મોરબી પંથકના યુવાનને યુવતી સાથે મોબાઈલ ચેટ ભારે પડી
રાજકોટના મુખ્ય ભેજાબાજ સહિત વધુ એક યુવતિની શોધખોળ
- Advertisement -
હનીટ્રેપમાં ફસાવવા ગયેલાં બંને યુવક-યુવતીને પોલીસે સકંજામાં લીધા
ફઈના દીકરાએ રૂપિયા પડાવવા અપહરણ કરી રૂ.50 લાખની માંગ કરી
ખાસ-ખબર ન્યૂઝ જૂનાગઢ, તા.9
આજ ઝડપી શોશ્યલ મીડિયાના યુગમાં યુવક – યુવતી ઝડપથી રૂપિયા કમાવવા શોર્ટકટ રસ્તો અપનાવાના કિસ્સાઓ વધ્યા છે.ત્યારે વધુ એક કિસ્સો જૂનાગઢ જિલ્લા પોલીસ ચોપડે નોંધાયો છે. મોરબીના લાલપુરના યુવાનને ફાયના દીકરા અને બે યુવતી સાથે અન્ય સાગરીતો મળીને મોબાઈલ ચેટ મારફત ફસાવતા હનીટ્રેપની ઘટના સામે આવી છે. જેમાં મોરબીના યુવાનનું અપહરણ કરીને રૂ.50 લાખની માંગ કરી હતી જયારે યુવાનને લાગ્યું કે મારી સાથે ખેલ થયો છે ત્યારે જૂનાગઢના ભેસાણ પોલીસ સ્ટેશનમાં ગુનો નોંધાવતા સમગ્ર બનાવનો પર્દાફાશ ભેસાણ પોલીસ અને ક્રાઇમ બ્રાન્ચે કરીને યુવક અને યુવતીને ઝડપી લીધા હતા હતા જયારે હજુ એક યુવતી અને અન્ય સાગરીતોને ઝડપી લેવા વધુ તપાસ શરુ કરી છે.
આ અંગેની પોલીસમાંથી પ્રાપ્ત વિગત મુજબ મોરબીના લાલપર ગામમાં પ્લોટ વિસ્તારમાં રહેતા અને પ્રોવિઝન ધરાવતા પંકજ ભરતભાઇ ડઢાણીયા (ઉ.વ.31) ગત તા.1 એપ્રિલના તેના ઘરે હતો ત્યારે તેના મોબાઇલમાં મેસેજ આવ્યો હતો. ત્યાર બાદ ફોન આવ્યો હતો જેમાં યુવતિએ તેનું નામ જાનવી હોવાનું અને અમરેલી જિલ્લાના વડીયામાં રહેતી હોવાનું કહ્યુ હતુ. ગત તા.પાંચ એપ્રિલના સવારે આઠેક વાગ્યે જાનવીએ પંકજને ફોન કરી 11 વાગ્યા આસપાસ વિરપુર આવવાની છુ તું પણ આવ તેવી વાત કરી હતી. પંકજ અને મોરબી તાલુકાના પીપળી ગામનો તેની ફઇનો દિકરો કિશન શાંતિભાઇ સોખરીયા કાર લઇ વિરપુર બસ સ્ટેન્ડ ખાતે પહોંચ્યા ત્યારે જાનવી કારમાં બેસી ગઇ હતી અને તેણીએ પંકજને તમે ગાડી પરબ થઇ બીલખા તરફ જવા દો, મારે મારી નણંદના ઘરે જવુ છે અહીં કોઇને ખબર પડી જશે તેમ કહેતા આ ત્રણેય બિલખા તરફ નીકળ્યા હતા. ભેસાણ થઇ છોડવડી રોડ પર પહોંચ્યા ત્યારે જાનવી વોશરૂમ જવા કહી ગાડી રોકાવી હતી ત્યારે બે બાઇકમાં ચાર અજાણ્યા શખ્સો આવ્યા હતા. તેમાંથી એક શખ્સ જાનવીને બાઇક પર બેસાડી ભેસાણ તરફ જતો રહ્યો હતો. 3 અજાણ્યા શખ્સો પંકજ અને કિશન સાથે કારમાં બેસી ગયો હતો. તેઓએ તમે આ લેડીઝને કયાથી બેસાડેલ, આ બંનેને વાડીએ લઇ લો તેમ કહી અપહરણ કર્યુ હતુ. ગાડી ચલાવતા શખ્સે જાનવીને બે દિકરીઓ છે તેને 25-25 લાખ રૂપિયા આપી દે નહીતર તને દુષ્કર્મના કેસમાં ફસાવી દઇશુ તેવી ધમકી આપી હતી.
પકજે તેની પાસે આટલા પૈસા નથી તેમ કહેતા આ શસોે તુ ચેક મંગાવી અમને આપી દે તેમ કહી પંકજને તેની માતા સાથે વાતચીત કરાવી હતી પરંતુ તેની માતો ચેક આપવાની ના પાડી હતી. ત્યાર બાદ આ શખ્સો પંકજ અને કિશનને વિસાવદર તરફ લઇ ગયા હતા ત્યાંથી જેતપુર બસ સ્ટેશન પર લઇ ગયા જયા આ શખ્સોએ કિશન અમારી પાસે છે તુ ચેક અથવા 10 લાખ રૂપિયા લઇને જેતપુર આવીને કિશનને ફોન કરજે તેમ કહી જેતુર ઉતારી દીધો હતો. ત્યાંથી બસમાં બેસી ંકજ ઘરે પહોંચ્યો હતો. પરિવારને વાત કર્યા બાદ ભેસાણ પોલીસ સ્ટેશનમાં જાનવી તથા ચાર અજાણ્યા શખ્સ સામે ફરિયાદ નોંધાવી હતી.
- Advertisement -
ભેસાણ પીઆઇ આર.બી.ગઢવી સહિતના સ્ટાફે એલસીબીની મદદથી તાસ શરૂ કરી હતી. કિશનની પૂછરછ કરતા શંકાસ્દ બાબતો સામે આવી હતી બાદમાં પ્રીયા નામની યુવતી અને કિશનને રાઉન્ડઅપ કરી પુયછપરછ કરતા સમગ્ર મામલાનો ભાંડો ફુટયો હતો. આ બંનેે સુલતાનપુરના શૈલેષગીરી ઉર્ફે ભાણો ગોસાઇ પોતાની સાથે હોવાનું જણાવ્યુ હતુ. આ ઉપરાંત અન્ય શખ્સો અજાણ્યા હોવાની કેફીયત આપી હતી અન્ય શખ્સોને પકડવા તજવીજ હાથ ધરવામાં આવી છે. આમ કિશને પોતાના પિતરાઇ પાસેથી જ 10 લાખ રૂપિયા પડાવવા માટે સાગરીતો સાથે મળી પોતાના જ અપહરણનું નાટક કર્યુ હતુ પરંતુ પોલીસે આ ટોળકીનો ભાંડો ફોડી નાખ્યો હતો.
