મુખ્યમંત્રી બંગાળના જ હશે, બસ તે દીદીનો ભત્રીજો નહીં હોય: અમિત શાહ

ગૃહમંત્રીએ કહ્યું-બંગાળમાં સરકાર અમારી જ બનશે

ખાસ-ખબર ન્યૂઝ નવી દિલ્હી

બંગાળમાં પહેલા તબક્કાના મતદાન પછી ગૃહમંત્રી અમિત શાહે કહ્યું કે બંગાળમાં બમ્પર મતદાન ભયથી વિશ્વાસની યાત્રા છે. ભાજપ પહેલા તબક્કાની 152 બેઠકોમાંથી 110 બેઠકો જીતી રહી છે. રાજ્યમાં 4 મેના રોજ અમારી સરકાર બનશે. અમારી સરકારની પ્રથમ પ્રાથમિકતા મહિલાઓની સુરક્ષા હશે.
તેમણે કહ્યું કે મુખ્યમંત્રી મમતા બેનર્જી અફવા ફેલાવી રહ્યા છે કે જો ભાજપનું શાસન આવશે તો બંગાળના લોકોને બહાર કાઢી દેવામાં આવશે. હું દીદીને જણાવવા માંગીશ કે આગામી સીએમ બંગાળના જ હશે. તે ફક્ત તમારા ભત્રીજા નહીં હોય, ભાજપના કાર્યકર્તા હશે.
બંગાળમાં પહેલા તબક્કામાં 152 બેઠકો પર રેકોર્ડ 92.72% મતદાન થયું છે. બીજા તબક્કામાં 29 એપ્રિલે મતદાન થશે. પરિણામ 4 મેના રોજ આવશે.

પશ્ર્ચિમ બંગાળમાં અમિત શાહની પ્રેસ કોન્ફરન્સના મુખ્ય મુદ્દા

જે રાજ્યના મુખ્યમંત્રી કહેતા હોય કે મહિલાઓને 7 વાગ્યા પછી રસ્તાઓ પર નીકળવાની જરૂર શું છે. હું કહેવા માંગીશ કે 5 તારીખ પછી એક નાની બાળકી પણ રાત્રે ડર વગર નીકળી શકશે.

દીદીને મહિલા આરક્ષણનો વિરોધ કરવાનો જવાબ પણ બંગાળની માતૃશક્તિ આપશે.

અમારી સરકાર ભ્રષ્ટાચાર મુક્ત શાસન તો આપશે જ, જેમણે ભ્રષ્ટાચાર કર્યો છે તેમની વિરુદ્ધ સુપ્રીમ કોર્ટના નિવૃત્ત ન્યાયાધીશ દ્વારા તપાસ કરાવીશું.

અમે અપીલ કરી છે કે પરિવર્તન થશે. એનો મતલબ ધારાસભ્ય બદલવાનો નથી. સરકાર ચલાવતી પાર્ટી બદલવાનો નથી. એનો મતલબ મુખ્યમંત્રી બદલવાનો નથી. એનો મતલબ ઘૂસણખોરી મુક્ત બંગાળ બનાવવાનો છે.