૈયાઓ જૂમી ઉઠે તેવું જાજરમાન આયોજન પ્રથમવાર બ્રીજ રાસોત્સવ દ્વારા કરવામાં આવ્યુ છે. આ રાસોત્સવ યાજ્ઞિક રોડ પર આર.કે.સી.કોલેજની સામે જીમખાના ખાતે યોજાઇ છે. રાજકોટમાં નવરાત્રીની ભવ્ય ઉજવણી ચાલી રહી છે, ત્યારે ત્રીજા નોરતે પણ ખેલૈયાઓમાં જબરો ઉત્સાહ જોવા મળ્યો હતો. શહેરમાં આવેલા બ્રિજ રાસોત્સવમાં સુપ્રસિધ્ધ ગાયક કલાકાર અર્જન પાજી, મનીષા પ્રજાપતિ અને હિતેશ પ્રજાપતિના સૂમધુર શૂર પર ખેલૈયાઓ મન મૂકીને ગરબે ઘૂમ્યા હતા. દરરોજ ત્રણ હજાર ખેલૈયાઓ બ્રીજ રાસોત્સવમાં ગાયક કલાકારોના સૂર અને સાજિંદના તાલ સાથે ખેલૈયાઓએ રાસની રમઝટ બોલાવી અને અલગ અલગ સ્ટેપ્સ પર રાસ ગરબા રમ્યા હતા. અંકિત ચાવડા દ્વારા આયોજિત બ્રિજ રાસોત્સવમાં દરરોજ શહેરના શ્રેષ્ઠી અને મહાનુભાવો હાજર રહી મા જગદંબાની આરાધના કરે છે. તેમજ દરરોજ પ્રિન્સ – પ્રિન્સેસને લાખેણા ઇનામો આપવામાં આવે છે.

ત્રીજા નોરતે ખેલૈયાઓને લાખેણા ઇનામ

જુનિયર પ્રિન્સેસ
– યશ્વી પારેખ
– હેત્વી જૈન
જુનિયર પ્રિન્સ
– શ્લોક કુંડલીયા
– ધ્રુમીલ દેવાણી
સિનિયર પ્રિન્સેસ
– શ્વેતા નારોલા
– પૂજા ગોગય
– દિપા ઝવેરી
– ક્રિષ્ના માલી
સિનિયર પ્રિન્સ
– પ્રશાંત જોટાંગીયા
– દિપ તિરૂઆ
– વિજય ડાભી
– સિધ્ધાર્થ કેરાલીયા