સંપૂર્ણ પારીવારિક માહોલમાં જમાવટ લેતો કલબ યુવીનો રાસોત્સવ: ધમાકેદાર પ્રારંભ

કલબ યુવીમાં પ્રથમ નોરતે રંગબેરંગી ડ્રેસમાં મન મુકીને ઝુમતા ખૈલૈયાઓ

ઉમિયાધામ સિદસરના પ્રમુખ મૌલેશભાઈ ઉકાણીના હસ્તે માતાજીની આરતી દ્વારા નવરાત્રીનો પ્રારંભ

નવરાત્રી ગ્રાઉન્ડની સજાવટ, માતાજીના ભવ્ય મંદિરના દર્શનથી અભિભુત ખલૈયાઓ-દર્શકો-મહેમાનો

સંસ્કારી, સુરક્ષીત અને ભક્તિસભર નવરાત્રી મહોત્સવમાં સુર-તાલનું સામજય સર્જતા કલાકારોનો કાફલો

ખાસ-ખબર ન્યૂઝ રાજકોટ

શકિત-ભકિત અને આરાધનાનું પર્વ એવા નવરાત્રી મહોત્સવને વધાવવા ઉમિયાધામ સિદસર પ્રેરીત સાંસ્કૃતીક કલબ યુવી દ્રારા નોખું અનોખું અને સવિશેષ આયોજન કરવામાં આવ્યુ છે. રાજકોટ શહેરમાં ન્યુ 150 ફુટ રીંગ રોડ પર શિલ્પન સાગાની બાજુમાં, કોકોનેટ પાર્ટી પ્લોટની સામે પ્રધુમન પ્લોટમાં સમગ્ર નવરાત્રી મહોત્સવ નો ધમાકેદાર પ્રારંભ થયો હતો. કલબ યુવીમાં પ્રથમ નોરતે રંગબેરંગી કપડામાં ખેલૈયાઓ મન મુકીને ઝુમ્યા હતા.
કલબ યુવીની પરંપરા મુજબ હર વર્ષે રાસોત્સવના મેદાનમાં કડવા પાટીદાર કુળદેવી મા ઉમિયાનું ભવ્ય મંદિર બનાવાય છે. જેમાં દરરોજ આરતી પૂજન-અર્ચન બાદ જ રાસોત્સવનો કરાય છે. કલબ યુવી દ્રારા આ વર્ષે દક્ષિણ ભારતીય મંદિર સ્થાપત્ય શૈલીમાં 80 ફુટના વિશાળ પટ્ટાંગણ માં જગત જનની મા ઉમિયાનું ભવ્યાતિભવ્ય મંદિર બનાવાયું છે.
કલબ યુવીના પ્રથમ નોરતે કલબ યુવીના ઉમિયાધામ સિદસરના પ્રમુખ મૌલેશભાઈ ઉકાણી, ઉમિયાધામના ટ્રસ્ટીઓ જીવનભાઈ ગોવાણી, નીતીનભાઈ પટેલ, ભૂપતભાઈ ભાયાણી, રમણીકભાઈ ભાલોડીયા, નાથાભાઈ કાલરીયા, કાંતીભાઈ ઘેટીયા, રમેશભાઈ રાણીપા, કૌશીકભાઈ રાબડીયા, પરસોતમભાઈ ફળદુ, જે.ડી. કાલરીયા, તથા સરોજબેન મારડીયા તથા ઉમાભવનની ટીમના હસ્તે માતાજીની આરતી કરી નવરાત્રી મહોત્સવનો પ્રારંભ કરાયો હતો. વિસાવદરના ધારાસભ્ય ગોપાલ ઇટાલીયા આપ ના પ્રદેશ મંત્રી ચેતનભાઈ કમાણી, શિવલાલભાઇ બારસીયા, રાહુલભાઈ ભુવા, મનોજ કનેરીયા, સંજયસિંહ વાઘેલા, તેજસ ગાજીપરા, પિયુષ ભંડેરી સહીતના ઉપસ્થિત રહી માતાજીના દર્શન કરી કલબ યુવીના મહેમાન બન્યા હતા.
કલબ યુવીના નવરાત્રી મહોત્સવમાં પ્રથમ નોરતે નવરાત્રીના પ્રારંભે ટ્રેડીશ્નલ ડ્રેસમાં સજજ ખેલૈયાઓ મન મુકીને ઝુમ્યા હતા. કલબ યુવીમાં દરરોજ કેટેગરી વાઈસ વિજેતા ખેલૈયાઓને ઇનામ આપવામાં આવે છે. જેમાં કલબ યુવી માં પ્રથમ નોરતે ચિલ્ડ્રન વેલ ડ્રેસ પિન્સેસ રૂસિકા પનારા, ઘેટીયા ધારા ચિલ્ડ્રન વેલ ડ્રેસ પ્રિન્સ વ્રજ ગોલ, શુભમ ચિલ્ડ્રન પ્રિન્સેસ ભકિત વાછાણી, અશિતા ડેડાણીયા, ચિલ્ડ્રન પ્રિન્સ વાછાણી, નિશીત વિરોજા, એડલ્ટ વેલ ડ્રેસ પ્રિન્સેસ યુતી કાસુન્દ્રા, રીયા કાસુન્દ્રા, ટીવન્કલ ભાલોડી, વેલ ડ્રેસ પ્રિન્સ શાપરીયા દેવ, કાસુન્દ્રા કાવ્ય, કાથરોટીયા દેવ, પ્રિન્સેસ તરીકે પ્રિયંકા, આન્સી વાછાણી, ધાર્મી નંદાણીયા, પ્રિન્સ દલસાણીયા કિર્તન, ભૂત હેત, હિંગરાજીયા સાહીલ વિજેતા બન્યા હતા.
કલબ યુવી ના નવરાત્રી મહોત્સવમાં ચુનીદા કલાકારો નો કાફલો સિંગર તરીકે મયુર બુધ્ધદેવ, અક્ષિલ પટેલ, જલ્પા સુરતી, અવનીબેન પીઠડીયા, કલબયુવી ટીમના મ્યુઝીક કોર્ડીનેટર સુરેશભાઈ જાવીયાના માર્ગદર્શન હેઠળ કલબ યુવીના આ નવરાત્રી મહોત્સવમાં સુર તાલનું ભવ્ય સામ્રાજય સજર્યુ હતુ. 16 વર્ષ પૂર્વે કલબ યુવીની શરૂઆત કરવામાં આવી હતી પાટીદાર સમાજના વડીલોની ઉપસ્થિતીમાં સમાજના દિકરા-દિકરીઓ નવરાત્રીનો આનંદ માણે અને સાથે સાથે જગત જનની ની આરાધના કરે કલબ યુવીનું આ કદમ અનેક આયોજકો માટે પ્રેરણારૂપ બન્યું છે. કલબ યુવી એ પરિવારના તમામ સભ્યો સાથે માણી શકાય તેવા પારીવારિક માહોલમાં, નવી પરંપરાઓ, ભકિત સાથે સંસ્કૃતિનું માધ્યમ બન્યુ છે. રંગીલા રાજકોટની ઉત્સવપ્રિય જનતા અને યુવાધનમાં નવલી નવરાત્રી ને વધાવવા રાત પડેને કલબ યુવીમાં ગરબે ઘુમવાનો અનેરો ઉત્સાહ અને આનંદ જોવા મળ્યો હતો. કલબ યુવી ના બોર્ડ ઓફ ડાયરેકટરો બીપીનભાઈ બેરા, પ્રફુલભાઈ કાથરોટીયા, સુરેશભાઈ ઓગાણજા, સંદીપભાઈ માકડીયા, નરેન્દ્રભાઈ ઘેટીયા, ડો. કલ્પેશભાઈ ઉકાણી, જીજ્ઞેશભાઈ આદ્રોજા, વિજયભાઈ ડઢાણીયા ના માર્ગદર્શન હેઠળ 108 ની ટીમ કાર્યરત છે.