નવનાત સાથે જોડાયેલા બે લાખથી વધુ લોકો આ નવરાત્રિ મહોત્સવના સહભાગી બનશે
ખાસ-ખબર ન્યૂઝ રાજકોટ
નવલી નવરાત્રિના દિવસો નજીક આવી રહ્યા છે ત્યારે જૈન વિઝન અને વિશ્ર્વ વણિક સામાજિક સંગઠન દ્વારા આયોજિત સોનમ નવનાત વણિક ગરબા 2024માં સહભાગી થવા માટે શહેરનું યુવાનધન થનગની રહ્યું છે. નવનાત વણિક સમાજના ખેલૈયાની લાગણી અને માગણીને ધ્યાનમાં રાખીને આ વખતે 150 ફૂટ રીંગ રોડ ઉપર અયોધ્યા ચોકડી સુંદર મજાના 2 લાખ ચોરસ ફૂટના કારપેટિંગ લેયર સાથેના મેદાનમાં તા. 3 ઓકટોબરથી 12 ઓકટોબર સુધી નવરાત્રિ ઉજવાશે.
- Advertisement -
આ વખતે ખેલૈયાઓની માંગને ધ્યાનમાં રાખીને ગરબા અને બોલીવુડ સિંગર અશ્ર્વિની મહેતા, ગરબા કિંગ ઓફ ગુજરાત અતાભાઈ અને ફોક સિંગર તુષાર ત્રિવેદી, મ્યુઝિક એરેન્જર રાજુ ત્રિવેદી, રીધમ કિંગ મહેશ ઢાંકેચા, એન્કર કમ સિંગર ગાર્ગી નિમ્બાર્ક, ગીટારીસ્ટ હિતેશ મહેતા અને ફોક સિંગર તુષાર ત્રિવેદી વગેરે ઘૂમ મચાવશે. આર્ટીસ્ટનું મેનેજમેન્ટ જીલ એન્ટરપ્રાઈઝના તેજસ શીશાંગીયા કરી રહ્યા છે.
સોનમ નવનાત વણિક નવરાત્રિ મહોત્સવના ફોર્મનું વિતરણ મધ્યસ્થ કાર્યાલય દશા સોરઠિયા વણિક બોર્ડિંગ, રવિ પ્રકાશનની બાજુમાં, યાજ્ઞિક રોડ ઉપરાંત જયેશભાઈ ધ્રુવ ધરતી હોન્ડાની સામે માલવિયાવાડી, ગોંડલ રોડ, જેડીઝ આઈ કેર અમીન માર્ગ નૂતનનગર પાસે, મહાવીર સિલેકશન 2-કુદરત કોમ્પલેક્સ ગંગોત્રી ડેરીવાળી શેરી સાધુ વાસવાણી રોડ, મેસવાણી લેબોરેટરી મંગલમ બિલ્ડિંગ 25 ન્યુ જાગનાથ એસ્ટ્રોન ચોક, મોનજીનીસ કેક શોપ કાલાવડ રોડ કોટેચા ચોક પાસથી થઈ રહ્યું છે. આ નવરાત્રિ મહોત્સવની સફળતા માટે ટીમ જૈન વિઝનના સંયોજક મિલન કોઠારી ઉપરાંત ભરત દોશી, અજીત જૈન, ગીરીશ મહેતા, સુનીલ કોઠારી, હેમલ મહેતા, તુષાર પતીરા, રાજીવ ઘેલાણી, નીતિન મહેતા, નરેશ મહેતા, વિપુલ મહેતા તથા વિશ્ર્વ વણિક સામાજિક સંગઠનના મુકેશ ધોળકિયા, ભાગ્યેશ વોરા, અતુલ કોઠારી, જયેશ ધ્રુવ, અરવિંદ પાટડીયા, ભાયાભાઈ સાહોલીયા, નીતિન માંડલીયા, રાજુભાઈ ધારૈયા, નીલ મહેતા, ધવલ મહેતા, અતુલભાઈ કોઠારી, કેતનભાઈ મેસવાણી, રોહનભાઈ ધ્રુવ, દીપકભાઈ કરચલીયા, અશ્ર્વિનભાઈ પટેલ જહેમત ઉઠાવી રહ્યા છે.