ત્રણે ઝોનમાંથી 12276 અરજીઓ ઇન્વર્ડ થઇ : વેસ્ટ ઝોનનો આંકડો સૌથી ઉંચો
ઇમ્પેકટ યોજનામાં પણ રેગ્યુલર ન થાય તેવા 1006 બાંધકામોની અરજી નામંજૂર
- Advertisement -
ગેરકાયદે બાંધકામોને નોટિસની તૈયારી
ખાસ-ખબર ન્યૂઝ રાજકોટ
રાજકોટમાં પણ પૂરા રાજયની સાથે ગેરકાયદે બાંધકામો નિયમબધ્ધ કરવાની ઇમ્પેકટ ફી સ્કીમ ચાલી રહી છે. પરંતુ મહાનગરમાં બાંધકામોનું જંગલ હોય તેવા આંકડા કોર્પો.એ છેલ્લા સમયમાં કરેલી કામગીરી પરથી સામે આવી રહ્યા છે. આ કાયદા હેઠળ કરવામાં આવેલી અરજીઓ પૈકી 1006 અરજી નામંજૂર થયાના આંકડા જાહેર થયા છે જેથી આવા બાંધકામો રેકર્ડ પર સંપૂર્ણ ગેરકાયદે જ હોય તેને ટીપી શાખા ડિમોલીશનની નોટીસ આપશે તેવું જાણવા મળ્યું છે.
- Advertisement -
સરકારની ઇમ્પેકટ ફી યોજનાનો લાભ આમ તો મુળ હેતુ મુજબ મધ્યમ વર્ગના રહેણાંક આસામીઓ લેતા નથી. અને કોમર્શિયલ અને મોટા બાંધકામો છેલ્લા સમયમાં રેગ્યુલર થયા છે પરંતુ અગ્નિકાંડ બાદ ટીપી વિભાગની મોટા ભાગની કામગીરી ઠપ્પ થઇ છે તેમાં સરકારની ઇમ્પેકટ ફી યોજનાની કામગીરીને પણ બ્રેક લાગી ગઇ છે. આ સાથે ગેરકાયદે બાંધકામોનો ઉદ્યોગ પણ છેલ્લા સમયમાં ખુબ ફુલ્યો છે. કારણ કે ડિમોલીશનની કાર્યવાહીને કાનુની અભિપ્રાયો હેઠળ મંદ કરી દેવામાં આવી છે.
રાજય સરકારે જાહેર કરેલા ઈમ્પેક્ટ ફી નિયમના લાભ કાયદાને આધીન મળે છે. આમ છતાં લાભ ન મળી શકે તેવા અનેક બાંધકામો ખડકી દેનાર અનેક લોકોએ આ પ્રકારના બાંધકામો નિયમીત કરવા માટે અરજી કરી હતી. જેમાંથી 1006 અરજીઓ નામંજુર થતાં હવે આ બાંધકામો ગેરકાયદેસર હોવાનું સાબિત થઈ ગયું છે. જેના લીધે ટુંક સમયમાં ટીપી વિભાગ આ તમામ બાંધકામોને 260ની નોટીસ પાઠવી ડિમોલેશનની કામગીરી હાથ ધરશે તેમ સમજવામાં આવે છે.
સરકાર દ્વારા તા. 17-10-2022થી રાજ્યમાં ગેરકાયદેસર બાંધકામોને નિયત ફી લઈ નિયમીત કરવાનો ઈમ્પેક્ટ ફી કાયદો અમલમા મુક્યો છે. જે અંતર્ગત ટાઉન પ્લાનીંગ વિભાગમાં તેમજ ઓનલાઈન અરજીઓનો ઢગલો થયો હતો. જેમાં મનપાના સેન્ટ્રલ ઝોન કચેરી ખાતે 4463 અરજી તથા ઈસ્ટ ઝોનમાં 1694 અરજી અને વેસ્ટ ઝોન માંથી 6119 અરજીઓ આવી હતી. ઈમ્પેક્ટ ફીના નિયમો હેઠળ ગેરકાયદેસર બાધકામ કરેલ હોય ત્યારે પાર્કિંગની જગ્યા સહિતના નિયમો લાગુ પડે છે.
પરંતુ મકાનના ફળિયા ઉપર રૂમ બનાવી લીધા હોય અથવા દુકાનોનું વધારાનું બાંધકામ માર્જીનનો ઉપયોગ કરી કરવામાં આવ્યું હોય તેવી વધુમાં વધુ અરજીઓ આવતા તમામ અરજીઓ નામંજુર કરવામાં આવી છે. જેના લીધે આ તમામ બાંધકામો ગેરકાયદેસર હોવાનું આસામીઓ દ્વારા જ જાહેર કરાયું હોય ટીપી વિભાગ દ્વારા તેની અલગ નોંધ કરવામાં આવી છે.
જનરલ બોર્ડમાં અપાયેલા જવાબ મુજબ ત્રણેય ઝોનમાંથી કુલ 12276 ગેરકાયદેસર બાંધકામો નિયમીત કરવા માટેની અરજીઓ આવેલ હતી. જે અરજીની ચકાસણી કર્યા બાદ મિલ્કતના નક્શાઓ ન આપવા તેમજ અપુરતી વિગતો તથા નિયમ મુજબ પાર્કિંગ અને માર્જિનની જગ્યા ન બતાવી સહિતના કારણોસર મનપા દ્વારા 1006 અરજીઓ નામંજુર કરી આ બાંધકામો વિરુદ્ધ પગલા લેવા માટેની તૈયારીઓ શરૂ કરાઇ છે. ત્રણે ઝોનવાઈઝ ગેરકાયદેસર બાંધકામોની યાદી મુજબ સેન્ટ્રલ ઝોનમાં 1807 ગેરકાયદેસર બાંધકામો તથા ઈસ્ટઝોનમાં 429 ગેરકાયદેસર બાધકામો અને સૌથી વધુ વેસ્ટ ઝોનમાં 2247 ગેરકાયદેસર બાંધકામો જાહેર થયા છે.
મકાનના ફળિયાઉપર રૂમ બનાવી લીધા હોય અથવા દુકાનોનું વધારાનું બાંધકામ માર્જિનનો ઉપયોગ કરી કરવામાં આવ્યું હોય તેવી વધુમાં વધુ અરજીઓ આવતા તમામ અરજીઓ નામંજુર કરાઇ
