જુનાગઢના ખલીલપુર પાસેથી 372 ટીન બિયર ભરેલી બિનવારસુ કાર પકડાઇ

ખાસ-ખબર સંવાદદાતા
જૂનાગઢ બી-ડીવીઝનના પીઆઇ એન.એ.શાહ સ્ટાફ સાથે પેટ્રોલીંગમાં હતા ત્યારે શહેરમાં ખલીલપુર ચોકડી પાસે રોડની ડાબી બાજુમાં મધુરમ વિસ્તારનો કરણ ઉર્ફે કલીયો સામતભાઇ ભારાઇ સફેદ કલરની 6004 નંબરની કારમાં બહારથી ઇંગ્લીશ દારૂનો જથ્થો લાવીને ઉભો છે એવી બાતમી મળતા પોલીસે દોડીને તપાસ કરતા સ્થળ પરથી બિનવારસુ હાલતમાં કાર મળી આવી હતી.
પોલીસે તલાસી લેતા કારમાંથી રૂા.37,200ની કિંમતનો 372 ટીન બિયરનો જથ્થો મળી આવતા પોલીસે બિયર અને કાર સહિત કુલ રૂા.2,37,200નો મુદ્દામાલ કબ્જે કરી કાર્યવાહી કરી હતી.