ડુંગરપુર ગામે વીજ ટ્રાન્ફોર્મરની ચોરીમાં એક વર્ષથી નાસતો ફરતો આરોપી ઝડપાયો

ક્રાઇમ બ્રાન્ચે સાબલપુર ગામ પાસેથી દબોચી લીધો

ખાસ-ખબર ન્યૂઝ  જૂનાગઢ, તા.23

જૂનાગઢ તાલુકાના ડુંગરપુર ગામ ખાતે જયમાં ચામુંડા નરસરી ખાતે લગાવવામાં આવેલ વીજ ટ્રાન્સફોર્મર ચોરીના ગુનામાં છેલ્લા એક વર્ષથી નાસતો ફરતો આરોપી વિપુલ તુલશીભાઇ વાઘેલા રહે. લીરબાઇપરા જૂનાગઢ વાળાને ક્રાઇમ બ્રાંચે ઝડપી પાડયો હતો. તાલુકા પોલીસ સ્ટેશનમાં વીજ ટ્રાન્સફોર્મરની કિંમત રૂા.15 હજારની ચોરીના ગુનામાં છેલ્લા એક વર્ષથી ફરાર આરોપીને સાબલપુર ગામમાંથી ઝડપી પાડવામાં એલસીબી પીઆઇ જે.જે.પટેલ તથા પીએસઆઇ બી.જે.ઝાલા અને પોલીસ સ્ટાફ પુંજાભાઇ ભારાઇ, મહેન્દ્રરભાઇ, તેચનસિંહ સોલંકીને મળેલી ખાનગી રાહે બાતમીના આધારે સાબલપુર ગામમાંથી વિપુલ તુલસીભાઇ વાઘેલાને ચોરીના ગુનામાં સંડોવાયેલ આ આરોપીને ઝડપીને તાલુકા પોલીસ હવાલે કરી વધુ તપાસ હાથ ધરી છે.