રાજુલાના કોવાયામાં રહેણાંક મકાનમાં 3 સિંહો ઘૂસી ગયા

ખાસ-ખબર ન્યૂઝ રાજુલા, તા.13
રાજુલા બૃહદ ગીરના ગામડાઓમા સિંહોનું સામ્રાજ્ય છે. ત્યારે અવારનવાર સિંહો હાઇવે પર તેમજ ગામડાઓમાં લટાર મારતા જોવા મળતા હોય છે. ત્યારે રાજુલા તાલુકાના કોવાયા ગામે મોડી રાત્રીએ 3 સિંહો રહેણાંકી મકાનમાં ઘુસી ગયા હતાં. દિવાલ ઉપર છલાગ લગાવી પાઠડા ત્રણ સિંહોએ ઘરમાં અંદર પ્રવેશ કર્યો હતો. અને ઓસરીમાં ચક્કર લગાવતા જોવા મળ્યા હતા. જે બાદ વનવિભાગ ટીમ પહોંચી ત્રણેય પાઠડા સિંહોને રહેણાંકી મકાનમાંથી દુર ખસેડી રવાના કર્યા હતા. રહેણાંકી મકાનમાં સિંહ ઘુસ્યા હોવાનો વિડિયો સોશિયલ મિડિયામા ભારે વાઇરલ થયો છે.