કેન્દ્રીય ગૃહમંત્રી શાહ આજથી પશ્ચિમ બંગાળના બે દિવસના પ્રવાસે

બાંગ્લાદેશ સરહદ પરના વિસ્તારોની મુલાકાત લેશે

કૂચબિહારના ઢેકિયાબાડી બીઓપીમાં BSFના જવાનો સાથે વાતચીત કરશે

ખાસ-ખબર સંવાદદાતા

કેન્દ્રીય ગૃહમંત્રી અમિત શાહ આજે પશ્ચિમ બંગાળના બે દિવસના પ્રવાસે જશે, જે દરમિયાન તેઓ બાંગ્લાદેશ સરહદ પરના વિસ્તારોની મુલાકાત લેશે તથા સિલીગુડીમાં જાહેરસભાને સંબોધશે. વિધાનસભા ચૂંટણી બાદ પહેલીવાર બંગાળ જઇ રહેલા શાહ કોલકાતામાં ભાજપના સાંસદો, ધારાસભ્યો અને હોદ્દેદારો સાથે વાતચીત કરશે. તેઓ આજે સવારે રાજ્યમાં ‘ફ્લોટિંગ બોર્ડર આઉટ પોસ્ટ’ પર બોટ એમ્બ્યુલન્સને લીલી ઝંડી આપશે અને હરિદાસપુર બીઓપીમાં મૈત્રી સંગ્રહાલયનું ખાતમુહૂર્ત કરશે. સાંજે સિલીગુડીમાં જાહેરસભા થશે. કાલે શાહ તીન બીઘા જશે અને કૂચબિહાર જિલ્લાના ઢેકિયાબાડી બીઓપીમાં બીએસએફના જવાનો સાથે વાતચીત કરશે.