આજે નિફ્ટીએ પ્રી-ઓપનિંગમાં જ 18,000ને વટાવી દીધું હતું અને 5મી એપ્રિલ પછીનો આ પહેલો દિવસ છે જ્યારે નિફ્ટીએ પ્રી-ઓપનિંગમાં જ 18,000ને પાર કર્યો
આજે મંગળવારે સ્થાનિક શેરબજારમાં જોરદાર મોમેન્ટમ સાથે ટ્રેડિંગ શરૂ થયું હતું. આ સાથે બેન્કિંગ શેરોની મજબૂત કામગીરીથી શેરબજારને ટેકો મળ્યો હતો. આજે નિફ્ટીએ પ્રી-ઓપનિંગમાં જ 18,000ને વટાવી દીધું હતું અને 5મી એપ્રિલ 2022 પછીનો આ પહેલો દિવસ છે જ્યારે નિફ્ટીએ પ્રી-ઓપનિંગમાં જ 18,000ને પાર કર્યો છે. નિફ્ટી 109 સેશનમાં 18 હજારની ઉપર જવામાં સફળ રહ્યો છે.
- Advertisement -
આજના કારોબારમાં BSE 30 શેરનો સૂચકાંક સેન્સેક્સ 339 પોઈન્ટના ઉછાળા સાથે 60,454.13 પર ખુલ્યો. NSEનો 50 શેરનો ઈન્ડેક્સ નિફ્ટી 88.30 પોઈન્ટ વધીને 18,024.65 પર ખુલવામાં સફળ રહ્યો છે. મહત્વનું છે કે, શરૂઆતની મિનિટોમાં સેન્સેક્સ 300 પોઈન્ટથી વધુનો ઉછાળો દર્શાવે છે. આમાં 306.01 પોઈન્ટ એટલે કે 0.51 ટકાના ઉછાળા સાથે 60,421 પર ટ્રેડિંગ થઈ રહ્યું છે. આ સિવાય નિફ્ટીમાં 93 પોઈન્ટ એટલે કે 0.52 ટકાના વધારા બાદ 18029નું લેવલ જોવા મળી રહ્યું છે.
સેક્ટરલ ઇન્ડેક્સનું શું છે ?
કન્ઝ્યુમર ડ્યુરેબલ્સ સેક્ટર લગભગ 1 ટકા અને નાણાકીય સેક્ટર 0.93 ટકા ઉપર છે. મેટલ્સમાં અડધા ટકા અને બેન્ક શેરોમાં 0.49-0.44 ટકાનો વધારો જોવા મળી રહ્યો છે. આઈટી સેક્ટરમાં 0.44 ટકાની સારી મજબૂતાઈ સાથે બિઝનેસ થઈ રહ્યો છે.
- Advertisement -
આજે સેન્સેક્સમાં કયા શેરોમાં તેજી ?
સેન્સેક્સના તમામ 30 શેરોમાં ઉછાળો જોવા મળી રહ્યો છે અને તેમાંથી ભારતી એરટેલ, ઇન્ડસઇન્ડ બેન્ક, ઓએનજીસી, એચડીએફસી અને કોટક મહિન્દ્રા બેન્ક ઉપર છે. સન ફાર્મા, ડૉ. રેડ્ડીઝ લેબ્સ, ટાઈટન, આઈટીસી, મારુતિ, એમએન્ડએમ, એલએન્ડટી, વિપ્રો, ટાટા સ્ટીલ, એસબીઆઈ, આઈસીઆઈસીઆઈ બેંક, એચડીએફસી બેંક, રિલાયન્સ ઈન્ડસ્ટ્રીઝ, એચડીએફસી બેંક, ઈન્ફોસિસ, એચડીએફસી, એક્સિસ બેંક અને ઈન્ફોસીસ પણ વધ્યા છે. એશિયન પેઇન્ટ્સ, નેસ્લે, એચયુએલ, અલ્ટ્રાટેક સિમેન્ટ અને બજાજ ફિનસર્વ સાથે પાવરગ્રીડ અને એનટીપીસીમાં ફાયદો જોવા મળી રહ્યો છે.
આજે નિફ્ટી શેરનું શું છે ચિત્ર ?
આજે માર્કેટ ખૂલતાની સાથે જ નિફ્ટીના 50 શેરોમાંથી 46 શેરોમાં વધારો અને 4 શેરોમાં ઘટાડો જોવા મળી રહ્યો છે. નિફ્ટીના ઘટતા શેરોમાં સિપ્લા, એચસીએલ ટેક, સન ફાર્મા અને એશિયન પેઈન્ટ્સના શેરમાં ઘટાડો જોવા મળી રહ્યો છે.
કેવી છે પ્રી-ઓપનિંગમાં બજારની સ્થિતિ ?
શેરબજારની પ્રી-ઓપનિંગમાં જ શેરબજાર માટે સારા સંકેતો છે અને પ્રી-ઓપનિંગમાં જ નિફ્ટીએ 18000ને પાર કરી લીધો હતો. બીજી તરફ, NSE નો નિફ્ટી 90.45 પોઈન્ટ અથવા 0.50 ટકાના વધારા સાથે 18026 પર હતો. BSE સેન્સેક્સ 206 અંક એટલે કે 0.34 ટકાના ઉછાળા સાથે 60321 ના સ્તર પર જોવામાં આવ્યો હતો. SGX નિફ્ટીમાં પણ સારી વૃદ્ધિ જોવા મળી હતી.
