ગુજરાતના અમદાવાદ-લંડન એર ઇન્ડિયાના બોઇંગ-787 ડ્રીમલાઇનર વિમાન દુર્ઘટનામાં ગુજરાતના પૂર્વ મુખ્યમંત્રી સહિત 241 વધુ મુસાફરોના મોત થયા છે, જ્યારે માત્ર એક મુસાફર સુરક્ષિત બચી ગયો છે. પ્લેન ક્રેશ દુર્ઘટનાને લઈને દેશભરમાં શોક છવાયો છે. જ્યારે ઘટનાને લઈને દુનિયાભરના નેતાઓ દુઃખ વ્યક્ત કરી રહ્યા છે. જેમાં અમેરિકાના રાષ્ટ્રપતિ ડોનાલ્ડ ટ્ર્મ્પે ભીષણ વિમાન દુર્ઘટના મામલે દુઃખ વ્યક્ત કર્યું હતું. આ સાથે ટ્રમ્પે કહ્યું કે, ‘આ એક ભયાનક દુર્ઘટના છે. અમારી સંવેદના ભારત સાથે છે. અમે જે કાંઈ પણ થઈ શકે એ માટે ભારતની દરેક મદદ કરવા તૈયાર છીએ.’ બીજી તરફ, પાકિસ્તાનના વડાપ્રધાન શહબાઝ શરીફ અને તેમના ભાઈ નવાઝ શરીફે પણ પ્લેન ક્રેશ દુર્ઘટનાને લઈને દુઃખ વ્યક્ત કર્યો હતો.
- Advertisement -
ગુટેરેસે કહ્યું કે તેઓ વિમાન દુર્ઘટનાથી “ખૂબ જ દુઃખી” છે અને તેમણે તમામ અસરગ્રસ્તોના પરિવારો અને પ્રિયજનો પ્રત્યે “હાર્દિક સંવેદના” વ્યક્ત કરી.
ફ્રાન્સના રાષ્ટ્રપતિ ઇમેન્યુઅલ મેક્રોને કહ્યું, “અમદાવાદ, ભારતના દુ:ખદ વિમાન દુર્ઘટનાથી આપણે ઊંડી લાગણી સાથે શીખ્યા છીએ. આ દુઃખના સમયમાં, હું પીડિતોના પ્રિયજનો અને વડા પ્રધાન @NarendraModi પ્રત્યે અમારા હૃદયપૂર્વકના સંવેદનાઓ વ્યક્ત કરું છું.”
- Advertisement -
વિદેશ મંત્રી અનિતા આનંદે પણ તેને “દુઃખદ સમાચાર” ગણાવીને “વિનાશક” ગણાવ્યું. “કેનેડા અમારા આંતરરાષ્ટ્રીય ભાગીદારો સાથે ગાઢ સંપર્કમાં છે. આ દુર્ઘટનામાં ગુમાવનારા લોકોના પરિવારો અને પ્રિયજનો સાથે મારી સંવેદના છે,” તેમણે X પર એક પોસ્ટમાં કહ્યું.
યુએસ સેક્રેટરી ઓફ સ્ટેટ માર્કો રુબિયોએ પણ શોક વ્યક્ત કરતાં કહ્યું કે વોશિંગ્ટન ઘટનાક્રમ પર નજર રાખવાનું ચાલુ રાખે છે અને અસરગ્રસ્તોને મદદ કરવા માટે કામ કરી રહેલા કટોકટી પ્રતિભાવ આપનારાઓ સાથે ઊભું છે. “અમદાવાદ, ભારતના દુ:ખદ વિમાન દુર્ઘટનાના સમાચાર સાંભળીને હૃદય દુ:ખી થયું. આ ભયાનક ઘટનામાં પોતાના પ્રિયજનો ગુમાવનારાઓ સાથે મારી પ્રાર્થનાઓ છે,” રુબિયોએ X પર કહ્યું.
અમદાવાદમાં ભીષણ વિમાન દુર્ઘટનાથી દેશ અને દુનિયાભરમાં શોક જોવા મળી રહ્યો છે, ત્યારે પ્લેન દુર્ઘટનાને લઈને ટ્રમ્પ પ્રશાસનને પહેલાથી અમેરિકાની રાષ્ટ્રીય પરિવહન સુરક્ષા બોર્ડ (NTSB)ને તપાસમાં સહયોગ કરવા માટે ભારત મોકલવાની પરવાનગી આપી દીધી છે. આ સિવાય અમેરિકી વિદેશ મંત્રી માર્કો રૂબિયોએ પણ આ દુઃખ ઘટનાને લઈને શોક વ્યક્ત કર્યો હતો અને ભારતને દરેક સહાયતા કરવાની વાત કરી હતી.
પાકિસ્તાનના વડાપ્રધાન શહબાઝે સોશિયલ મીડિયા માધ્યમ ‘X’ પર પોસ્ટ કરીને કહ્યું કે ‘આજે અમદાવાદ નજીક એર એન્ડિયાનું વિમાન દુર્ઘટનાગ્રસ્ત થવાથી દુખી છું. આ ભયંકર નુકસાનથી પરિવારો પ્રત્યે અમે સંવેદના વ્યક્ત કરીએ છીએ.’
નવાજ શરીફે સોશિયલ મીડિયામાં લખ્યું કે, ‘અમદાવાદમાં એર ઈન્ડિયાના વિમાન દુર્ઘટના જાનહાનિ પર મારી સંવેદના. આ હૃદયદ્રાવક દુર્ઘટના સરહદોથી પણ આગળ છે અને આપણને આપણી માનવતાની યાદ અપાવે છે. મારી ઊંડી સંવેદનાઓ વડાપ્રધાન મોદી અને ભારતના લોકો પ્રત્યે છે.’
ગુજરાતના અમદાવાદમાં 12મી જૂને ભીષણ વિમાન દુર્ઘટનાના કારણે સમગ્ર દેશ આઘાતમાં છે. વિમાનમાં સવાર મોટા ભાગના મુસાફરોએ જીવ ગુમાવ્યા છે. વિમાન અમદાવાદથી લંડન જઈ રહ્યું હતું જેમાં 242 લોકો સવાર હતા. જેમાં બે પાયલટ અને 10 કેબિન ક્રૂ સદસ્યો સામેલ છે. વિમાન મેઘાણીનગર નજીક એક હોસ્ટેલમાં ક્રેશ થયું તે બિલ્ડિંગમાં પણ મોટા પાયે જાનહાનિના અહેવાલ છે. પ્લેન ટેકઓફ થયાની બે જ મિનિટમાં ક્રેશ થઈ ગયું હતું. આ દુર્ઘટનામાં ગુજરાતનાં પૂર્વ મુખ્યમંત્રી વિજય રૂપાણીનું પણ નિધન થયું છે. તેઓ પરિવારને મળવા માટે લંડન જઈ રહ્યા હતા. ફ્લાઇટ AI171માં 169 ભારતીય, 53 બ્રિટિશ, 1 કેનેડિયન અને 7 પોર્ટુગીઝ નાગરિકો હતા. આ પ્લેન ક્રેશ થયું કેવી રીતે, સમજો ગ્રાફિક એનિમેશનથી.
