જૂનાગઢ એસટી બસ સ્ટેન્ડ ખાતે સ્વચ્છતાના સંદેશ સાથે વિદ્યાર્થિનીઓએ નાટક પ્રસ્તુત કર્યું

ખાસ-ખબર ન્યૂઝ જૂનાગઢ, તા.2
જૂનાગઢ સ્વચ્છ ભારત મિશન ના 10 વર્ષ પૂર્ણ થવાના અવસરે બ્રહ્માનંદજી લોક વિજ્ઞાન કેન્દ્ર,એસટી વિભાગ દ્વારા સ્વચ્છત્તા હી સેવા ઝૂંબેશનું આયોજન કરવામાં આવ્યું છે.આ ઝૂંબેશ અંતર્ગત ધાર્મિક, પ્રવાસન અને જાહેર સ્થળોએ સ્વચ્છતા જાગૃતિ અંગેના વિવિધ કાર્યક્રમો યોજવામાં આવેલ છે.

શ્રીબ્રહ્માનંદજી લોક વિજ્ઞાન કેન્દ્રના ચેરમેન ગિજુભાઈ ભરાડના માર્ગદર્શન હેઠળ પૂજ્ય મુક્તાનંદજી બાપુના આશિર્વાદથી એસટી બસ સ્ટેન્ડ ખાતે યોજાએલ સ્વચ્છતા હી સેવા કાર્યક્રમમાં માતૃશ્રી એમ.જી.ભુવા ક્ધયા વિદ્યા મંદિર-જોષીપુરાની વિદ્યાર્થિનીઓ દ્વારા સ્વચ્છતા અંગે જીવંત સાંસ્કૃતિક નાટકની અદ્દભુત પ્રસ્તુતિ કરવા માં આવી હતી આ તકે ઉપસ્થિત જનસમુદાયને જાગૃત કરવાનો ઉમદ્દા પ્રયાસ કરવામાં આવ્યો હતો. આ કાર્યક્રમના કો-ઓર્ડિનેટર પ્રતાપસિંહ ઓરા, શાળાના આચાર્ય જયશ્રીબેન રંગોલિયા, શિક્ષકો નયનાબા મોરી, ઇલાબેન બાલસ, અને હેમાલીબેન સોલંકી સહિત એસટી વિભાગના વિમલભાઈ મકવાણા ડેપો મેનેજર જીતુભાઈ વાઢીયા એ.ટી.આઈ, સંજયભાઈ વાળા એ.ટી.આઇ, અરૂણભાઇ મકવાણા સુપરવાઈઝર અધિકારીઓ હાજર રહી વિદ્યાર્થિનીઓને પુરસ્કાર અને પ્રમાણપત્રથી પ્રોત્સાહિત કરવામાં આવી હતી.