રામમંદિરમાં દાન ચોરી મામલે સંસદ પરિસરમાં વિપક્ષનું પ્રદર્શન

લોકસભામાં હોબાળો : આજે પેપર લીક સંબંધિત બિલ રાજ્યસભામાં રજૂ થશે

સંસદ ભવનમાં પીએમની બેઠક, પાંચ કેન્દ્રીય મંત્રી હાજર

સંસદ ભવનમાં પીએમ મોદીની અધ્યક્ષતામાં એક મહત્વપૂર્ણ બેઠક યોજાઈ રહી છે. તેમાં રક્ષા મંત્રી રાજનાથ સિંહ, જેપી નડ્ડા, નિર્મલા સીતારમણ, પીયૂષ ગોયલ અને કિરણ રિજિજુ સામેલ છે. બેઠકમાં વર્તમાન રાજકીય અને સંસદીય મુદ્દાઓ સહિત સરકારની રણનીતિ પર ચર્ચા થવાની સંભાવના છે. વિરોધ પક્ષના સાંસદોએ રાજ્યસભાની કાર્યવાહી શરૂ થતાં જ NEET પેપર લીક કેસમાં પોલીસની કાર્યવાહી પર સવાલો ઉઠાવ્યા અને સૂત્રોચ્ચાર કર્યા. ત્યારબાદ તેઓ ગૃહમાંથી વોકઆઉટ કરી ગયા. સંસદની કાર્યવાહી શરૂ થાય તે પહેલાં વિપક્ષી સાંસદોએ ગુરુવારે સવારે ૧૦:૩૦ વાગ્યે મકર દ્વાર પર પ્રદર્શન કર્યું. તેમણે ૨૦ જુલાઈએ જંતર-મંતર પર વિદ્યાર્થી પ્રદર્શનકારીઓ પર થયેલી પોલીસ કાર્યવાહી અને અયોધ્યાના રામ મંદિરમાં દાન ચોરીના મામલે કેન્દ્ર સરકાર સામે વિરોધ નોંધાવ્યો. પ્રિયંકા ગાંધી પ્રદર્શનમાં સામેલ થયા.

રાજ્યસભામાં ગુરુવારે પેપર લીક સંબંધિત પબ્લિક એક્ઝામિનેશન સંશોધન વિધેયક-૨૦૨૬ રજૂ કરવામાં આવશે. તેના પર બપોરે ૨ વાગ્યાથી લગભગ સાત કલાક ચર્ચા થવાની સંભાવના છે. કોંગ્રેસ અધ્યક્ષ મલ્લિકાર્જુન ખડગે અને પાર્ટી નેતા મુકુલ વાસનિક સહિત વિપક્ષના ઘણા સાંસદો ચર્ચામાં ભાગ લેશે. પેપર લીક સંબંધિત બિલ બુધવારે લગભગ સાત કલાકની ચર્ચા પછી લોકસભામાં પસાર થયું હતું. સરકારે તેને પેપર લીક વિરુદ્ધ એક મોટું પગલું ગણાવ્યું હતું, જ્યારે વિપક્ષનું કહેવું હતું કે ફક્ત સજા વધારવાથી સમસ્યા સમાપ્ત થશે નહીં, પરીક્ષા સિસ્ટમમાં સુધારા પણ જરૂરી છે.

સંસદના ચોમાસુ સત્રનો ગુરુવારે નવમો દિવસ છે. માર્ચ દરમિયાન વિદ્યાર્થીઓ પર લાઠીચાર્જને લઈને વિપક્ષ સતત હોબાળો કરી રહ્યું છે. જ્યારે સત્તા પક્ષ પણ રાહુલ ગાંધી પાસેથી લોકસભામાં તેમના ‘ઈડિયટ’ અને ‘અંધભક્ત’ વાળા નિવેદનોને લઈને માફીની માંગ કરી રહ્યું છે. કોંગ્રેસ અને અન્ય વિપક્ષી સાંસદોએ સંસદના મકર દ્વાર પર પ્રદર્શન કર્યું. પ્રિયંકા ગાંધી વાડ્રા પણ પ્રદર્શનમાં સામેલ થયા. વિપક્ષી સાંસદોએ ૨૦ જુલાઈએ CJP પ્રદર્શનકારીઓ પર થયેલી પોલીસ કાર્યવાહીને લઈને ગૃહમંત્રી અમિત શાહ વિરુદ્ધ વિરોધ નોંધાવ્યો અને કાર્યવાહીની જવાબદારી નક્કી કરવાની માંગ કરી.