વિશ્ર્વની સૌ પ્રથમ ફેસ્ટિવલ એડવેન્ચર ટુરિઝમ ઇવેન્ટ અંતર્ગત ગિરનાર પર્વત પ્રકૃતિ અને સંસ્કૃતિનાં ઇકોફ્રેન્ડલી સેલિબ્રેશનનો સાક્ષી બનશે
ખાસ-ખબર ન્યૂઝ રાજકોટ
- Advertisement -
હજારો વર્ષોથી ગિરનાર પર્વત આધ્યાત્મિક અને ધાર્મિક સંસ્કૃતિનું કેન્દ્ર બની રહ્યો છે ત્યારે આગામી રક્ષાબંધને પ્રકૃતિ અને સંસ્કૃતિના ઇકો ફ્રેન્ડલી અનુબંધને આગળ વધારવા માટે ’ગ્રીન રક્ષાબંધન’ ના નામે એક અનોખા અને અભૂતપૂર્વ મહોત્સવનું આયોજન કરવામાં આવ્યું છે આ આયોજન ની વિગતો આપતા રંગલો ક્રિએશન પ્રાઇવેટ લિમિટેડના ફાઉન્ડર અને ડાયરેકટર રવિભાઈ વિરપરિયાએ જણાવ્યું હતું કે તેમનું આયોજન દરેક અર્થમાં યુનિક અને અભૂતપૂર્વ બની રહે તે પ્રકારે તમામ તૈયારીઓને વેગ આપવામાં આવ્યો છે. ગ્રીન રક્ષાબંધન દ્વારા તેઓ પ્રકૃતિનું મહત્વ લોક હૃદયમાં સ્થાપિત થાય અને પ્રકૃતિ અને સંસ્કૃતિ વચ્ચેનું છૂટી રહેલું જોડાણ ફરી સંધાય તે હેતુથી આ આયોજન કરી રહ્યા છે.
આગામી રક્ષાબંધનના પર્વ નિમિત્તે 18 ઓગસ્ટ રવિવારના રોજ ગિરનારના દરેક પગથિયા પર ગ્રીન રક્ષાબંધનના નિયત કરેલા ડ્રેસકોડ સાથે બહેન પોતાના ભાઈના કાંડા પર રાખડી બાંધી રક્ષાબંધનની અનોખી ઉજવણી કરશે. આ રક્ષાપર્વમાં ફ્કત 16 થી 36 વર્ષના ભાઈ બહેનો જ ભાગ લઈ શકશે. આ ઇવેન્ટનું થીમ સોંગ ટૂંક સમયમા જ લોન્ચ કરવામાં આવશે. આ અનોખા પર્વને વધુ શાનદાર બનાવવા માટે તેમાં અનેક ઓનલાઈન સ્પર્ધાઓના આકર્ષણ ઉમેરવામાં આવ્યા છે. ‘ગ્રીન રક્ષાબંધન’ની થીમ અંતર્ગત માનવ જીવનની જરૂરિયાત સમાન પ્રકૃતિની જાળવણી અર્થે સમગ્ર ગુજરાતમાં 11 લાખ વૃક્ષોના વાવેતર કરવાનો સંકલ્પ કરવામાં આવ્યો છે.
આ ‘ગ્રીન રક્ષાબંધન’ ઇવેન્ટની યાદગીરીરૂપે ગુજરાતના 1111 ગામોમાં 111 વૃક્ષોના ‘રક્ષાવન’ ઉછેરવામાં આવશે. જ્યારે આ ઇવેન્ટ દરમિયાન જ 111 ગામોમાં 1000 લેખે કુલ એક લાખ 11 હજાર ફળાઉ ઝાડના રોપાનું વિતરણ પણ કરવાનો આયોજન વિચારવામાં આવ્યું છે. રવિ વીરપરિયાએ વધુ વિગત આપતા જણાવ્યું હતું કે ગ્રીન રક્ષાબંધન એ દેશની પ્રથમ ફેસ્ટિવલ એડવેન્ચર ટુરિઝમ ઇવેન્ટ બની રહેશે અને આવનારા સમય માટે ભારતીય સંસ્કૃતિ અને તહેવારને વૈશ્વિક ઓળખ આપવાનું કામ કરશે.ભારતનાં સોફ્ટ પાવર ની વૈશ્વિક લેવલે નોંધ લેવામાં આવશે અને તેમને વિશ્વની વિવિધ રેકોર્ડ બુકમાં સ્થાન મળતા સમગ્ર દુનિયાના લોકો આધ્યાત્મિક ભૂમિ ગિરનાર અને ભારતીય સંસ્કૃતિના મહાપર્વ એવા રક્ષાબંધનથી માહિતગાર થશે.આ ઇવેન્ટના વ્યાપક પ્રચાર અને પ્રસારને કારણે ગિરનારને આજુબાજુના પ્રવાસન સ્થળોનું આધ્યાત્મિક ટુરીઝમ તરીકે નેશનલ અને ઇન્ટરનેશનલ બ્રાન્ડિંગ થશે જેનો ફાયદો આવનારા સમયમા પ્રવાસન ક્ષેત્રને પણ મળશે.
- Advertisement -
આ ઇકો ફ્રેન્ડલી ગ્રાન્ડ સેલિબ્રેશન સાથે વિશ્વમાં ‘સિસ્ટર બ્રધર ડે’ ઉજવણીનો શુભારંભ થશે. ’ગ્રીન રક્ષાબંધન’ મહોત્સવ દરમિયાન વિવિધ દેશના પ્રતિનિધિઓ, વિવિધ ધર્મ અને જ્ઞાતિના આગેવાનો, દેશના રાજ્યોનું પ્રતિનિધિત્વ, કેન્દ્ર અને રાજ્ય સરકારનું પ્રતિનિધિત્વ, રાજકીય તથા સામાજિક આગેવાનો, સહકારી સંસ્થાઓના આગેવાનો, કલા અને સાહિત્ય ક્ષેત્રના મહાનુભાવો,
સિનેમાના સેલિબ્રિટીઓ, આર્મ્સ ફોર્સિસ અને શિક્ષણ ક્ષેત્રના આગેવાનો પણ મોટી સંખ્યામાં હાજર રહે તેવું આયોજન હાથ ધરવામાં આવ્યું છે.
આ આયોજન સંપૂર્ણ ઇકો ફ્રેન્ડલી બની રહે તે માટે બાયોડીગ્રેડેબલ ડીશમાં પ્લાસ્ટિક ફ્રી મટીરીયલ આપવામાં આવશે. ‘ગ્રીન રક્ષાબંધન’ ના નામને સાર્થક કરતાં દરેક બહેન ભાઇના કાંડે વૃક્ષોના બીજ સાથેની એક સ્પેશ્યલ રાખડી પણ બાંધશે.
ઇવેન્ટમાં ભાગ લેનાર તમામ ભાઈ બહેનોને ’ગ્રીન ગિફ્ટ’ રૂપે 11 વૃક્ષના બીજ આપવામાં આવશે. દરેક બહેનોને 11 ઔષધી અને કિચન ગાર્ડન બીજનું પેકેટ આપવામાં આવશે.
વિશેષ કાર્યક્રમ અંતર્ગત 111 સ્પેશિયલ સ્ટોરીની સંપાદિત પુસ્તકની ગિફ્ટ પણ આ ઇવેન્ટના માધ્યમથી ભાગ લેનાર ભાઈ બહેનને આપવામાં આવશે. સમગ્ર ઇવેન્ટને સફળ બનાવવા માટે ગુજરાતની 101 સ્કૂલ અને કોલેજને આ ઇવેન્ટમાં સહભાગીદાર બનાવવા માટેનું કામ શરૂ થઈ ચૂક્યું છે. ઓનલાઇન અને ઓફલાઈન બંને રીતે ઇવેન્ટનું ગ્રીન કેમ્પેઇન પણ શરૂ કરી દેવામાં આવ્યું છે. ઇવેન્ટની પૂર્વ સંધ્યાએ ભાઈ બહેનની થીમ પર ગ્રાન્ડ નાઈટ કલ્ચરર ઇવેન્ટ યોજાશે. જેમાં નામાંકીત કલાકારો પોતાનું પરફોર્મન્સ આપશે.
સ્કૂલ કોલેજ સિવાય પણ ભાગ લેવા માંગતાં ભાઈઓ અને બહેનોના રજીસ્ટ્રેશન પણ ટૂંક સમયમાં શરુ થશે. ‘ગ્રીન રક્ષાબંધન’ વિશે વધુ માહિતી, સ્પોન્સરશીપ, કોલોબ્રેશન કે વોલેન્ટિયર બનવા માટે ફિક્ષલહજ્ઞભયિફશિંજ્ઞક્ષલળફશહ.ભજ્ઞળ અથવા 90818 11161 કે 88666 09807 પર સંપર્ક કરવો. અને લયિયક્ષફિસતવફબફક્ષમવફક્ષના સોશ્યલ મીડિયા હેન્ડલ ફોલો કરવાથી ઇવેન્ટ વિશે રેગ્યુલર અપડેટ મળતી રહેશે. તેવું સંસ્થાન આયોજકો દ્વારા જણાવવામાં આવ્યું હતું.
