તાલાલા પંથકના જંગલમાં આવેલ
જાતિના પ્રમાણપત્રો અભ્યાસ તથા શિષ્યવૃત્તિ માટે ખાસ ઉપયોગી હોય ગ્રામ પંચાયતની સરાહનીય કામગીરીને ગ્રામજનોએ બિરદાવી
- Advertisement -
ગ્રામ પંચાયતે આપેલ જાતિના પ્રમાણપત્રો વિધાર્થીઓને આજીવન ઉપયોગી બનશે
ખાસ-ખબર ન્યૂઝ ગીર સોમનાથ, તા.28
ગીરના જંગલની બોર્ડર ઉપર આવેલ તાલાલા તાલુકાના ભોજદે ગીર ગામની સરકારી પ્રાથમિક શાળામાં અભ્યાસ કરતા વિદ્યાર્થી ભાઈ બહેનોને સ્થળ ઉપર જ જાતિના પ્રમાણપત્રો આપવા તાલાલા તાલુકા પંચાયત તથા ભોજદે ગીર ગ્રામ પંચાયતના સહયોગથી પ્રમાણપત્ર વિતરણ કાર્યક્રમ યોજાયો હતો. ગામના વરીષ્ઠ અગ્રણી સરમણભાઈ જોટવા નાં અધ્યક્ષ સ્થાને યોજાયેલ આ કાર્યક્રમમાં ગ્રામ પંચાયતના તલાટી કમ મંત્રી રાહુલભાઈ જાદવે સરકારી પ્રાથમિક શાળામાં અભ્યાસ કરતા 40 વિધાર્થી ભાઈ બહેનોને સ્થળ ઉપર જ જાતિના પ્રમાણપત્રો એનાયત કર્યા હતાં.વિધાર્થીઓને આગળનાં ઉજ્વળ ભવિષ્ય માટે તથા શિષ્યવૃતિ ઉપરાંત સરકારની વિવિધ યોજનાના લાભ માટે જાતિના પ્રમાણપત્રોની ખાસ જરૂૂર હોય વિધાર્થીઓને બાળકોને શાળામાં અભ્યાસ દરમ્યાન સ્થળ ઉપર જ જાતિના પ્રમાણપત્રો એનાયત કરવામાં આવ્યા હતા.ગ્રામ પંચાયતે આપેલ જાતિના પ્રમાણપત્રો વિધાર્થીઓને આજીવન ઉપયોગી બનશે.ગ્રામ પંચાયતની સરાહનીય લોક ઉપયોગી કામગીરી ને વાલીઓ તથા ગ્રામજનોએ બિરદાવી હતી.ભોજદે પ્રાથમિક શાળાના શૈક્ષણિક સ્ટાફે તાલુકા પંચાયત તથા ગ્રામ પંચાયતના પદાધિકારોનો આભાર વ્યક્ત કર્યો હતો.આ કાર્યક્રમમાં તાલુકા પંચાયતના સદસ્ય જશુભાઈ બારડ,તાલુકા પંચાયત વિસ્તરણ અધિકારી જગદીશભાઈ વાજા તથા ગ્રામજનો ઉપસ્થિત રહ્યા હતાં.
